(( الفصل الرابع – الجزء 1 ))

رفيقتي هي انتي .... (( الفصل الرابع – الجزء 1 ))

مر 7 ايام على مصالحتها مع راي ... واليوم يوم زواج اخو اكيرا ....
انفتح باب غرفتها بقوة ..
آيا من الفجعه صحت من النوم و جلست ماتدري وش السالفه ..
الام تقرب لها و هي تستعجلها : آيا ... آيا .. يالله قومي بسرعة .....    
آيا تحك راسها : يا مامي اش صاير..        
الام : اقول قومي بسرعة .....
آيا و بعناد : مو اليوم اجازة خليني انوم يا ماما .....
الام : ايه اجازه بس قومي بسرعه انا ما اكلم جدار..
آيا : طيب طيب بس شوي ..
آيا تفكر : اليوم زواج اخو اكيرا ..يوووه شكل اكيرا نساني ... من ذاك اليوم اللي اخذ مني الفستان ما كلمني عن زواج اخوه ابد ..... شكله خلاص مايبغاني احضر ..
الام بدأت تعصب فقالت بصراخ : في ناس يبونك تحت تحركي بسرعه....
آيا انتفضت من الروعه : ط...ط...طييب
و طمرت للحمام وهي تفرش اسنانها طلت براسها على امها و سألت: ماما مين الناس اللي قلتيلي عنهم ؟! و وش يبون ؟؟
الام متكتفه : مدري عنهم بس شكلهم ناس كباريه ...استعجلي
آيا مستغرنه : وشو ؟؟ ....
الام طفح بها الكيل: اقول سكري فمك و غسليه زين و بسرعه حولي وشوفي وش يبون منك انا بنزل ....
طلعت الأم .. بعد دقايق نزلت آيا ببجامتها وتشوف قدامها حرمتين ورجالين اشكالهم مريبه.....
آيا مرتاعه : نعم انا آيا اي خدمه ؟؟
لما قدمت نفسها توجهو لها و سحبوها للسياره على طول .....
آيا تحاول تبعدهم بيدينها : هيييي انت ابعد عني عورتني ..
تكلم الحرمه : انت ماعندك احساس عاجبك كذا شكلي على الاقل خلوني اغير ملابسييييييي ...... <<< وآيا كعادتها ما يهمها غير مظهرها
محد عطاها اي اهتمام و فتحو باب السياره و دخلوها ..
جوا السياره :.
ايا معصبه و تسب ما درت عن اللي بجنبها ..
توما بضحك: هههه و الله انك يا ايا توحفه اول مره اشوفك بهالشكل يا آيا ...
آيا توها تنتبه له : يمامي انت من وين طلعت ؟؟ وش جابك هنا ؟؟   
توما بابتسامه : ليه انتي ناسية ان اليوم زواج اخو اكيرا .. ؟؟
آيا تتعدل في جلستها و تضبط بلوزتها  : لا ما نسيت بس اكيرا من بعد ذاك اليوم ما كلمني عن الزواج ... توقعت انه نساني ....
توما : اما ينساك ..
آيا استغربت الكلمه فناظرته نظرة تساؤل ..
توما يصرف : اوه اقصد ان الغلط مني انا .... نسيت اعلمك امس ان اليوم بتجي هالسياره عشان تاخذك ....
آيا كأنها تذكرت شيء: ايه صح .... من هذولا ؟؟
توما : وحده مصممة والثانية الكوفيره والرجاجيل واحد السواق والثاني مدري بس يمكنه المفصل الرجالي .... هذا اللي عرفته من اكيرا ...
آيا تهز راسها و هي تتسند : آها .... الحين فهمت .. طيب الحين وين بنروح بهالشكل  ....؟؟ << اشرت على نفسها
توما بدون ما يناظرها: انتي بس اللي شكلك حوسه اما انا لابس ...
آيا وشوي تنط عليه من القهر : الغلط منك يا المتخلف اجل فيه احد ينسى .....
توما يهديها :  ياختي مافيه احد ما ينسى و بعدين لا تنشبين لي اكيد ما راح تحظرين بهالبجامه..
آيا تحاول تضبط نفسها : يعني وش بنسوي ..
وفي هالحظه وقفت السياره  ..
آيا : وش فيه وش عندكم و من هذا بيته هالفخم ..
توما : انتي ما تعرفين تسكتين شوي لازم تسألين ..
تلتفت على توما وتسكر على اسنانها : انت مالك دخل ما سألتك ..
المصممة : هذا مو بيت هذا مكان العمل اللي نشتغل فيه  ....
آيا : آها ..
المصممه : ممكن يا آنسه تتفضلون بالدخول ..
فتح السواق لهم الباب و نزلو الأثنين و دخلو ..
آيا و هي تتفرج على المكان : طيب وش تسوون فيه ؟؟
المصممة : طبعا .. نصمم فيه الفساتين ونخيطها وكل هالشغلات ....
آيا : طيب كم تحصلون في اليوم ؟؟
توما يشوفها وهو مو مصدق : وش هالقافه ..
آيا تشوفه من فوق لتحت ولا ردت عليه ..
المصممة : وش نحصل ؟؟
آيا وكأن احد مكلمها من قبل: يعني الزباين ... واضح انكم غاليين ..
المصممة : احنا نشتغل عند عوائل معينه تحجزنا باليوم .... واحنا نسوي لها اللي تطلبه مننا ... واليوم السيد اكيرا حاجزنا لك ولهذا الولد ....
توما في نفسه : الله من زين الاسلوب ..قولي على الاقل الشاب مو ولد كأني اصغر عيالك ..
ابتسم مجامله في وجهها ..
آيا : آها ....
آيا في نفسها : وناسه صرتي شخصيه يا آيا ....
توما يميل فمه : اخيرا فهمتي ...
آيا بتقهره : بعد لازم اسأل.. تبيني كني غبية ما افهم شيء .....
توما بابتسامه ساخره : لا خذي راحتك ...
آيا تلعب بشعراها : احلف عاد .. اصلا ما طلبت رايك ..
المصممه تفتح باب غرفه طويل و تأشر لهم  : تفضلو ادخلو  ....
آيا تدخل و هي منبهره : واو ..
توما ... لاتعليق ..
المصممة تتوجه لدولاب و تفتحه و تطلع منه فستان فخم. فستان خيالي ... فضيع بمعنى الكلمة ... ضيق على الجسم من فوق ومنفوش من تحت 
ولونه وردي فاتح ... وحركة الفستان كله على شكل فيونكة .. طويل ومكسر طبقتين الطبقة التحتية مزخرفة الى الركبة
والطبقة الفوقانية حرير مكسر فوق الركبة  وووو ......
آيا فاتحه فمها : واو وش هالفستان الرووووعه ..
المصممه تتقدم لآيا و تمد لها الفستان بابتسامة : تفضلي قيسيه يا قمر ....
آيا بتعجب : اقيسه انا ..
المصممه تمسك يدها و تعطيها الفستان : ايه فستانك و انا اللي مصممته ..
آيا طايره من الفرحة مو مصدقه : طيب طيب ...من جد هذا مو فستان هذا تحفة فنية .....
المصممة : تستاهلينه وانا متأكده انه ما يلبق الا عليك ..... وطبعا صممنا له شنطة وجزمة مناسبين ومعطف من الفرو الطبيعي  .....
آيا : يا الله احس اني في حلم ماني في واقع .....
توما : يله روحي والبسيه خلينا نشوفه ....
المصممة : لازم نشوفه عليك اذا يبغى تعديل نعدله قبل الحفلة .....
آيا ابتسمت و اخذت الفستان: افا عليك الحين اروح طيرااااااااان ....توجهت لغرفة القياس..
المفصل : طيب سيد توما ممكن نروح للغرفة الثانية عشان تستعد ...
توما بابتسامه : طيب ..
المفصل :تفضل من هنا ..
طلع الأثنين .. بعد 10 دقايق ...
طلعت آيا وهي لابسه الفستان والجزمة .....اش رايك يا تو...
تتلفت : وين راح توما ؟؟ ..
المصممه : راح يتجهز ..
آيا : اها ..
المصممه بابتسامة شاقه وجهها : آنسه آيا انت روعه و الفستان عليك يجنن ..
آيا بخجل : شكرا من ذوقك ..
المصممه : يالله يا حلوة تفضلي عند الكوافيره عشان تسرح شعرل و تحط لك مكياج ..
آيا : اوكي ..
وتوجهت للكوافيره ..
وجلست وبدأ الشغل تزين لها شعرها .... وتحط لها مكياج روعة ..
بعد شوي ..
المصممة : وصل اخيرا الطقم .. .
آيا : أي طقم .... ؟؟
المصممة : طقمك ..
وتفتح لها الطقم وتتجنن آيا عليه ......
آيا : هذا حقيقي ؟؟
المصممة : هذا الماس مصمم خصيصا لك من باريس ..
آيا : وكم سعره ؟؟
المصممة : عشرين مليون ين.....
آيا تفتح عيونها : 20 مليون ين ...
آيا في نفسها : وجع وجع ياليتها كاش في يدي
المصممة : تستاهلين افضل منه يا انسه  ....
آيا ولا زالت مفهيه : تسلمين
المصممة : وش فيك متعجبة من كل شيء هذا شيء طبيعي هنا ....
آيا متورطه : هاه لا مو كذا ... بس اقصد اني مو انا اللي مختارته .... هه هه ..
المصممة : ههههههه احلى مفاجأة صح اجل ازيدك من الشعر بيت صممو ساعة يد الماس
تأشر عليها بيدها: وش رايك فيها .....
آيا : واااااااااااااااااااااو تجنن .... اوه اقصد كيوت .... هه هه
آيا في نفسها : وش هذا انا في حلم ولا في علم ...... اكيرا انت وين حطيتني فيه ... ؟؟
وتخلص آيا من المكياج والتسريحة وتلبس الطقم والساعة ...
المصممة : آنسة آيا ممكن تعطيني جوالك ..
آيا : جوالي في البيت ....
المصممة : اوه ليش ما جبتيه معك ... ؟؟
آيا : لانكم اخذتوني بملابسي كيف تبيني افكر بجوالي او اجيبه .. ؟؟
المصممة : آسفين بس من توصيات السيد اكيرا اننا نجيبك في الحال ما صار الا الخير نرسل الحين السواق يجيبه لك ....
راحت المصممه تتصل على السواق ..
الكوفيرة : يا آنسه خلصنا من المكياج ما تبين تشوفين نفسك....
آيا : خلاااااااااااااااااص اقدر اشوف شكلي ؟؟
الكوفيرة : اكيد وصايره كأنك قمر14 .....
آيا : والله شكرا هذا من ذوقك ...
توقف آيا قدام المراية ......
آيا : ياااااااااااااااااااااااااااي هذي انا ؟؟!!!
الكوفيرة : وش رايك ؟؟؟؟
آيا : في احلامي ما تخيلت نفسي بهالشكل ......
بعد ثواني رجعت المصممة :  وااااااااااو صايره خيال وجنان
الكوفيرة : انتي الحين في الواقع .... تدرين ؟؟
آيا : وشو ؟؟
الكوفيرة : على كثر ما التقيت ببنات .... انتي احلاهم واجملهم ....
المصممة : وانا اشهد على كلامها.....
آيا : لا تبالغون .. فيه كثير احلى مني .....
المصممة : ما راح انافقك لكن جسم وطول وجمال ... ما شفت مثلك....
آيا : لا تحرجيني بكلامك الحلو ......
الكوفيرة : والله هذا الصدق ماكذبت ....
آيا : ممكن اطلب منكم شيء ؟؟
المصممة :  تفضلي ....
الكوفيرة: آمري.....
آيا : هنا تصورون ؟؟
المصممة : ايه
آيا : طيب اقدر اصور ...
المصممة : اكيد تقدرين بس هل باستطاعتك الانتظار لان يبغالي اتصل على المصورة تحضر..
آيا : لا لا خلاص ... مشكورة مايحتاج...
الكوفيره : وليش لا ؟؟ والله انك خيال حرام ماتصورين..
المصممة :انا بتصل وبتصورين عشاننا اوكي ......
آيا : اوكي براحتك......
وفي نفس الوقت ينطق الباب ....
الكوفيره:  نعم ..
السواق : جبت الجوال ....
الكوفيره تروح وتاخذ الجوال منه ......
آيا : وش عندك بالجوال ....؟
المصممة : بأدخل شريحتك بجهاز ثاني .....
آيا : ليش وش فيه جهازي حلو .....
الكوفيرة : ارسل لنا السيد اكيرا جهاز جوال لك ......
وتطلع المصممة جهاز الجوال .....
آيا تشوف الجهاز الجديد وتنهبل ....
آيا في نفسها مندهشة: آخر جوال نزل بالسوق مستحيل ....
آيا تروح للمصممة وتاخذ الجهاز الجديد وتاخذ جهازها من الكوفيرة وتبدأ تفتح وتطلع الشريحة وتدخلها في الجوال الثاني .....في هذي الاثناء....
المصممة : ما تحسين فيه شيء يضايقك بالفستان او الجزمة او الخاتم وغيرها ..
آيا : الصراحة الفستان احسني ما اقدر اتنفس من ضوقه ...
المصممة : ضيق ؟!
آيا : ايه شوي ....
المصممة : لكن نفس الفستان اللي جانا بالضبط .....
آيا : الفستان اللي عطيتك اياه حق الصيف الماضي والحين احنا في الشتاء .... عشان كذا سمنت ...
المصممة : كذا .... طيب ليش ما قلتيلنا ....
آيا : كنت اتوقع اني ما سمنت ..... معليش الغلط مني ....
المصممة : طيب خلاص .... معليش تحمليه شوي لين تنتهي الزفة ....
آيا : اوكي يصير خير ....
وينطق الباب ....
المصممه : مين ؟؟
المصوره : هذي انا المصورة....
فتحت الباب :
المصممة : هلا بك ....
المصورة :هلا فيك ..
المصممه :  تفضلي احنا بإنتظارك ..
المصوره : وين البنت اللي بأصورها ... ؟؟
المصممة تأشر على آيا :  هذي القمر .... بالله ما تستاهل التصوير .؟؟
آيا بإبتسامه خجل ..
المصورة منبهره : الا والله .....تستاهل ..
آيا بإحراج : تسلمون ..
المصممه : يالله تفضلي ..
المصوره : اوكي ..
بدأت آيا تصور انواع الحركات و تدلع مره واقفه و مره نايمه ومره ماسكه ورده و من هالحركات الناعمه ..
وبعد شوي دخل توما عليهم .....
آيا متعجبه : واو توما اول مره اشوفك مرتب وحلو ..... صاير شخصية ...
توما طاحت عيونه : انتي آيا ؟؟ شلون انقلبتي كذا ....... ؟!
آيا بتعبيسه : ما عجبتك ؟؟
توما مو مصدق شكلها : لا مو كذا قصدي ... قصدي انك صايره جميلة ....
آيا بفرحه : والله ..... اجل عجبتك ..
تتعدل في جلستها : شفت شفت من قدك اليوم بأصير اختك ....
توما يزين ياقة رقبته : ويا سعدك اليوم بأصير اخوك ....
دخل السواق .. ممكن تجهزون لان بنروح الحين ..
المصممة : طيب ... يالله روح وقرب السيارة ....
الكوفيره : انسة آيا خذي والبسي هذا الجاكيت ..
آيا : واو فرو ..حتى هذا تبع الفستان ....
الكوفيره : ايه ..
آيا : اها شكرا ..
توما : يالله آيا خلينا نمشي السواق ينتظرنا..
آيا : يالله ..
طلع الأثنين و ركبو السياره
وراحو للقاعه ..
امام قصر كبير وقفت السياره ..
نزلت آيا و توما و دخلو القاعه .. الخدم منتشرين في جميع انحاء القصر ..ايا تتفكر في هالقاعة و روعتها ..
مسكها توما بيدها : خلينا نروح نوقف مع الحضور هناك ....
آيا ما قالت ولا كلمه و اكتفت بالمشي معه .. بعد شوي..
آيا تتلفت يمين و يسار : توما ... وين اكيرا ما اشوفه ؟؟
توما يناظر في الحضور : ما ادري .. يمكن في الزفه راح يطلع لانه اكيد لازم يوقف مع اخوه ...
آيا تحط يدها على ذقنها بتفكير : ما عمري شفت اخوه .... شكله زين زي اكيرا ....
توما يضربها من جنبها بكوعه : خير لا تفشلينا نزلي يدك اللي يشوفك يقول المحقق كونان جالسه تحلل في جريمة قتل  ...... واسمعي لازم نسمي اكيرا بأسم ثاني عشان محد يدري اننا نحكي عنه ....
آيا تكشر في وجهه  : ياربي منك ما عندك وقت و بعدين تعال وش نسمي اكيرا بأسم ثاني.. ؟؟
توما وده يطقها: آيا لاتصيرين غبيه قلتلك لا تنطقين اسمه
وبصوت واطي قال : اكيرا خلينا نسميه اسم ثاني وش رايك بسوما ..
آيا بغت تطلع حنجرتها من التحمس : وععع من حبي لسوما عشان اسمي اكيرا بأسم صديقه ....
توما طلعت عيونه : بس بس لا تتقطع احبالك الصوتيه كل هذا كره في سوما ...
ايا تصرف : لا لا مو كذا .. اقول وش رايك نسميه " ني "
توما بتعجب : " ني "  ؟
آيا تهز راسها : ايه حلو مره ...
توما بدون اعتراض: خلاص بكيفك ..... ني ني ..
طفت الانوار ..الا اضاءه بسيطه مسلطه على باب ..
آيا تمسك كم بدلة توما : وش السالفه ؟!
توما يبعد يدها : وشو يعني اكيد الزفه بتبدأ ..
وبالفعل بدأت الزفة و انفتح الباب و طلع العريس و من خلفه يوقف اكيرا  ....
آيا تضرب توما بكوعها : مو هذا ني ؟؟
توما بتألم: آي من هو ني ؟؟
آيا : يعني اكيرا .... امداك تنسى
توما : ايه والله هذا هو .....
آيا : خلينا نأشر له عشان يشوفنا ...
توما :آيا اعقلي و لا تفشلينا عيب ...
آيا : وش فيك الحين شلون بيعرفنا بين هالعالم .....
توما : ما يحتاج يعرفنا .... اقول اسكتي تكفين .....
آيا : طيب .... هذا اخوه ... تصدق " ني " احلى منه بكثير ...
توما : صح صح .... بس العروس حلوه صح ؟؟
آيا : ترى بأعلم راي ....
توما :  ياختي عادي ابدي رأيي .....
آيا : لا مو عادي ممنوع .....
توما : طيب خلاص خلينا نتفرج و احنا ساكتين ..
انتهت الزفه .....
جت خادمه متوجهه لآيا  : آنسة آيا  ....
آيا باستغراب : نعم ..
الخادمه : ممكن تتفضلين معي..
آيا تناظر توما : وش تبي فيني هذي ..
توما : و الله مدري بس خلينا نروح معها و نشوف ..
آيا تكلم الخادمه : وين اتفضل ..
الخادمه : من هنا ...
وهم متجهين للمكان المراد .. مرو من عند قاعه في قمة الفخامه ..
آيا منبهره تأشر على القاعه : توما لا يفوتك..
توما يلتفت لمكان المأشره عليه : شكل هذي اللي بيصير اليوم فيها الحفلة ....
آيا : واو وش كبرها ..خياليه ..
توما : خلينا نمشي الخادمه سبقتنا ..
ايا: معاك حق ..
الخادمه فتحت لهم الباب تأشر لهم على الغرفه : سيدي آنستي تفضلو بتجلسون في هذي الغرفة وقت الاستراحة ......
توما على طول جلس على الكنبه و مد يدينه : ياسلام مريح ..
آيا تشوف ساعتها : الساعة الحين 6 وبتغرب الشمس بعد شوي ... متى بتبدأ الحفلة ...
الخادمه : الساعة 8 ونص .....
آيا تلتفت على توما : ساعتين .... وش بنسوي فيها يا توما .... ؟؟
توما يأشر لمكان جنبه : تعالي ارتاحي الحين بعدها سوي كل اللي تبين واذا بغيتي بعد نومي ....
آيا تجلس جنبه : اما انوم ... خير ان شاء الله ....
دخلت عليهم المصممة  ..
آيا باستغراب : المصممه هنا ..اش عندك ؟! ..
المصمه بابتسامه : مو قلتي ان الفستان ضيق عليك ؟؟
آيا لازالت مندهشه : ايه قلت انه ضيق ..
المصممة زادت ابتسامتها من منظر آيا : خلاص عطينياه وانا الحين اوسعة شوي ....
آيا : و كيف ابدله ما معي غيره ..
المصممه تريحها : ومن قال اني راح آخذ لبسك بدون ما اعطيك بديل ..
توما يضحك على تفكير آيا : هههه من جد انتي و اكيرا مناسبين لبعض ..
آيا تلتفت عليه : وش قلت ..
توما : سلامتك بس كنت اقول لو تبدلين ازين ما يروح الوقت ..
آيا تأيده : ايوه معاك حق ..
تكلم المصممه : وين اللبس البديل ..
ابتسمت المصممه لبراءتها العفويه و طلعت فستان ابيض مره نعوم و مدته لها : تفضلي يا آنسه و آسفه اذا ازعجتك ..
آيا بامتنان : لا عادي لا ازعاج ولا شي ..
اخذت منها الفستان وراحت تبدل ....هي دخلت  غرفة التبديل من جهة و رن جوال توما من الجهة الثانية.....
دخل توما يده بجيبه و طلع جواله كان عارف مين المتصل من النغمه المخصصه له..
توما مبتسم رفع السماعه : هلا ني ..
اكيرا تغير وجهه : خير وش تخربط وشي ( ني ) هاللي قلتها عسى ماشر..
توما يضحك : خخخخ ماشر كنت امزح معك بس ..( في نفسه لو تعرف ان حبيبة القلب مسميتك هالاسم كان ماقلت خرابيط )..
اكيرا بابتسامه :اها .. كيف الاحوال ؟؟
توما فرحان لخويه و في نفس الوقت خايف عليه : كل شيء تمام ... بس تتوقع هالخبله بتقدر على...
اكيرا تذكر شكل آيا و بابتسامه قال : انا واثق .. ولا تخاف على آيا الحين اعطيها كم كلمة .... وهي عاد تمسك الدور ... لا تنسى انها ممثلة بارعة ...
توما بهدوء : طيب نشوف يا الواثق ....
اكيرا : اسمع ... انتم الحين في غرفة الاستراحة اللي في القاعة . ؟؟
توما : ايه ...
اكيرا : طيب بعد ساعة وشوي راح اجي اوكي .... ؟؟
توما : اوكي انتظرك ....
مر الوقت سريع جات فيه الكوفيرة و غيرت تسريحة آيا .... توما يعدل جيكيته ....
دق الباب ودخلت المصممة : آنسه آيا تعالي يالله البسي الفستان عشان اشوفه ان كان يحتاج زيادة توسيع .....
آيا : طيب ..
يرن جوال توما ..
توما : هلا ..
اكيرا مستعجل : انا الحين جاي عساكم مستعدين .... لاني ابي اشوفكم قبل ما تطلعون ....
توما : جاهزين ننتظرك ...
اكيرا : اوكي .... مع السلامة ...
لبست آيا الفستان ...
المصممة : هاه شلون الاخبار ؟؟
آيا وهي تستعرض عند المرايه : تمام احس الحين براحة مره حلو ..... تسلمين ....
المصممة : الحمد لله ..... طيب يالله حطي شوية قلس لان بعد شوي بتطلعين للحفلة ...
آيا : حاضر ...طلعت برى الغرفه و راحت لشنطتها ..
انطق الباب .... توما راح وفتح الباب .....
توما انبهر بشكله: الله الله وش هالكشاخة يا اكيرا .....    
اكيرا : والله انت اللي صاير كشخة ... حركات ...
آيا وهي تحط القلس الوردي على شفايفها و معطية ظهرها الباب : توما .... جاء اكيرا ؟؟
توما وهو يدخل اكيرا قال بصوت مرتفع شوي : ايه ...
دخل اكيرا وشاف آيا من ظهرها ......
اكيرا بابتسامه : آيا هاه كيف الفستان ؟؟
سكرت آيا القلس و التفتت  عليه ....
اكيرا انحرج من شكلها الآسر فنزل عيونه : آيا هذي انتي ؟؟
آيا تدور على نفسها مبسوطه : ايه انا والفستان جنان ..
اكيرا بصوت منخفض : انتي اللي محليته .....
آيا قربت من عنده: وش تقول ؟؟
اكيرا في نفسه : آيا ارحميني ولا تقربين  ..
اكيرا باستحياء : صايره جميله مره يا آيا ....
آيا عايشه عالمها : والله ... اخيرا اكتشفتو جمالي ..... هههههه .. طيب ورا ما تصور معي تراها فرصة ما تعوض
اكيرا في نفسه : انتي ناويه تجيبين خبري اليوم .. فيه احد ما يبي يصور مع ملاك ..
آيا قربت منه وصارت تأشر بيدها على وجهه : هي وين رحت تراني لازلت عند كلمتي ..   
اكيرا ذاب من كلامها و قربها : هاه لا يكفي عيوني صورتك ....
آيا : هههههه الله كلامك مره حلو .....
اكيرا يحاول يصرف لان لو بتل معها كان خطفها وخرب كل مخططاته  : مرتاحة في الفستان .... والطقم عساه جازلك ؟؟
آيا بابتسامه ساحره : كل شيء حلو مشكور اكيرا ........
اكيرا بهدوء مناقظ لضربات قلبه اللي بتطلع : آيا ابي اكلمك شوي ...
آيا : تفضل ...
مسكها من يدها و جلسها على الكنبه و صار مقابلها وجه لوجه : آيا ابيك اليوم تصيرين شخصية مره .... يعني كلامك , اسلوبك , تصرفاتك .... وامشي كثير بين البنات وخليهم يشوفون شكلك من اولك لآخرك ........
آيا بحماس: بس هذا اللي تبيه مني .... ابد اللي تبيه بيصير ....
تكلم بهدوء : وانتبهي تبعدين كثير عن توما خليك معه ..... واذا سألك احد قولي انه اخوك ..... واذا سألو عن مدرستك قولي انك جاية من كوريا ...
آيا تهز راسها: طيب ....
اكيرا : وبعد ...انتي عارفه ان اختياري للبنت راح يكون بالترشيح عشان كذا لما تختارين لي البنت اللي تناسبني اوقفي جنبها على اليمين لما اجي اختار .... وبعد ابيها لابسه فستان وردي وشعرها بني لحد كتوفها ..
آيا باستغراب  : وش هالصفات ؟؟
اكيرا يمسك يدينها الثنتين : اهم شيء تسوين اللي اقوله لك ..... خلاص ... ؟؟
آيا تأشر على عيونها وهي مبتسمة : اوكي من عيوني وراح اختار البنت اللي تستحقك ....
اكيرا في نفسه : يالله يخليلي هالعيون و صاحبتها والله ما استحق الا انتي يا حبي ..
اكيرا يتعدل في جلسته : واذا طلعت البنت من الترشيح لا تطلعين معها اختاري وحده ثانية واوقفي جنبها ...... خلاص ؟؟
آيا تهز راسها متحمسه : خلاص ... فهمت
اكيرا بثقه : ما اوصيك .....
آيا تمسك يده كتشجيع : لا توصي حريص ......
اكيرا نسى نفسه و قرب منها اكثر .. قاطعته بغمزه من عينها :انت تستاهل كل خير .....
اكيرا انتبه لنفسه و حمد ربه ان آيا ما انتبهت له وقف بسرعه مايبي يجلس اكثر : طيب الحين استأذن لازم اطلع قبل ما يشوفوني الناس معك .....
آيا تودعه : بالتوفيق اكيرا مع السلامة .....
اكيرا يروح يقرب من توما :  قلتلك انا واثق ....
توما يسايره : نشوف الله يستر .... مع السلامة
طلع اكيرا ....
المصممة : يالله استعدي انسة آيا عشان تطلعين للحفلة .....
آيا بابتسامه تهز راسها : شكرا على كل شي سويتوه لي .....
الكوفيره والمصممة : لا شكر على واجب ......
تطلع آيا ومعها توما ويروحون يدخلون للقاعة من بوابتها ....
آيا طايره عيونها من هول المنظر : واو كل هذولا معارف اكيرا ؟؟
توما : هههه اغلبهم اصدقاء ابوه والباقي اصدقاء اخوه و البنات اللي يبون نصيبهم ....
آيا تتكتف: اها ... اشوفك فاهم كل شيء ؟؟
توما يمسك يدينها و ينزلها : كم مره بأقولك هالحركات العربجيه خليها انتي في فصل يوم تتكتفين و بعدين من متى وانا صديق اكيرا .... اكيد بأعرف كل شيء عنه ..
آيا تتأفأف : اففف ياربي منك يعني حرام انسى ..
توما : ايه هنا حرام تنسين ..
آيا تلف وجهها للجهة الثانية يقالها زعلت .. وفجأه مسكت توما مع كمه و هي تهزه : شف شف هذولا البنات ..... الظاهر بأبدا شغلي ... 
توما ابتسم لطيبة قلبها في نفسه : ياحليلك يا آيا مسرع ما نسيتي الزعلة و الله يا اكيرا تستاهل آيا وهي كمان تستاهلك ..
آيا توها بتتحرك .. مسكها من يدها : اهم شيء لا تبعدين عني كثير فهمتي ... ؟؟
آيا تلتفت عليه : وش شايفني عندك بزر ....
ترك توما يدها و ابتسم : روحي روحي نار شابه يا كافي ..
راحت آيا بدون ما ترد عليه.. وصلت عند البنات ووقفت جنبهم ..
البنات يتكلمون ...
البنت 1 : ياي كنت دائما احلم اني اكون زوجة لابناء " ساسو " وجاء اخيرا اليوم اللي بيتحقق فيه حلمي .....
البنت 2: مصدقه نفسك انتي انه بيختارك .....
البنت 1 : وليش ما يختارني ... جمال وبنت عز ....
البنت 2 : وع من زينك ..... تكفين الجميل ما يختار الا الجميل .... وانا احلى وحده وبكل وثوق .....
آيا في نفسها : عشتو .. يا ناس وش هالوثوق .....
البنت 1: مسكين اصلا لو اختارك ... انتي ما تخلين الواحد في حاله كل يوم سفره وشايفه نفسك على لا شيء .....
البنت 3 : حبايبي ما راح يختارك لا انتي ولا انتي ..... تكفين وش بيلقى فيكم ... وانتي " البنت 1" كل يوم مع واحد المنتحر اللي بيتزوجك ...
البنت 4 : ولا عاد انتي " البنت 3 " تكفين وش فيك زود على كل هالبنات اللي في هالمكان فيه الف اجمل منك .....
آيا في نفسها : اقول هالبنات رايحات وطي ..... وحده كل يوم طايرة لديره والثانية كل يوم مع واحد شكل ...... اقول اغيرهم اصرف ..
وتروح آيا لتوما .....
توما جالس على طاوله و معه عصير و بشبه ابتسامه : كيف الاخبار ؟؟
آيا تجلس على الكرسي جنبه و تميل فمها : ما الوم اكيرا اذا كرههم ...
توما يضحك: ههه اجل في القائمة السوداء ....
آيا تشرب من العصير : مليون مره .....وع وش هذولا ..
آيا تذكرت حاجه فحطت العصير على الطاوله : الا تعال بقولك من هو " ساسو " ؟؟
توما مستغرب: ما تعرفين منهو ساسو  ؟؟
آيا : لا ما اعرفه بس سمعت البنات قبل شوي يتكلمون عنه .....
توما : الله يخلف عليك ... هذا ابو اكيرا ....
آيا تلف عليه مندهشه : جد !! ابوه .. ؟؟
توما يهز راسه : يس ..  توك تعرفين اسم ابو اكيرا  ؟؟
آيا تشرب من العصير: ايه ..
توما : آيا افهم انك توك ماكنتي تعرفين اسم اكيرا الكامل ؟!
آيا تعبس في وجهه : ايه و الله يعني بأكذب عليك...
توما : الحمد الله انك عرفتي الحين ولا كان تفشلينا صدق .....
آيا اخذت كاسها ووقفت : شكرا على هالاسلوب ...
وأشرت على بنتين : بأروح اشوف هذولاك البنتين اللي لابسات وردي وشعورهم لأكتافهم .....
توما حس انه زودها ففضل السكوت .... راحت آيا ووقفت جنبهم وهي تشرب العصير ...
البنت 1 : لا لا لا مستحيل ..... اصلا انا خلاص عندي رفيقي جون ....
البنت 2 : تكفين هذاك امريكي وش تبين به ..... خذي واحد من اهل ديرتك ......
البنت 3 : ما عليك منها خليها ان شاء الله يصير من نصيبنا .....
البنت 2 : انا الصراحة ما يهمني اكيرا اصلا ماني داخله عشان يختارني انا داخله عشان اخوه عشان اصبح كل يوم على وجهه ......
البنت 3 : اخوه اعوذ بالله منك ....... اما انا لا ..  انا ما يهمني الا ثروته بعد ما يموت ابوه ...
البنت 1 : اف الله يفكني منكم با الثعابين ....
آيا في نفسها : والله ورحت فيها يا اكيرا افكار هالبنات هبال .... اغيرهم وابعد عن شرهم اصرف ...
و هي في طريقها للرجعة .. نادتها بنت ..
البنت : لو سمحتي انتي ؟
آيا تأشر على نفسها : انا ؟
البنت : ايه تعالي شوي .....
آيا في نفسها : رحت وطي .... وش تبي هذي فيني .؟؟
البنت 1 : وش اسمك ؟؟
آيا بابتسامه مسطنعه: اسمي آيا ...
البنت 1 : واضح عليك غريبة في هالمكان ؟؟
آيا في نفسها : انكشفنا ...
البنت 1 : صح ؟؟
آيا : ايه ... شلون عرفتي ؟؟
البنت 1 : انا اعرف كل الموجودين هنا .... وانتي الغريبة بينهم ..
آيا : ما شاء الله عليك  ......
البنت 1 تناظرها من فوق لتحت منبهره : واو فستانك مره نايس .... جاهز ولا تفصيل ؟؟
آيا بشوية غرور : لا تفصيل .. وبعد من ذوقي الخاص ...
البنت 1 لازالت منبهره : واو طقمك خيالي .....
آيا بحيا و هي تلمس طقمها : مشكوره ....
البنت 1 باستغراب : بس ما عمري شفته في السوق طبعا انا اعرف كل الطقوم الجديده ...
آيا شافت نفسها : لا ما حبيت احد يكون مثل طقمي عشان كذا هذا مصنع خصيصا لي .......
البنت 1 طلعت عيونها : اوه ...
في هالثناء رن جوال آيا ....
آيا تستأذن من البنت : بعد اذنك بأرد على الموبايل ..
البنت : خذي راحتك ..
تبعد آيا شوي عنهم و تطلع الجوال من الشنطة و ترد بصوت منخفض....
آيا : هلا توما .....
توما بقلق: وينك يا بنت وراك اختفيتي ... ؟؟
آيا : انا جايه لك الحين بس دقايق ...
توما باستعجال : يالله تعالي انا في مكاني انتظرك ......
آيا : اوكي ..
سكرت السماعه و في رجعتها  للبنات شافت بنت جايه لهم ...
البنت 2 تكلم 1: هلا يا عسوله ..
البنت 1 : هلا بك من زمان ما شفتك .... وش هالغيبة ؟؟
البنت 2 : والله انشغلت ..... اعذريني ..
جات آيا لهم ..
البنت 1 تعرف صديقتها على آيا : شفتي هذي بنت تو متعرفة عليها اسمها آيا ....
البنت 2بابتسامه لآيا : تشرفت بمعرفتك يا آيا .....
ايا تبادلها نفس الابتسامه : الله يخليك زادني الشرف ..
آيا توجه كلامها للبنت 1 : حبيبتي انا استأذن اخوي تو اتصل علي يبغاني اروح له ......
البنت 1 تمسكها من يدها : اجلسي شوي معنا ...
البنت 2 بإلزام : اجلسي ودي اتعرف عليك ...
آيا بحيا : مره ثانيه الحين لازم اروح ...
البنتين : على الأقل بس 10دقايق ..
آيا استحت منهم و في نفسها : وش شايفه نفسك عليه يا آيا اجلسي شوي توما ماراح يطير ..
آيا بابتسامه : اوكي بس ثواني اخبر اخوي ...
البنات استانسو ..
آيا مثلت قدامهم انها تدق على اخوها و تكلمه و تقوله انها راح تجي بعد 10دقايق و بعدها قفلت الجوال و دخلته في الشنطه و جلست معهم ..
البنت 2 : واو جوالك جديد ؟؟
آيا بدأ غرورها : ايه طبعا انا احب اجدد في اغراضي .....
البنت 2 : انا كنت ناويه اشتريه لكن تحسفت بجوال اللي نازل قبله ....
آيا : اها ....
جلسو سوالف و بعدها وقفت آيا:  طيب انا استأذن لازم ما اتأخر على اخوي ....
البنت 1 : فرصة سعيدة آيا ...
آيا : وانا اسعد .....
رجعت آيا لطاولتهم و شافت
توما حاط رجل على رجل و يهزها بقوة ..
آيا بابتسامه: هاي ..
توما شبه معصب : وين رحتي ؟؟
آيا تجلس على الكرسي : قعدت مع بنتين ....
توما يرجع ظهره على ورى : ما شاء الله اشوفك طقيتي صداقة ....
آيا : لا مو انا اللي رحت لهم ..... هي نفسها نادتني ....
توما : طيب كيف الاحوال ؟؟
آيا : لا البنت اللي كلمتها واللي معها راعيين مظاهر مره ...
توما  : الظاهر بتنتهي الحفلة ما لقيتي له رفيقة .....
آيا تهز راسها : لا انا مستحيل اخلي اكيرا يطيح في يدين هالثعابين ...... بأدور وادور لين القى اللي تناسبه ..... بس انت اصبر علي شوي ...
شافت آيا مجموعة بنات لابسة وحده منهم وردي ...وقفت بروح لهذولاك .. وراحت ..
توما : ياربي يا آيا والله انك مخلصه يعني الا تجيبين له عروس والله ماراح يدخل مخه غيرك ...
هناك عند آيا و البنات..
طبعا آيا تتسمع لهم ..
البنت 1 : تكفين الجامعة ارهقتني .....
البنت 2 : حبيبتي جامعة امريكا فيها الرفاهية ...
آيا في نفسها : لا لا هذولا ما ينفعون اكبر من اكيرا ......
وتلتفت وتشوف مجموعة ثانية وحده لابسه فستان وردي وتروح توقف عندهم .....
البنت 1 : انا من كنت صغيره وانا اعرفه .... وبعد درست معه في الابتدائي ...
البنت 2 : تكفين تعرفين وين دارس المتوسط والثانوي ؟؟
البنت 3 : ايه وع مع العامة هذولا الحثاله .....
آيا في نفسها : والله لا اوريك يا بنت اللذينا .... اجل احنا حثاله يا عديمة الأخلاق .....
البنت 1 : واذا كان دارس معهم وش الفرق اهم شيء انه اكيرا ...... وانا احبه من كنت صغيره ... ولو علي كان درست معه في العامة ...
آيا في نفسها : يا زين الزين هذا الكلام الصح ....
البنت 2 : وش شايفة فيه يا حظي ؟؟
البنت 1 : يكفي انه جميل ورجولي وطويل وانا من عمري اعرفه حتى قبل ما يجي الاختيار وانا احاول قدام ابوه اتصرف بأني افضل بنت عشان احصل عليه ... اكيرا حبي الاول ....
آيا في نفسها : هذي المطلوبة وتستاهل اكيرا ... وبعد لابسة وردي وشعرها بني لكتوفها .... واه اخيرا لقيت لك المناسبه لك  يا اكيرا ....ارتاحت ايا فقررت ترجع ..
شافها توما مقبله و وجهها مشرق و فرحتها لا توصف كأنها حققت شيء صعب المنال ..
ابتسم لشكلها .....
آيا بفرحه لاتوصف : ابشرك يا توما لقيت له الرفيقة اللي تستاهله .....
توما بدهشه : والله ؟!
آيا تهز راسها بحماس : ايه والله بنت سنعة كلها اخلاق وتحب اكيرا من كانت صغيره ...
توما بابتسامه عريضة : زين ... اجل اوقفي جنبها عشان يشوفها اكيرا .....
آيا تناظره بشك : وانت وش دراك ان اكيرا قايل لي هالكلام .... ؟؟
توما يأشر لها بأيدينه : لا لا بس سمعته وهو يحاكيك هه هه ...
آيا تتنهد براحه : خلاااااص كذا الحين ارتحت واقدر اجلس ....
توما يناظرها بامتنان : شكرا آيا على كل شي سويتيه ..
آيا بابتسامه : عادي احس اني اسوي انجاز و ما اخفي عليك احس بالمتعه ..
و تغمز له .. ضحك توما و بدأو يسولفون و يضحكون ..
مرت ساعه تقريبا .... وبدأ الترشيح  (وقت الاختيار) ...  البنات المرشحات على الجهة اليمنى .... وباقي الحضور الجهة اليسري ..
توما يستعجل آيا : يالله قومي وروحي اوقفي جنب البنت لا تضيع منك ويتورط اكيرا بحياته ...
آيا توقف و تزين لبسها : طيب .. شكلي زين ..
توما بعجله : زينه تهبلين بس روحي ..
آيا بابتسامه : اوكي مع السلامة ....
توما يبتسم: روحي و الألب داعيلك ....
مشت آيا للبنت ووقف جنبها ....
في هالأثناء تقدم اكيرا وطلع على المنصة انطفأت الانوار الا نور كان مسلط على اكيرا .. اخذ اكيرا المايك ....ودفع نظره للجمهور دار بعيونه بشكل عام.... شاف آيا مبتسمه و تأشر لها على البنت اللي اختارتها له
ابتسم اكيرا بسمة بسيطة ....بعدها بدأ خطابه :.
اكيرا : في البداية احب اشكر والداي العزيزين لاتاحة المجال لي باختيار شريكة حياتي وزوجتي في المستقبل ......كما اتقدم بالشكر الجزيل جميع من شرفني فرحتي بحضوره اليوم ... سكت شوي و التفت على المرشحات موجه الكلام اللي راح يقوله لهم ..
عذرا على ما سأقول الآن و لكن ما كان اوله شرط فآخره نور ..
اكيرا : اليوم احب اتكلم عن نفسي بداية ً والتي لا يعجبها ما لدي تخرج مكرمة .....
البنات بدأو يهمهمون متساءلين عن الكلام و الشرط اللي يتكلم عنه شيا فشيأ الصوت في ازدياد ..
اكيرا يهديهم : الرجاء من كن عدم مقاطعة حديثي الى ان انتهي ..
سكتو احترام له ..
اكيرا يرجع لمحور حديه و بهدوء : احم انا بطبيعتي متواضع لااحب التكبر على اية شخص ... وايضا  كما يعرف البعض اني درست المتوسطة والثانوية في مدارس العامة ...
الى هنا اكتفي بالحديث عن نفسي ... الآن اريد ذكر الصفات التي لا اريدها في شريكة حياتي ....لااريدها متكبره ... وترى من اقل منها كحثالة.. ايضا تريد استغلالي من جل ثروتي .. او ربما من اجل ان تتقرب من غيري .. ومن هذه اللحظه من ترى فيها واحدة من تلك الصفات تتفضل بالخروج مكرمة ... لان سواء اليوم او غدا او بعد حين سوف اكتشف صفاتها ولكن سوف الومها على وقفتها اليوم امامي ...بدأت الأصوات بالهمهمة و شوي شوي يقل العدد الى ان بقي القليل ..
اكيرا : شكرا لمن قدرت طلبي و خرجت  ..الآن ارى بان العدد قل .... اعتقد اني اخترت رفيقتي .....
سوف اصف رفيقتي الآن والتي بها هذه المواصفات  تبقى والتي غير ذلك تخرج مكرمة ..... اولا رفيقتي اليوم ترتدي فستان وردي ..
آيا في نفسها : عشان كذا يا اكيرا خليتني اختار وحده لابسة وردي ..
اكيرا : رفيقتي شعرها لونه بني و يصل الى اكتافها ...
وهكذا بدا اكيرا و قول المواصفات الى ان بقي العدد  10 بنات ....
اكيرا : تفضلو بالدخول الى غرفة التصوير كي نلتقط لكن بعض الصور ومن ثم نقوم بعرضها على الشاشة ...... توجهو البنات لغرفة التصوير ...
المصور يوقف البنت اللي اختارتها آيا : لو سمحتي شوفيني ... البنت شافته بدون اي تعبير.. صورت ....
آيا تقرب من عندها: حبيبتي ليش معبسة في الصورة ابتسامتك مره نايس ....
البنت مستحيه : والله ...الله يخليك ..اجل راح اصور مره ثانيه.......
نادت المصور وطلبت تصور صوره ثانية لكن اكيد هالمره مبتسمة .....
المصور : التالية ....
آيا : انا ؟!
المصور : ليش ما تبين تصورين ولا ايش ؟؟
آيا : لا لا اكيد اصور ..
وتصور آيا وهي مبتسمة .....و اخيرا البنات كلهم صورو ..رجعو للقاعه .....
اكيرا يأشر على الصور المعروضه: آخر شيء اقوله في رفيقتي من خلال هذي الصور ..... ان رفيقتي مبتسمة في الصورة ....
البنت تضم آيا : واو ما اصدق .... شكرا شكرا لك انتي اللي قلتيلي اني ابتسم ...
آيا في نفسها : اصلا هو قاعد يوصفك ..... طلع 7 بنات و باقي ثلاثة اللي هم ...... البنت اللي اختارتها آيا , وآيا , وبنت ثالثة .....تقدمو الثلاث ووقفو قدام اكيرا ....
آيا تبتسم في وجه اكيرا وتأشر له على البنت ....
اكيرا : وحده منكم هي اللي بتكون رفيقتي .... فلازم تتأقلم على حياتي ....
وينزل اكيرا عيونه للارض ثم يرفعها ......
اكيرا : رفيقتي هي انتي ................

احداث الجزء الثاني – الفصل الرابع ::
من ستكون رفيقة آكيرا ؟؟
وهل هي اختيار آيا ؟؟
وما هو الموقف ؟؟
وما هو رجاؤها ؟