(( الفصل الثامن – الجزء 3 ))

انني خائفة ان اقتربـ... منك ....(( الفصل الثامن – الجزء 3 ))

الساعة 2 الظهر :.
وصل اكيرا لبيت اهله ..
رن الجرس و فتحت له الخادمه : سيد اكيرا تفضل ..
دخل أكيرا  : وين المدام ؟؟
الخادمة : في الصالة جالسه مع السيد نيزو ...
أكيرا بتساؤل : نيزو موجود ؟
الخادمة : ايه لكن زوجته مو معه ....
اكيرا : اوكي ..
توجه اكيرا للصالة
وشاف امه واخوه يسولفون....
الام لما شافته فرحت : اكيرا ؟ وش هالمفاجئة ... ؟؟
أكيرا بابتسامه : حبيت اتغدا عندك اليوم ..و عشان اشوف اخوي بعد ...
الام مبسوطه بقدومه : حياك الله ياحبيبي ..
نيزو : مشكور فيك الخير ..
تقدم اكيرا وسلم على امه و جلسو يسولفون عن اخبارهم..
وبعد نص ساعة :.
جات الخادمه : مدام الغدا جهز و حطيناه على السفره ..
الأم : طيب ..
راحت الخادمه ..
الأم تلتفت على اولادها يالله حبايبي الغدا جاهز قومو غسلو ايديكم خلونا نتغدى ..
قامو الشباب وغسلو اديهم و توجهو لصالة الطعام و جلسو على السفره ..
نيزو يكلم امه : مرتاحة مع علاجك ؟؟
الام : ايه مرتاحة ...
اكيرا : وجهك ما عجبني اليوم ...
نيزو : يماه لازم تهتمين في نفسك لا تهملينها ابد ...
الام بحب: قربكم هو اللي يخليني ارتاح ...
أكيرا في نفسه : صدق تحتاجينـ ....
نيزو : شلونك مع آيا  ؟؟
أكيرا انتبه : آه .. تمام الحمد الله ... وانت شلونك مع زوجتك ؟
نيزو : امورنا متيسرة
أكيرا بمزح : اجل عجّل ابي اصير عم .. بس بشرط الطفل الاول بنت ...
نيزو : وليه بنت ؟؟
أكيرا : لان هالبيت ما فيه انثى ...
الام : اذا كان ما فيه انثى اجل جيبو لي اللي يملون عيني ...
أكيرا : انا بأجيب 3 بنات وولدين ....
نيزو : خمسة ؟؟
أكيرا : ايه .. وانت ؟؟
نيزو : يكفيني ثنين بنت وولد ...
وشوي وهم يحكون ... الام تمسك راسها
نيزو : يماه انتي بخير ؟
أكيرا : ارقي لغرفتك وارتاحي ..
الام : لا لا انا كذا مرتاحة .... شوي الم في راسي
أكيرا : يماه داخلك برد ؟؟
الام : لا لا ...
وتوها بتوقف الا يختل التوازن عندها ويغمى عليها وتطيح على الارض ..
نيزو واكيرا : يماااااااااااااااااااااه  ....
يقوم نيزو ويمسك الام ..
نيزو : اكيرا اطلب الاسعاف بسرعة
ويركض اكيرا ويتصل على الاسعاف .....
نيزو : يماه يماه ردي علي ...
وتجي الخادمة
الخادمة : مداام ... مدام
اكيرا ماسك الجوال وهو يضرب برجله في الارض ..
أكيرا يسأل الخادمه : وش فيها ؟
الخادمة : هي تجيها حالات تعب والدكتور يقول انها يمكن يغمى عليها اذا ضغطت على نفسها ...
وفي مكان آخر ::
ماري واقفة قريب من بيت الجيران ..
ماري : هذا وقتي ؟؟ ادخل الحين ولا انتظر شوي بعد ؟
وتلتفت وتشوف سيارة الاسعاف تمر من عندها ..
ماري تحط يدها على قلبها
ماري : وش هالاحساس ؟؟
وتلتفت وتشوف اكيرا و نيزو شايلين الام ...
ماري مصدومه : وش حصل ؟!
ويركب أكيرا ونيزو مع امهم سيارة الاسعاف ...
ماري تروح للشارع العام تركض وتوقف تاكسي ...
ماري : الحق سيارة الاسعاف هذيك ....
في سيارة الاسعاف ::
أكيرا في نفسه : اشوى ان ماري ما بعد جت ولا درت عن اللي حصل ......
نيزو : الغلط منك يا اكيرا ..
أكيرا يتلفت عليه : الغلط مني ؟!
نيزو بعتاب : انت وينك عن امك ... ما تحس انها محتاجه لك ..
أكيرا : وانت وينك عنها بعد مو امك محتاجة لك ..؟؟
نيزو : انا حالي غير حالك ... انت فاضي ....
أكيرا : وانت من تزوجت وانت لاهي بعد .... وانا ما كنت ادري ان امي تعبانه ولا كان جلست عندها .
نيزو : ليه ما تسأل عن حالها ؟؟
أكيرا : لما اسأل عن حالها يقولون انها بخير ....
ويلتفت مع الجهه الثانية : سكـّر على هذا الموضوع لاننا كلنا غلطانين ..
نيزو يحط يده على وجهه : ايه .. كلنا غلطانين ...
أكيرا : إتصل بأبوي وعلمه
نيزو : علمته وهو الحين في الطريق ..
بعد شوي يوصلون للمستشفى ....ويدخلون ... ويجلس اكيرا ونيزو في الانتظار ...
وبعد10دقائق:: طلعت الطبيبة
أكيرا يقوم لها : شلون امي الحين ؟؟
ماري من بعيد سمعت سؤال اكيرا من الصدمه جلست على الارض و حطت يدينها الثنتين على فمها و عيونها مليانة دموع : امي ؟؟!
الطبيبة : اجهاد بسيط عشان كذا اغمى عليها ..
نيزو : نقدر ندخل
الطبيبة : ايه والحين بتستعيد وعيها ....
نيزو واكيرا : اريجاتو قوزايماس ( شكرا لك )
ويدخل اكيرا ونيزو للغرفة ....
أكيرا توجه لسرير امه ومسك يدها و هو يبكي: آسف ياأمي .... آسف اني مقصّر معك ...
ونيزوبضيق واقف يناظر في اكيرا ..
عند الاستقبال ::
جلست ماري تبكي وهي حاطه يدينها على وجهها  ...و فجأه مر من عندها رجال وتبعه رجالين ...
ماري رفعت راسها تشوفهم..
توجه احد الرجلين للإستقبال يسأل عن غرفة ام نيزو ( ريكا)....
الرجال يكلم سيده  : سيد ساسو قالو انها في غرفه رقم 4 و راح تفيق الحين
ماري فتحت عيونها متفاجأة : من ..... من منـ ؟! ابـ.. ابــ. ابوي ؟!
يدخل الابو للغرفة .. ويتوجه للام .. واكيرا ونيزو منزلين روسهم ...
الابو يناديها بهدوء : ريكا ... ريكا ؟؟ << اسم الام
وبعد شوي تفتح عيونها ...
الام تناظر المكان من حولها : ساسو .. أكيرا ... نيزو ...
أكيرا يقرب من امه : نعم يماه احنا كلنا هنا ....
الام تتكلم بتعب: لا تروحون ابيكم دائما عندي ...
نيزو : اكيد ما راح نبعد عنك ....
برا الغرفة :.
ماري توقف متردده : اروح ولا اجلس و اطمن على امي .. لالالا لازم اروح هذا مو وقت مناسب ..و توها بتقوم من مكانها بترجع للبيت..الا و تقابلها آيا ...
ماري : آيـــا ؟
آيا تمسكها مع كتوفها و بتشجيع : هذا وقتك .... هم .. مو كثيره اجتماعاتهم وهذي فرصتك انك تفـّرحين امك برجعتك ...
ماري تمسح دموعها : لكن يا آيا ...
آيا تقاطعها : صيري قوية ... اذا ما سويتيها هالمره راح تندمين ... وراح تقولين يا ليتني سويتها ودخلت ....
ماري : انا خايفة من المواجهة .. خايفة يا آيا ....
آيا : وين الوثوق فيك من قبل .... اشوفك صرتي ضعيفه .. عشان امك ..... واكيــرا ...
ماري تنزل راسها ...
آيا بعتاب : مارينو ... امك .. ابوك واخوانك محتاجينك الحين ... لا تقهرين قلب امك عليك اكثر ...
ترفع ماري راسها وتعكس اتجاها متوجهه للغرفة وتفتح الباب بقوة وتدخل .....
الكل يلتفت عليها .....
أكيرا يفتح عيونه ...
الابو يوقف : من انتي ؟؟
ماري تشوف كل واحد وتمتلي عيونها دموع ... ويوقف نظرها على امها
ماري : ام ... امـ .... امي ؟ اب .... ابـ... ابوي ؟ اخواني ؟؟
ماري تنزل دموعها : انا مارينوووووووووووو .......
وتضرب على صدرها : انا بنتكم
الكل يفتح عيونه ....
الابو : وش هاللي قاعده تقولينه انتي علينا ؟؟
ماري وهي تصيح : انا .. انا بنتكم اللي فقدتوها من 14 سنه .... انا مارينو ...
نيزو متفاجئ : معقوله ؟!
الام تمتلي عيونها دموع : مارينو ... انتي عايشة يا مارينو ...
ماري تنزل منها الدموع : أيـــه انا مارينو ... انا مارينو ساسوووو ......
الابو بغضب : وش الاثبات .. ؟؟
ماري مصدومه : ابوي انت ما تصدقني ؟؟
الابو : لا تقولين ابوي انا بنتي ماتت ..... بنتي مارينو ماتت ....
الام تمسك يد الابو : لا لا تقول ان بنتي ماتت .... بنتي انفقدت بس ....
تلتفت الام على ماري :  تعالي تعالي لحضن امك ....
وتروح ماري وتخمها وتصيح عليها .....
الابو ما زال ما صدق : واذا كنتي كذابة ... ؟؟
تبعد ماري عن امها .. وتوقف قدام نيزو ....
ماري : نيزو ؟؟ انت نيزو اخوي اللي اكبر مني بخمس سنوات ...
وتروح وتوقف قدام اكيرا ....
ماري : اكيرا اخوي التوأم .... اخوي الغالي ....
وتروح ماري وتوقف قدام ابوها ...
ماري : ابوي ساسو .... صاحب اكبر شركات اليابان .... الرجل اللي تمنيت شوفته اكثر من اني اعرف نفسي ...
وتروح وتوقف قدام امها ....
ماري : امي ... امي اللي اشتقت طول عمري اني اكون في حضنها الدافئ .... اللي تمنيت اني اعيش كل طفولتي وشبابي معها .... وبين يدينها ..
أكيرا : اذا كنتي انتي صدق اختي ...
ويلتفت اكيرا على ابوه : ليش ما نتأكد من الحمض النووي .. ؟؟
ماري : انا مستعده اثبت لكم بالحمض النووي ....
الابو بصرامه : اجل خلينا نروح ونشوف ....
الام : اذا حتى لو ..
ماري تقطع كلام امها : ثقي بي .... لاني بنتك ..
وتروح ماري مع ابوها واخوانها .... وحللو دم ماري وابوها ...
وبعد الانتظار نصف ساعة ... تطلع الطبيبة ..
الابو : وش النتيجة ؟؟
الطبيبة : اثبتت النتيجة انهـا .... بنتك ...
أكيرا ابتسم : الحمد لله ...
ماري توقف قدام ابوها  ...
ماري : احضني يا ابوي لاني محتاجة لحنانكـ ....
ويخمها ابوها وتقعد تصيح عليه .... وبعد شوي يروحون لغرفة الام ...
ويعلمونها السالفة .. وتفرح ماري بجلستها مع اهلها ....
أكيرا يرسل لآيا رسالة ....
في مكان آخر ::
يرن جوال آيا نغمة رسالة .....
آيا تقرا الرساله : [ اختي مارينو الحين بين اهلها .. ^_^] .... الحين ارتحت ...
في المستشفى :.
الطبيبة تكلم الام : تقدرين تطلعين الحين بس لازم تعتنين بنفسك ....
الابو : نيزو انا عندي شغل خذ امك واخوانك وارجعو للبيت ...
نيزو : طيب ....
يرجعون للبيت ويجلسون في غرفة الام ...
الام : مارينو حبيبتي شلون عشتي حياتك ؟
ماري : رعاني واحد ما راح انساه عمري كله ....
الام : وينه نبي نشكره ونعطيه حقه ....
ماري : كنت اتمنى انه يكون معي في لحظة سعادتي .. لكن توفى ...
الام : يا الله ... طيب ليش ما جيتي .... ؟؟ ليش ما جيتي ابكر ؟؟
ماري : انا ما اعرف شيء عنكم وكنت اعتقد انه هو ابوي وهو كل حياتي لكن بعد وفاته ترك لي رساله كتب كل الحقيقة فيها ..... والحين انا جيت باحثة عنكم ...
الام : شلون جيتي في المستشفى .... ؟؟
ماري : بحثت عنكم ورحت للبيت لكن في نفس الوقت جت سيارة الاسعاف ورحت وراها ....
الام : يا حياتي ... عشتي حياة قاسية .. صح ؟؟
ماري تبتسم : ما اسميها حياة قاسية مره .... لان اللي رباني ما قصر علي بأي شيء ..
نيزو : من اللي علمك عنا ؟؟
ماري : اللي يسأل ما يضيع ...
الام : وين اغراضك الحين يا حبي ؟؟
ماري : في المكان اللي اسكن فيه ... وش تبين منها .؟؟
الام : عشان ننقلها .... بتعيشين عندنا
ماري متفاجأه : هاه .... اقصد اني ..
أكيرا يقطع الكلام : طيب هي الحين لازم تدرس وانا ادرس ليش ما تجي وتعيش عندي عشان نذاكر سوا .....
نيزو : ليه وين آيا ما تذاكر معك ؟؟
أكيرا : لا ما اقصد كذا بس ابي اختي معي ..... وابيها تتعرف على آيا بعد ...
ماري : وانا ودي اعيش ما اكيرا ... وبأجي ازور امي دائما وما راح انقطع ولا ابعد عنها ....
الام : ليه يا مارينو ما تبين تعيشين معي ....
ماري : ماما اذا بدا الفصل الدراسي الثاني اوعدك اني اجي واعيش عندك .... بس خليني هالمره مع اخوي ...
اكيرا : هاه يماه رضيتي الحين .....
الام : اذا كنتي بترتاحين عند اخوك ..... خلاص روحي معه لكن لا تقطعين زيارات .....
ماري : اكيد وانا اوعدك ...
أكيرا : طيب انا الحين طالع .... مارينو بتجين معي ولا بعدين .؟؟
ماري : لا بروح معك وبعد عشان نمر وناخذ اغراضي من سكني ....
أكيرا : اجل يله مع السلامة يماه ولا تضغطين على نفسك اكثر .....
الام : خلاص بتصير عندي بنتي وما راح يكون عندي ضغوطات ......
نيزو يبتسم : اكيرا اجل كم بتجيب من بنت .؟؟
اكيرا : على نفس رايي .....
الكل : ههههه
ماري : يله مع السلامة ....
ويطلعون من الغرفة ويركبون السيارة ....
ماري تتسند وبراحه : وااه اخيرا انتهى كل شيء ......
أكيرا : كل اللي سويتيه من تعليمات آيا ......؟؟
ماري تبتسم : ايه بالتفصيل وحتى جواب الاسئلة ....
أكيرا يضحك : والله وقلتيها يا آيا بصير المتفرج ....
ماري : أكيرا بعد آيا هي اللي قالت لك عن الحمض النووي ....
أكيرا : ايه كل شيء ...
ماري : لكن ودي اعرف شلون آيا جت للمستشفى .... هذا ما كان من الخطة ..
أكيرا : بسبب الرسالة اللي ارسلتها لها ....
ماري : رسالة ؟!
أكيرا : قلت لها ان الاوضاع مو زينه انك تجين .... وقلت ان امي في المستشفى عشان كذا جت للمستشفى ولقتك عارفة على ما اعتقد ....
ماري : يا حبي لك يا آيـــا ......
أكيرا : اضن ان الرأس المدبر الحين ينتظرنا على احر من الجمر ....
ماري : صادق ....
ويروحون للبيت ....
أكيرا : آيا ~ آيـــا ~
ماري : غريبة وينها ؟؟
أكيرا يروح للصالة ويلقاها نايمة على الكنبة ...
أكيرا : هي هنا .... ونايمة ..
ماري : يا حياتي يا آيا تلقاها شايلة هم عشان كذا ما ارتاحت في نومها اليوم ...
أكيرا : لازم اقومها واعلمها اننا رجعنا
ماري : خلها ترتاح ولما تقوم نقول لها عن كل اللي حصل ....
أكيرا : شكلها بردانه ...
ماري : الجو مره بارد .... انا برقا فوق
تروح ماري متوجهه للدرج ...
يفصخ اكيرا جيكيته ويحطه على آيا ...
أكيرا : ليه ما نمتي فوق يا آيا ؟؟ كذا يمكن تمرضين بسبب البرد ...
ويقعد أكيرا مقابل لها يلمس شعرها و يمر على خدها الناعم  وهو يشوفها  : فنانة حتى في احداث المستقبل تخططين لها صح ... مو مثلي في اصعب الاوقات افقد عقلي ...... دائما كوني كذا
وخليكِ طيبة .. تبقى قريـّبة .. وازرعي قلبك رحمة وخير .. قدمي خيرك .. ساعدي غيرك .. خليك دايما قلب كبــير .. لاني احبك كذا ...
شوي آيا تتحرك وتفتح عيونها …. تفز من الكنبة مرتاعه ..
آيا : أكيرا ؟ رجعتو ؟
أكيرا يبتسم في وجهها : ايه رجعنا ..
آيا بعجله: كيف الاخبار بشر ؟؟
أكيرا يسوي نفسه حزين: مع الاســف …..
آيا منصدمه : معقوله ؟! وش اللي صار ؟!
أكيرا :  ماري الحين من اهلي..
آيا تناظره ما فهمته : وش تقصد ؟؟
أكيرا يغمز لها : مع الاسف ان ماري صارت اختي هههههه
آيا تضربه مع كتفه : يووووه لا تمزح هالمزح ضيقت لي صدري
أكيرا : شكلك تعبانه .. ليه ما نتمي فوق في غرفة ماري ؟؟
آيا : لا لا ابدا ماني تعبانه
أكيرا : وش اسّمي نومك على الكنبة في هذا البرد ؟؟
آيا : لاني كنت انتظركم ومدري شلون نمت بدون ما ادري ....
أكيرا : ارقي نامي ...
آيا : لا لا .... اصلا انا بس ابي اطمئن على حالكم وبروح الحين وانوم في بيتي ... وانت بعد نوم وارتاح ولا تفكر ...
أكيرا : اجل يله خليني اوصلك ....
آيا : بروح رجليه ... ما يحتاج تجي معي .....
وتوقف ..
اكيرا يمسك يدها : انا بوصلك مايهون علي ان آيا حبيبتي تروح رجليه و انا فاضي ..
آيا بحيا : ورا ماتقصر حسك تراني استحي من هالكلام ..
اكيرا يسحبها و يضمها لصدره : فديت اللي يستحون انا ..
ايا تدزه بأقوى ماعددها : انت شكل صابك التماس في راسك  ياخي استح على وجهك افرض اختك شافتنا و الله مو زينه ..
اكيرا يضحك : هههه الله يسعدك يا آيا ..
آيا تروح عند الباب : انا رايحه  مع السلامة .... و وصل تهنأتي لماري .... او مارينو ساسو
أكيرا يتبعها : ان شاء الله  ....  آيا تناظره باستفهام : الحين انت وش جابك وراي ..
اكيرا : بوصلك هذا اعتذار مني لك عن حركاتي اللي سويتها .. آيا تناظره بنص عين : انا ماطلبت منك اعتذار رح ارجع لبيتك ..
اكيرا وقف : طيب انا راجع .. رجع اكيرا ودخل البيت ..
اكيرا ينادي : ماري ماري ..
ماري تطل عليه من الدور الثاني : هلا ..
أكيرا : انا طالع بوصل آيا لبيتهم ...
ماري بضيق : انت صحيتها !؟
اكيرا مستعجل : لا هي صحت من نفسها ..يالله انا رايح ..
توه بيطلع تذكر :.
اكيرا : ماري لحظه ..
ماري : نعم ..
أكيرا : آيا تهنيك يا مارينو ساسو .....
ماري تبتسم ..
برى البيت :.
ايا تكلم نفسها : مالت عليك ماصدقت اقولك ارجع على الأقل جاملني .. توها بتمشي الا طلع اكيرا .. جاها مسرع و ضمها من ورى : ليش هالتعامل كأني بخليك تروحين رجليه لاتفرحين موصلك موصلك ..
آيا تكلمه وهي عاضه على اسنانها : اكيرا فضحتنا عند الله و خلقه فكني ..
اكيرا يفكها : ياختي عادي الكل يعرف انك رفيقتي عادي ..
آيا تسوي نفسها زعلانه :انا داريه بس ما احب هالحركات قدام الناس .. وبعدين ماتقولي وش رجعك ..
اكيرا : انا قلت لك اني ماراح اوصلك ؟!
ايا : لا ..
اكيرا بابتسامه : خلاص يعني معناته لازلت مصر علي توصيلك لبيتك سالمة..
آيا : اجل وش كان قصدك يوم قلت انا راجع تصدق ضيقت صدري قلت انك ماصدقت اني اقولك ارجع ..
ا كيرا يناظرها باعجاب عاجبته صراحتها : يا حبي انا رجعت عشان اخبر ماري اني بطلع اوصلك لبيتك عشان ما تدورني .. هذي كل السالفه ..
آيا : اها ..
اكيرا : يالله تفضلي ياحبيبتي الزعوله ..
آيا : والله ماتلقى مثلي و طيبتي ..
اكيرا يفبتح لها باب السياره : وانا اشهد ماراح القى مثلك ابد..
تركب آيا وهي مبتسمه : شكرا ..
ركب اكيرا و توجه لبيت حبيبة قلبه نزلها ورجع لبيته دخل غرفته ورمى بنفسه على السرير و راح في سابع نومه ..  
الساعة 8 الليل :.
صحى اكيرا من النومه .. يناظر الساعه : يوو 5 ساعات نمتها غريبه وين ماري ماصحتني ؟!
قام .. و غسل وجهه ..و بدل ملابسه بعدها طلع برى : ماري~ .. نزل تحت دخل المطبخ راح للثلاجه يبغى يشرب مويه شاف ورقه معلقة على الثلاجه مكتوب فيها :
[ خيو اكيرا .. انا رحت اشوف ماما و اتطمن عليها .. حاولت اصحيك عشان اقولك بس شكلك كنت مرهق مارديت علي فقلت اكتبلك هالرساله .. ماري ^ _ ^ ]
اكيرا بارتياح : زين ماسويت يا ماري ..
أكيرا يضحك : ياحليلك ههه وحاطه الرساله على الثلاجه يعني عارفه اني اول ما اصحى من النوم لازم اشرب موية..
طلع من المطبخ وجلس في الصاله و الله مشتاق اجلس مع آيا من زمان ماجلسنا سوا لوحدنا .. تذكر حركاته لها اليوم وردود افعالها ضحك من قلب : ههههه والله انك تحفه يا آيا .. طلع جواله وارسل لها رسالة ....
آيا تفتح الجوال ....
آيا : [ هلا يا حلوة  اذا كنتي فاضية ... ممكن نلتقي ................ أكيرا .. ^_^ ]
آيا ترسل له رسالة ....
أكيرا : [ ايه فاضيه وين تبي نروح اصلا كنت استنى منك رسالة  ... ههه ....لاتصدق نفسك  ^^ ]
اكيرا يرد عليها ...
آيا : [ ههه اوكي القاك عند النهر ... ابي اسولف معك ]
وترد عليه ....
أكيرا : [ انا هناك ...... ^_^ ]
وترسل رسالة ثانية ....
أكيرا  :  [ هههههه حلوه الكذبة .... بس كأننا في مسن على هالتراسل ..... يله  شوي وانا عندك ] هههههه حلوه يا آيا ..
وتروح آيا و تغير ملابسها .... ويلتقون عند النهر ..
أكيرا : عسى ما تأخرت عليك ....
آيا : لا ...
أكيرا : امسكي هذا كوفي ....
آيا : شكرا ..
ويقعدون جنب بعض ..
آيا : وين ماري ؟؟
أكيرا : راحت لامي .....
آيا : وليه ما رحت معها ؟؟
أكيرا : ابيها تكون لحالها افضل ....
آيا : اكيرا كنت افكر .. انت صدق ما تزور امك كثير
أكيرا : لا تهتمين كثير ...
آيا : لا تقول كذا .... انا بطبق كلام ابوك ... ابوك وصاني وانا لازم اقوم بهالوصية
أكيرا : وصية ايش ؟؟
آيا : ابوك وصاني اني اخليك تكثـّر زيارات لامك ... نسيت المقابلة .. ؟؟
أكيرا : اها اها الحين ذكرت ....
آيا : لا تقطع بأمك يا اكيرا ودائما زورها لو وقت قصير ...
أكيرا : ماري الحين عندها ما تحتاجني ...
آيا : الحين عرفت انك بوجهين ..
أكيرا متعجب : انا بوجهين ؟!
آيا : تلعب على امك وعلى ماري وكل واحد غير معاملة
أكيرا : وضحـّي ...
آيا : أكيرا انت تهتم في ماري اكثر من امك ؟؟ ماري حتى لو كنت من زمان ما شفتها وانك فاقدها ... ترا امك تفقدك ..
أكيرا يتذكر ...
اقتباس من الجزء الثالث – الفصل الثامن ..
نيزو : الغلط منك يا اكيرا ..
أكيرا : الغلط مني ؟!
نيزو : انت وينك عن امك ... ما تحس انها محتاجه لك ..
.......
أكيرا : معاك حق انا صدق مقصّر معها ....
آيا تناظره بحماس : خلاص انا فكرت ..
أكيرا متعجب: وش فكرتي فيه ؟؟
آيا بابتسامه : نزورها يوم ورا يوم .... انا وانت
أكيرا فتح عيونه :  انا وانتِي ؟!
آيا تهز راسها: ايه - اكيرا اخاف امك تكرهني بسبب انك ما تزورها
أكيرا : لكن انا ما كنت ازورها قبل ما ....
آيا تقطع كلامه : الموضوع الحين مختلف .... انا ابي امك تفرح اكثر انك لقيت لك رفيقة تغير شيء من حياتك ... وبعد ابيها ...
أكيرا يقطع كلامها : صح انا لقيت لي رفيقة تغير شيء من حياتي ...
ويلتفت على آيا ويبتسم : انا لقيت آيا .. ولاني ما افكر صح وابيها تفهّمني وتعلّمني .... واختارت اول خطوة هي امي ..
اكيرا يلتفت على النهر : صح يا آيا انا اليوم امي كانت تقول انها محتاجة لنا .. لكنـ ..
آيا تقطع كلامه : خلاص نبدا من بعد بكره .... لازم ما تقطعها يا اكيرا ....
وتوقف آيا وتقعد تمشي شوي ..
آيا تتكلم بخوف : يمكن يا اكيرا اذا سوينا هذي الخطوة .... ما نفترق ...
أكيرا يرفع راسه وهو يشوفها ....
آيا بضيق: بقولك الصدق يا اكيرا ... انا خايفة ... خايفة اني اقربـ.. منــــــك ... ما ادري ليه ...
أكيرا وقف وقرب جنبها  : انا آسف اني اضغط عليك بكلامي .... لكن يا آيا انا اعرفك قوية .. لا تخافين ... لان حتى لو حصل ما راح نفترق  ..
مسك يدينها بيدينه :  راح تكون يدي بيدك وامسكها بكل قوتي ...
آيا تناظر يدينهم و بيأس قالت : لكن لو حصل وفلتها ؟؟ بنفترق صح ؟؟
أكيرا رفع يدها وحطها علي قلبه : بيصير قلبي هو اللي متعلق بك و ينطق بأسمك .. وما راح احد يقدر يبعده عنكـ او يسكته..
آيا عيونها امتلت دموع ناظرت في وجهه : اخاف تطـّول المده .... أكيرا الامل اللي كنت تقول عنه بدا يتلاشى انا .... انا .. احس ان الموضوع بيصعب
وتنزل راسها ..
أكيرا يرفع راسها ويحط عينها في عينه: آيا انتهت هذي السنة ؟؟
آيا و الدموع بدت تنزل: لا تونا في وسطها ....
أكيرا وهو يمسح دموعها: اجل فيه امل ... آيا خلي الامل شعارك وراح تنتصرين على الظلمة ... انا ما قلت لك هذا الكلام من قبل ؟
آيا تميل براسها: لكنـ.. الوضع مختلف عن الموضوع اللي قبل يا اكيرا ....
أكيرا يقربها من عنده : لا متخلف ولا شيء كلها حلها واحد ... اننا ما نستعجل بالاحداث ....
آيا : ما ادري ...
أكيرا : يعني يا آيا انتي متحسفة انك خليتي ماري تقابل اهلي ؟؟
تلتفت آيا عليه ....
آيا تهز راسها : لا يا اكيرا لا ... انا اتكلم من طرف ثاني .... انا ما حطيت أي سبب انا اقول اللي في خاطري .. بس
أكيرا : اجل بلاش هالدموع خلينا نعيش يومنا .... احنا ما ندري وش بيصير بكره ... عشان كذا احنا دائما في انتظار ...
ويمشي اكيرا ... ثم يلتفت عليها ...
أكيرا : محبوبتي آيا ..... اوصلك للبيت ؟
آيا تبتسم وهي تمسح دموعها: ايه....
أكيرا بابتسامة : يالله وراي ...
آيا هزت راسها ومشت وراه .......
آيا في نفسها :لم أكن أتوقع بأنك ستخترق قلبى إلى ذاك الحد .. لم أكن أعلم بأنك ستسافر بى إلى ما بعد الوجد
يامن شق الفؤاد فإستقر فيه حبك.. وتربع على عرش الهوى فى صمت بلا أدنى صد .. ستظل بداخلى مهما كانت الرياح .. ومهما قالوا.. سأظل معك على العهــــد
وتسرع آيا وراه وتمسك يده ...
أكيرا يشد على يدها و هو مبتسم ...
ويرجع كل واحد لبيته وينتهي اليوم على كذا ....

ومن بعد بكره تبدا احداث جديدة .... لنترقبها في الجزء القادم ... ^^