(( الفصل الرابع – الجزء 3 ))

هذه انا البنت التي اختارها اكيرا (( الفصل الرابع – الجزء 3 ))

بعد دقايق جاء اكيرا لطاولة آيا و توما ....
آيا كانت تسولف مع توما شافت اكيرا متجه لهم .. ابتسمت له ..
اكيرا يبادلها الابتسامة : هلا ....
آيا توقف : هلا بك ....تفضل..
اكيرا يشوف توما : آيا من اللي معاك ماعرفتينا عليه  ؟؟
آيا تأشر على توما و بابتسامه :  هذا اخوي توما ....
توما يوقف يمد يده يسلم على اكيرا ...
اكيرا : تشرفت بمعرفتك ..
توما : وانا اكثر ..
اكيرا : فرصة سعيده نورت حفلنا بحضورك....
توما : وانا اسعد  .... تفضل اجلس ..
جلسو الجميع و صارو يتكلمون و كأنهم صدق مايعرفون بعض بسبب هالاعيون اللي حولهم و تناظرهم .. بعد مرور الوقت ...
وقفت آيا : انا بروح اجيب لي موية 
وقف اكيرا معها و قال : انا اخليهم يجيبون لك مويه بس اجلسي  ..
في هالوقت .. مرت بنت معها عصير من عند آيا واكيرا وتوقف جنب آيا ... وتميل كعبها تحاول تكب العصير على فستان آيا ...
اكيرا انتبه للبنت فسحب آيا له وبصوت مسموع قال : آيا انتبهي ....
وينكب العصير على الطاوله ...
البنت تمثل البراءه : آسفه ... عسى ما توسختي ؟؟
آيا وهي تبعد عن صدر اكيرا لانه سحبها له بقوة : لا جت على خير ..
اكيرا يناظر البنت باحتقار : اتمنى المره الثانيه تنتبهين لطريقك ..
البنت طاح وجهها : طيب ..
تلتفت على آيا : آسفه مره ثانية ..
آيا باستعطاف : عادي ياحبيبتي الحمد الله ماصار شيء ..
راحت البنت و هي ودها تذبح آيا من القهر و الغيره ..
اكيرا : آيا وش رايك نغير المكان ....
آيا تعدل نفسها : اوكي ..
اكيرا يكلم توما : روحو لطاولة ثانيه انا بروح اقول للخدم يجيبون مويه ..
توما : طيب ..
راحو غيرو مكانهم .. بعد مارجع اكيرا لهم وجلس..
اكيرا : قلتلهم يجيبون لك مويه ..
آيا بإحراج : شكرا ..
جاء وقت الرقص و الكل قام هو و رفيقته ...
اكيرا يلتفت على آيا : آيا ترقصين معي ؟؟
آيا بصوت منخفض منحرجه : لكن تراني ما اعرف ارقص زين ....
اكيرا يقرب من اذنها و بابتسامه :  اهم شيء انك تعرفين الاساسيات ..... والباقي علي ..
آيا اقشعر جلدها من قربه : اخاف افشلك ...
اكيرا ماتحمل وقف ووقفها معه و مسكها مع يدها وتوجهو لدرج المنصه و رقو عليها ..... 
آيا تقرب من اكيرا و بصوت منخفض : اكيرا لا تفشلني قدام هالعالم .....
اكيرا يمسك يدها : لو سمحت اعزف الموسيقى اللي اخترتها ...
ويبدؤون بالرقص وآيا على اعصابها تحاول انها ما تغلط .... شوي ويميل كعبها  ترجع على ورى كأنها بتطيح ويمسكها اكيرا بيده مع ظهرها و تصير وجيههم قريبه من بعض ....
آيا تترجاه : خلاص انا ابي اوقف ..... تكفى لا تجبرني هالمره ....
اكيرا يوقفها : طيب ....
حولت آيا من المنصة ..... و على الحمامات مباشره قابلتها بنتين كانو واقفين عند المغاسل ..
آيا مرت من عندهم ..
بنت 1 تميل فمها : حتى الرقص زي الناس والعالم ما تعرف ترقص ....
بنت 2 تنفض في شعرها من القهر : شايفه نفسها على ايش .......
آيا معصبه و مو ناقصتهم يكفي ان رجلها انعصفت و جو هالثنتين يكملونها عليها التفتت عليهم  : ما اقول الا الله يشفيكم من هالغيرة اللي ذابحتكم ... تحسبون هالكلام بيحرك فيني شيء ... حتى ما حرك شعره من شعرات راسي ......
بنت 1 قربت منها و مسكتها من ملابسها : انتي تعرفين من تكلمين يا الوقحة ....
آيا تعبس بوجهها لان الحركه عورت رجلها : ابعدي يدك لاني اخاف تلوث لبسي ....
وتعصب البنت وتصفقها مع وجهها ......
آيا ترجع تناظر البنت بقوة تعكس دواخلها : واذا ضربتيني ..... بيغير في الموضوع شيء ... تأشر على نفسها بكل ثقه : هذا انا البنت اللي اختارها اكيرا وفضلها على الكل ....
البنت 2 بتنفجر من الغضب : يا الوقحة شلون تتجرئين وتقولين هالكلام .....
آيا تعدل لبسها و تأشر بأصبعها عليهم من فوق لتحت : مع الاسف اعتقد انكم تتكلمون عن انفسكم لان ما فيه احد هنا وقح الا انتم .....
البنت 1 تبعد عن آيا رايحه بتاخذ شنطتها : والله لا اوريك يومك الاسود يا قبيحة .....
آيا تعطيها ظهرها : وش بتسوين يعني؟؟تصدقين اني ارحمك ..
البنت 1 وهي تفتش في شنطتها بعصبيه : وش بأسوي انا ما يهمني احد ..... انا اعلمك من اللي ينرحم ..
وتطلع مقص من شنطتها .....
البنت 1 : وهذا المقص ...
آيا لما سمعت هالكلمه التفت عليها و بثبات مناقض للخوف اللي تحس فيه : وتعتقدين اني بهالسهوله ارضى عليك .... انا تو عاملتك كغايره ..... لكن الحين بأعاملك كمجنونه ....
البنت توجهت لآيا ثايره ما تشوف طريقها و تمسك فستان آيا و توها بتقصه ...
آيا تمسك يد البنت و تسحب منها المقص .....
توجهت بنت 2 ومسك آيا مع راسها هي وصديقتها ويدخلونها في الحمامات ...
آيا بصمود : خساره فيكم الاحترام ... لكن الحين اكتشفت انكم حثالة العالم .....
وتمسك آيا يد البنت 1 وتصقعها في الجدار ....
البنت1 تطيح في الأرض وهي تتألم : آآآي ....
تدفع آيا البنت الثانيه تحاول تبعدها عنها عشان تطلع من الحمام ..
البنت 2 وهي تطيح على صديقتها من قوة الدفع: وش هالجرأة اللي فيك يا حقيره انتي ....
آيا وصلت للباب وقبل لا تطلع التفتت عليهم : بأعلمكم شيء واحد ... انا اهزم الرجال فشلون اقابل بنات .... انتم ما تستحقون حتى اني احط راسي براسكم يا حثاله ...
توها بتطلع آيا من الحمامات ... وقفت بنت 2 و اسرعت لآيا و بكل قوتها معطت "شدت " شعرها مع ورا ....
وتقوم آيا وتضربها مع بطنها ....... تبعد البنت عنها ...
وتطلع آيا وهي تعرج وتروح بسرعة لغرفة الاستراحه...
تدخل الغرفه و حالتها حاله تجلس على الأرض وهي تصيح صياح يقطع القلب ..
المصممة : آيا وش فيك عسى ماشر ؟؟

احداث الجزء الرابع – الفصل الرابع
لماذا البكاء ؟؟
وهل ستستمر ؟؟
ما حصل اليوم حقيقة ام حلم ؟؟