(( الفصل الثالث عشر – الجزء 1 ))

لانه مالك قلبي , دمي , عقلي .... (( الفصل الثالث عشر – الجزء 1 ))

اندو بكل قوته يطّلع اقوى كلمه : ساكورا ...... تتزوجيني ؟؟؟؟؟؟؟؟
تفتح ساكورا عيونها ... وكيبا متفاجئ نفس الشيء ...
ساكورا في نفسها وهي مو مستوعبه تصرفاته الغريبه : اندو ... يتزوجني انا ؟؟!! ....
وبتفكير وفي نفسها : هل عشان كذا ما يبيني اتزوج ولد عمه ...؟؟
اندو : ساكورا .... ~
ساكورا تبعد يدها عنه ... وتعطيه كف على خده ...
ساكورا تمتلي عيونها دموع : لهالدرجة ؟؟ ... لهالدرجة ما تبيني اتزوجه .... تنـّزل نفسك وتطلب يد البنت اللي ما قد حبيتها ...
اندو يحط يده على خد متفاجئ: ساكورا ؟
ساكورا وهي تصرخ عليه : انت ما تحبني .... ليــه تطلب يدي ؟!
اندو بهدوء : من قال اني ما احبك....
ساكورا تسد اذانيها و بصراخ : كذاااب ... انا نفسي اعرف .. اعرف هالشيء من زماااان ... انت تستغلني لاني احبك .. انا متأكده ان فعلك هذا عشان شخص غيري ... جبرت نفسك علي عشانه ..
وتقرب منه وعيونها مليانه دموع بهدوء قالت  : من هذا الشخص اللي خلاك توصل لهالحد .... ؟
اندو بغضب : محد جبرني ... انا من نفسي سويت هذا الشيء ... لاني ابي صدقـ...
كيبا : بس كافي ارحم البنت ...
ويلتفتون على كيبا بتفاجؤ ...
ساكورا ودموعها تنزل : كيبا ؟!
كيبا يتوجه لاندو : ساكورا تعرفك .. ما تقدر تقنعها بهالكلمات البسيطه ....
اندو نزل راسه : وش معنى كلامك ؟؟
كيبا : عشان توقف هالزواج يستلزم انك تدّخل نفسك في شيء انت ما تبيه ؟؟
اندو : ما ادخل نفسي ... انا ابيها ..
كيبا : لا تعتقد انك دائما المحبوب .... ساكورا صدق كانت تحبك .. لكن هذا الشيء كان قبل ست سنين .... كانت تتمنى لو تلتفت لها ...
ساكورا تبي تسكِّت كيبا : كيبـــــا ..~~
كيبا : ساكورا .. مثل ما كنتي تتمنين لو اندو يشوفك ... كان فيه شخص يتمنى هاللحظة لو تشوفينه ......
ويلتفت على اندو : اندو .. لو ما جيت وسبقتني على ساكورا .. كان بس بينا نص ساعة واعيد عليها نفس كلامك ... لكن من دون إجبار ...
اندو متعجب من كلام كيبا ...
كيبا : الباقي علي ... ما راح اخليك تاخذ دور البطوله لحالك ......
ساكورا تناظر كيبا وهي ساكته :...........
اندو ماسك اعصابه ويلتفت على ساكورا : ساكورا ... انا آســـف .. لكن اعرفي اني يوم قلت كلامي كنت اعنيه ...
ساكورا تلتفت مع الجهه الثانيه وتمسح دموعها : كنت اعرف ... لكنـ..
تبلع ريقها ثم تقول : روح ... روح يا اندو ولا تحاول تصعب الامور على نفسك ...
ينحني اندو لها بكل امتنان ... ثم يمشي بخطوات بطيئه بدون ما يلتفت للي وراه ...
أندو في نفسه : شيء غير متوقع منك .... كيبا ...
في السكن :.
آيا قاعده على سريرها  تذاكر ..... تدخل عليها يوكي ومعها كوب قهوة ....
يوكي تمده لها : تفضلي ...
آيا : شكراً ....
يوكي جلست على طرف السرير : تذاكرين لامتحان الاسبوع الجاي ؟؟
آيا تهز راسها : أيــــه .....
يوكي بابتسامة : شكلك متحمسة تاخذين الامتياز فيه صح ؟؟
آيا : لا ...
يوكي طلعت عيونها  : نعم  ؟!
آيا تتعدل في جلستها وتلم نفسها بيدينها : اذاكره لاني احس اني ما راح اكون فاضية بعدين ....
يوكي تناظر لآيا بحسره ..
يمر الوقت ...الساعة 10 الليل :.
اندو جالس على مكتبه في البيت ..
اندو : اففف ... اخيرا خلصت ... الشغل من جد ما ينتهي ...
ينطق الباب ...
اندو : ادخل ...
تدخل الخادمة ....
الخادمة : العشاء جاهز ...
اندو : اوكي يالله الحين نازل ....
ينزل اندو ويجلس على السفرة مع امه وابوه ...
اندو : اليوم مجتمعين ....
الابو : انا خلصت اعمالي اليوم مبكر ...
اندو : أها ...
الابو : بكره خليا نروح للمستشفى ... الدكتور اليوم سأل عنك ....
اندو : لكن انا الحين متشافي تماماً ...
الام : لكنـ...
اندو يقطع كلام امه : انا كان عندي فقدان ذاكره جزئي .... صح ؟
الابو : من صيغة كلامك .. انت الحينـ...
اندو : استعدت ذاكرتي .... والحين انا ما احتاج علاج ...
الام بفرحه : صحيح يا اندو ... ليه ما قلت لامك عشان ترتاح ,,
اندو : آسف اني ما قلت شيء .... لكن هذا الشيء توه صاير اليوم وهذا انا على طول قلت لكم ...
الام تبكي ...
اندو : يماه ... ليه تبكين ؟
الام : فرحانه بعودتك ...
الابو : الحمد لله على سلامتك ...
اندو يبتسم ويكملون اكلهم ,,,
بعد ما خلصو من العشاء جلسوا في الصاله يشربون شاي ...
الام : اندو .. حبيبي ودي اسألك سؤال ...
اندو : قولي ....
الام : انت عندك صديقة ؟
اندو : أيــه
الام : تحبها ؟؟
اندو يوقف عن الشرب ...
الام : تحبها ؟؟ ... حبيبي اذا كنت راغب بها....
اندو يقطع كلام امه : توني ... انا ما ابي اتزوج الحين ....
الام : لكنـ..
اندو : لما افكر في الزواج راح اقول لك .... انا ما بعد استعديت .... وعندي اعمال كثيره لازم اخلصها ...
الام ما تبي تضغط عليه : على راحتك حبيبي ...
اندو وهو يشرب الشاي يفكر ...
اندو في نفسه : الزواج .. البنت اللي احبها مستحيل اتزوجها .... وغيرها .... اعتقد اني الوحيد اللي صرت بلا رفيقه ..
ينقطع تفكير اندو برنة جواله في جيبه يترك الشاي على الطاوله ويطلع يكلم ...
وبعد المكالمة يسكر السماعة ويدخل البيت ويصعد لغرفته ويلبس ملابسه بسرعة وينزل من الدرج وهو يركض ......
الام : اندو .. وين رايح هالوقت ؟؟
اندو : عندي شغل ضروري ...
ويطلع اندو من البيت ويروح للمستشفى  ... يطق باب غرفة ماري ..
ماري : ادخل ...
يدخل اندو ..
اندو :  بغيتيني ...
ماري تبتسم : جيت بسرعة ...
اندو ضاع : لا بس لاني كنت قريب ...
ماري تأشر له على كرسي بالقرب من سريرها : اجلس ...
يجلس اندو عندها ....
ماري : آسفه اني اطلبك في هالوقت ...
اندو : ما عليــه ....
ماري : الموضوع ما يستلزم التأخر ...
اندو : لكــن معليش قبل ما تقولين شيء .... عادي اعرف شيء ...
ماري : تعرف ؟؟
اندو : سألتك من قبل سؤال ...
ماري : هاه ..
اندو : معليش تجاوبيني هالمره بكل صراحة ؟
ماري : قول ...
اندو : ذيك المره سألتك ان كنا نحب بعض من قبل ..... قلتي [اذا كنت تحبني الحين معناه انك كنت تحبني قبل ... لكن من طرفي انا ..] ... من طرفك .. ايش ؟
ماري احرجت شوي ..
ماري : انا .. احب اندو السابق ...
اندو : والحين ...؟؟
ماري : راح تعرف الجواب بعدين ......
اندو بإطمئنان : اوكي ما راح اجبرك .... قولي الموضوع اللي عندك ..
ماري تلعب باصابعها ما تدري من وين تبدا : عندي موضوع لازم اقوله لك ... لاني ما لقيت شخص يناسب للموضوع .... يمكن ما يكون عندك خلفية له .... لكن هو رجاء وطلب ...
اندو متحمس : قولي ...
ماري تناظر للدريشه بضيق : اكيرا ... بيتزوج .... وزوجته انت تعرفها زين ..... ما ادري كيف اقولك .... اندو .. هذا الزواج ....
اندو يكمل كلامها : تبينه يلغى ....
ماري تلتفت عليه متفاجئة ....
اندو : اكيرا بيتزوج ساكورا كاياما ... وهذا شيء مستحيل يكون .. ادري تعبتي وانتي تفكرين في هالموضوع ...
ماري : اندو انت ..
اندو : عرفت هذا الشيء امس ...
ماري تنزل راسها : لكن المشكله هنا مو ساكورا ....
اندو مستغرب : اجل مين ؟!
ماري متضايقه : اكيرا ... موافق على هذا الزواج ....
اندو متفاجئ وفي نفس الوقت معصب : ايش انتي وش قاعده تقولين ؟! ..
ماري مستغربة ردة فعل اندو .....
ماري : اندو ... ليــه غضبت ؟؟
اندو ينزل عيونه للارض : ماري .... انا .. انا ... صرت اتذكر ..
ماري متفاجئة : هاه !!
اندو : رجعت لي ذاكرتي ... اعرف كل شيء ... اكيرا .. آيا .. ساكورا ... انتي ..
ماري بفرحه مع حزن : اندو .... ~
اندو : اليوم قابلت ساكورا وتكلمت معها ....
ماري : وش قلت لها ؟؟
اندو : بعض الاشياء .. واعتقد ان الموضوع تصلّح ..
ماري : يعني .. ؟
اندو : ساكورا مسكينه ما تعرف شيء .... ابوها هو اللي اختار اكيرا يكون عريس لها .. وبعد ما تكلمت عنه معها تفهمت الوضع .....
ماري بحماس : بكره ... بيروحون امي وابوي وساكورا واهلها لبريطانيا ...
اندو : هاه ؟!
ماري : ما بقى كثير من الوقت .... سفرة بكره لازم تلغى .....
اندو : ليه اكيرا وافق ... ؟؟
ماري بحزن تنزل راسها : هذا الشيء حتى انا ابي اعرفه .. كلّمته من قبل لكن ما عطاني أي غاية ....
اندو : هذا الشيء راح نعرفه بعدين .. المهم ساكورا ... اتمنى يكون كل اللي في بالي ...
ماري : كل ثانية تمر محسوبه علينا ... انا ابي اصلّح كل الامور بدون ما تدري آيا ...
اندو يناظر ماري وبدا يفكر ...
اندو يفتح جواله ...
ماري : وش بتسوي ؟؟
اندو يسكر الجوال ...
اندو : ولا شيء ....ماري .. بكره الصبح اتصلي على اهلك وقولي انك تبين تطلعين .. عشان تتعطل سفرتهم اكثر ...
ماري : طيب ...
اندو : بكره راح اكلمك واخبرك كل شيء يحصل ...
ماري تهز راسها بالموافقه مبسوطه ان اندو رجع لها وفيه من يساعدها  ...
اندو : اوه صح نسيت .... الحمد لله على سلامتك .. ما تشوفين شر ...
ماري ابتسمت في وجهه ...
اندو : استأذنك ..
ماري تستوقفه : اندو ..~
اندو يوقف ويلتفت عليها ....
ماري باحراج وشوق : اندو .. متى رجعت لك ذاكرتك ؟؟
اندو بابتسامه : امس ...
ماري بحزن : وليــه ما علمتني ؟؟
اندو : كنت ناوي اجيك اليوم لكن حصل انكـ ....
ماري : وليــه سألتني قبل شوي السؤال نفسه ؟؟ انت الحين تعرف من كنت تحب .....
اندو : أيــه اعرف ... لكن عرفت بعد ان ماري تحبني .....
ماري متفاجئة وبإحراج : اندو ؟!
اندو : قلت لك من قبل والحين اقولك ... الشخص اللي كنت احبه كان حبي له خطأ ... والحين اشوف فيه شخص ثاني يهتم لي ...
ماري محرجة ..
اندو في نفسه : هذا الشيء كان المفروض يحصل من زمان ... ماري حبتني .. قدامي بنت مثل الشخص اللي حبيته ... ليــه ارفضه .. الا بالعكس انا الحين مرتاح معه ..... ما ابيه يتألم مثل المي ...
اندو بابتسامه : ماري .. بعد ما تتصلح الامور ..... مثل ما وعدتك ... راح اوديك المكان اللي احبه ..
ماري تبتسم من الفرحة ..
ماري تهز راسها بالموافقة ...
ماري في نفسها : شكرا اندو ....
اندو يبتسم في وجهها...
اندو : ماتشوفين شر ....
ماري تبتسم في وجهه : ما يجيك الشر ...
ويروح اندو ....
ماري تناظر الباب بكل فرحه ....
ماري : اندو ... اتمنى اني اكسب حبك ......
ومن بكره الساعة 11 الصبح :.
ماري جالسة على السرير وتدخل امها عليها ....
الام تقرب من عند ماري وتجلس وتمسك يدها ....
الام : حبيبتي ... الحمد لله على سلامتك ..
ماري : الله يسلمك ماما .. الحين احس اني تشافيت ...
الام : لازم ترتاحين اكثر ...
ماري : ودي اطلع اليوم ....
الام : اليوم ؟!
ماري : أيــه ما احتاج لرعاية المستشفى .... انا احتاج رعايتك ...
الام : بس انتي ...
ماري : مو انا المريضة ... ماما عشاني قولي لابوي اني ابي اطلع ...
الام : ما راح يرضى ....
ماري : طيب اجلسي اليوم معي ... احس بوحشة لحالي ..
الام تبتسم وتمسح على شعر ماري ...
ماري في نفسها : اذا كانو بيرفضون خروجي فبخليهم يجلسون عندي ....
الساعة الان 1 الظهر :.
ابو ساكورا : تجهزتي بنروح 3 العصر ....
ساكورا : حاضر ....
يرن جوال ابو ساكورا ..... يروح وياخذه ويرد ..
ساكورا : بقي ساعتين ..
تروح وتجلس في الصالة وتفتح التلفزيون ... يسكر الابو الجوال ويجي ويجلس معها ...
الابو : ساكورا ...اللي اتصل علي قبل شوي كان ابو نيزو .. يقول ان السفرة بتكون بكره ....
ساكورا : ليــه ؟!
الابو : يقول ان بنته طاحت من على الدرج وتضررت ....
ساكورا تتكلم بصوت منخفض : ماري .. عسى ما تعورت كثير ...
الابو : عشان كذا بكره بنروح لبريطانيا ..
ساكورا توقف : لا .... انا ابي اروح اليوم ...
الابو : ليش ؟!
ساكورا : لاني ابي اروح هناك واستقر وارتاح شوي .... عشان استعد للمقابله بعد بكره ..
الابو : طيب.. على راحتك ...
ساكورا : بروح اخذ بعض الاشياء واحطها في الشنطة ....
الابو : لازم نروح الحين ما نبي نتأخر على الرحلة ..
ساكورا : اوكي ...
الساعة الان 2 وربع الظهر :.
ام ماري جالسة مع ماري في الغرفة ........
يرن جوال امها ...
الام : شوي ماري بأطلع ثم بارجع لك ...
ماري : طيب ...
تقوم الام وتطلع برا الغرفة ...
ماري : يا الله وش بيصير .. انا اشوف الساعة تمشي وما فيه اية تغيرات ....
في المطار ::
ساكورا واقفة على مطل المطار وتشوف الطيارات وهي تقلع وتهبط ..
الابو ينادي من بعيد ..
الابو : ساكورا .. ~ .... ياللـــــه ..
ساكورا تلتفت لابوها : جاية ....
راحت تلحق ابوها ولما وصلت للبوابه التفتت خلفها وقالت : آسفـــــة اندو ...
دخلت للبوابة واقلعت الطائرة متوجهه الى لندن ...
اندو في السيارة :.
يتصل على ساكورا ...
الجوال : ان الهاتف المطلوب لا يمكن الاتصال به الانـ.....
يسكر اندو الجوال ...
اندو : مو من عادتها تقفل الجوال ...
يمر الوقت وكل شيء هادئ .. باعتقاد ماري ان الرحلة الغيت ... واعتقاد اندو ان ساكورا رفضت انها تسافر لبريطانيا ... فيتوقف كل شيء ...
ومن بكره :.
اندو في العمل جالس على مكتبه ..
اندو : غريبة ما اتصلت علي الى الان .... وجوالها طول الوقت مقفل ....
يمسك اندو جواله ويتصل على كيبا ....
ماري تطلع من المستشفى وتروح للبيـت ..
الام : ماري ... انا وابوك بنطلع ويمكن نتأخر ...
ماري : طيب .....
وتطلع الام من عندها ..
ماري سمعت الباب حق غرفتها يتسكر..
انسدحت على السرير بارتياح : آهه لكم حرية التجول ... المهم ان الرحلة الغيت ....
عند اندو ....
اندو يسكر السماعة ..
اندو : مستحيــل !! .... ساكورا وش غايتك ؟؟
بريطانيا الساعة 4 العصر :.
اكيرا ماسك كوب الشاي وواقف قدام الدريشة ..
دخل عليه خادمه ..
الخادم : سيد اكيرا ... فيــــه بنت برا تبغى تقابلك ..
اكيرا يلتفت عليه : وش اسمها ؟؟
الخادم : قالت " ساكورا كاياما " ....
اكيرا يدخل غرفته : ضيفها وجلسها في الصالة ... بالبس وانزل  ..
الخادم : ان شاء الله ...
اكيرا : مثل ما توقعت .... الظاهر باشوف زوجتي قبل المقابله ...
ساكورا جالسة في الصالة .... ينزل اكيرا من الدرج .. توقف ساكورا وهي تناظره بكل تأمل ..
يقرب اكيرا ويوقف قدامها ....
اكيرا : تفضلي ....
ويلف وجهه على الخادم .
اكيرا : جيب كوبين شاي ...
الخادم : على امرك ..
ساكورا في نفسها : ما توقعت ان اكيرا بيكون بهالوسامة ....
اكيرا بكل كبرياء : جاية لي قبل المقابله لشيء ؟؟ او للتعرف ..؟؟
ساكورا تناظره بثقه : كل الاثنين ...
اكيرا يجلس : اعتقد ان عندك خلفية عني ....
ساكورا لازالت واقفه : مع الاسف لا ... ما عندي أي خلفية عنك ...
اكيرا يحط رجل على رجل : اجل راح اعرّفك على نفسي ...تفضلي اجلسي..
ساكورا تجلس وبدون ما تناظره : ما اعتقد اني احتاج اني اتعرف عليــك ...
اكيرا حاط عينه عليها : اجل ؟!
ساكورا تلتفت عليه : انت بالضبط وش تبي مني ؟؟
اكيرا تعدل في جلسته : ما ابي منك شيء ....
ساكورا بدت تتوتر من بروده : امس جاني شخص تعرفه زيــن ... قال لي اني ارفض الزواج منك .... والسبب انك ما تناسبني .... وشيء ثاني قال انك ما راح تحبني و السبب مجهول ..... اذا كنت من الاصل ما تبي تتزوجني ليــه توافق ... من حقك الرفض ..
اكيرا بهدوء : ومن قال لك اني ما ابي اتزوجك ؟؟
ساكورا توقف : ما يحتاج تقولها بلسانك ... يكفي ان هذا الشيء وصلني ....
اكيرا يناظرها وهي معطيته ظهرها : طيب وش الغاية من كلامك ...؟؟
ساكورا تلتفت عليه و باصرار : انا ما يهمني سواء كنت مناسبه لك او لا .. المهم عندي ان اللي يسكن قلبك هو انا وواثقه انك بتحبني ...
اكيرا يناظرها ويبتسم بسمة ساخرة ....
ساكورا تتنرفز من ابتسامته : انا الحين استأذن ... اشوفك في المقابله ...
وتمشي شوي وتوقف عند الباب على قول اكيرا ..
اكيرا : للمعلومية ...
تلتفت عليه ساكورا ويقوم ويقرب عندها .... ويقول كم كلمه بصوت منخفض باذنها .... ثم يبعد ..
اكيرا : آسف .. آسف اني اقول لك هذا الكلام ... لكــن حبيت اريح نفسي بس ..
ساكورا تناظره وتبتسم بسمة خفيفة ...
ساكورا : وانا ما راح ايأس بعد .. حتى لو تزيد اكثر على هالكلام ..
وتطلع ساكورا من المكان ... يروح اكيرا ويصعد لغرفته وينسدح على السرير ...
اكيرا : اندو ليــه وصلّت لها الرسالة بهالشكل ...؟؟
ساكورا راكبه سيارتها ...تكلم نفسها ...
ساكورا منقهره  تضرب الدركسون بيدها :  الحين ارتحتي يا ساكورا .. بعد ما تأكدتي انها آيــــا ...... ردة فعلها وضحت لي ... حركات اندو قربت لي ... وفضولي هو اللي وصلّني هالمكان ... اعتقد ان هالبنت قويه .. لدرجة انه ما زال متعلق فيها ... انتظريني يا آيــــا ...
في اليابان :.
اندو راكب سيارته ويسوق بسرعة متجه للمطار ..... يوصل للمطار ويدخل ويروح يسأل عن وقت رحلة بريطانيا .. ويقولون له ان الطيارة توها مقلعة ....
اندو يضرب على الجدار ......
اندو : ليـــه ؟! ليه ما يحصل اللي انا ابيـه ....
يرن جواله ::
اندو يشوف المتصل ماري : الوه ..
ماري بقلق : ايش صار ؟
اندو معصب : راحوا .. راحوا يا ماري ..
ماري توترت : وش نسوي ؟
اندو يحاول يهدي نفسه : ما بيدنا شيء نسويه .... ليه الامور تمشي كذا ...
ماري بضيق : اندو ..... ما قلت لي انك صلحت الامور مع ساكورا ؟
اندو ما يدري وش يقول : ما ادري عنها .... يمكن تكون مجبوره .. ما اقدر اقول لك شيء عنها ....
ماري بقلق : طيب ارجع الحين خلينا نفكر في شيء ..
يسكر اندو السماعة ...
اندو : ما اقدر اقول أي شيء عن ساكورا .... حتى لو كان ... ما ابي ماري تكرهها اذا درت ان روحتها برغبتها ....
يرجع اندو للبيت ويشوف ماري جالسه في الصاله وهي متوتره ..
يروح اندو ويجلس مقابل لها ....
اندو : انتهى دورنا الحين يا ماريـ...
ماري بغضب تقاطعه : انا خلاص صرت اكره اكيرا ... خلاص ... معد صرت اطيق هالشيء ... ليه يسوي كذا ؟
اندو : ما نقدر نحكم على فعله ... هذا اخوك يا ماري
ماري : ليه يوافق من الاصل ..... هذا شيء هو مو مجبور عليه .... ليـه .. ليه ؟!
وبدت ماري تنزل منها دموع حرارة قلبها ...
اندو يروح لها ويجلس جنبها ويحط يده على كتفها للمواساة : ماري .... لا تبكين ... هذا الشيء ما يستاهل انك تنزلين دموعك عشانه .. احنا ما نعرف الغيب .... لا تحكمين على النهاية ....
ماري تصيح : كيف بقابل آيا ؟ آيا .. آيا المخلصه لأكيرا ... كيف باقول لها ؟ كيف اكيرا ما فكر في مشاعرها .. اندو ... انا تعبت ... تعبت ....
اندو ضاق صدره عليها ولا يعرف وش يسوي لها ..
سكت بدون نطق أي كلمه زياده ....
ومن بكره .. يوم المقابلة ::
جالسين كلهم في مجلس واحد متقابلين ... واكيرا ساكت وهو مقابل ساكورا ... وساكورا بالمثل ...
وآبائهم بتكلمون عن بعض الامور ..
ام اكيـرا تلف على اكيرا وتهمس له في اذنه ....
ام اكيرا : حبيبي ليــه ما تتكلم معها ... انت حتى ما سمعت صوتها ..
اكيرا في نفسه: ما سمعت صوتها ابد ما كأنها جايتني امس ..
اكيرا يمثل : كيـف حالك ساكورا ؟
ساكورا : تمام ... وانت كيفك ؟؟
اكيرا في نفسه : ياربي على البراءه..
اكيرا يبتسم : تمـام الحمد الله ....
ساكورا في نفسها : ياعيني .. ويعرف يمثل بعد ما كأننا متكلمين مع بعض امس ...
ابو اكيرا : ومتى تبون الزواج ؟؟
ابو ساكورا : ما اعتقد اننا نحتاج نستعجل ... لانهم توهم ما بعد تعرفو على بعض ....
ابو اكيرا : يتعرفون على بعض بعد الزواج .. انا اعتقد ان الاستعجال في الزواج افضل ...
ابو ساكورا : اذا كانت ساكورا تبي هذا الشيء ....
ويلتفت على ساكورا ...
ابوها : هاه وش رايك ساكورا ؟؟
ساكورا : انت وش تبغى ..
الابو : راحتك يا بنتي ..
ساكورا تبتسم له وبدون مقدمات توقف : آســـفة .... جدا آسفة .. لاني .. لاني اعتقد ان اكيرا مو نصيبي ...
اكيرا يناظرها باستغراب ... والكل متعجب ...
ساكورا تنحني : آســفة ... لكــن الحقيقة انا احب شخص ثاني وهذا الشخص ساكن قلبي وحتى لو دخل له اكيرا ذاك الشخص بيكون موجود ومستحيل اتخلى عنه .. لانه مالك قلبي , دمي , عقلي ....
ثم ترفع وتحط عينها بعين اكيرا ... وتشوف فيهم كلهم : آســـــــفة ..... ما اعتقد ان أي زواج بدون رضى احد الطرفين راح ينجح ... آسـفة .. آسفه منكم كلكم .. آسفة بابا .. لكن هذا طريقي .. وانا اللي علي الاختيار مع مين ابي اعيش باقي حياتي ..
وتطلع ساكورا من المكان واكيــرا ساكن في مكانه وصامت ..
اكيــرا في نفسه : الحين فهمت وش معنى اني راح احبــك .....<< المعنى انها في يدها الموافقه لكن رفضته لرغبته المخفيه ..
ويقوم اكيرا ويلحقها برا ....
اكيرا يناديها من مسافة ...
اكيــرا : ساكورا ...~
ساكورا تلتفت عليه .. ويروح وهو يركض لها ....
اكيرا : ليــه وصلتي لهالحد ؟؟
ساكورا بابتسامه : انا اغار منها .. لانها يوم حبت قدرت تخلي الشخص اللي تحبها يبادها نفس الحب .... بينما انا احب و المحبوب ما بادلني هذا الشيء ... انا افهم شعوركم زيــن ... عشان كذا لا تيأس واتبعها ..
وتلف ساكورا وتتركه ... واكيرا واقف في مكانه ...
ساكورا في نفسها : كذا افضل ... واحس براحة ...
اكيرا ينادي : ساكورا .. ~ شكراً لك .. ما راح انسى ابدا تفهمك لي ....
في اليابان :.
اندو جالس في مقهى ويشوف ساعته ...
اندو : ليــه تأخر ؟!
ويجي كيبا ..
كيبا : آسف على تأخري ..
ويجلس ...
اندو بحماس : وش اللي حصل بساكورا ؟؟
كيبا : لا تستعجل .. ساكورا قالت انها بتروح لبريطانيا عشان سبب يخصها ... لكن قالت بعد [ اندو في حياته ما قد طلب مني شيء ومعقوله يوم طلب مني هذا الشيء ما اسويه ... الحين معد صرت اهتم ان حبني او لا .... المهم عندي انه ما يكرهني .. ]
اندو : هذا كلامها ؟
كيبا : عشان كذا ... لازم تثق فيها ... ساكورا تعرفها زين .. عشان كذا انا اُعجبت بها ..
اندو بإبتسامه امتنان : شكــراَ كيبا ...
ويرن جوال كيبا ...
كيبا : رقم دولي ؟
ويرد على الجوال ...
ساكورا : كيبا .. كيف الحال ؟؟
كيبا : كيــف حالك انتي ؟؟
ساكورا : تمام ... كيبا ممكن تعطيني رقم اندو ..
كيبا : وش تبين منه ؟؟
ساكورا : عندي له طلب بسيط ...
كيبا : هو قدامي خذي كلميــه ..
ويبعد كيبا السماعة ويمد الجوال لاندو ...
كيبا : تبي تكلمك ..
ياخذ اندو الجوال من كيبا ....
اندو : الوه ...
ساكورا : كيف حالك اندو ؟؟
اندو : تمام ....
ساكورا : اندو عندي طلب .. لكـن اتمنى انك ما تسألني ليــه ...
اندو : قولي ..
بعد ما انهى المكالمه يسكر اندو السماعة ويعطي كيبا جواله ....
اندو : استأذك كيبا .... وشكرا على كل اللي قلته ريحتني ..
كيبا : كل شيء عشان ساكورا ...
اندو يبتسم في وجهه ويرد كيبا له البسمه ...
بعد ساعة ..في بريطانيا :.
ساكورا واقفه عند الدريشة .... يدخل ابوها عليها ....
الابو : ساكورا .. ليه تبين ترجعين الحين ؟؟
ساكورا : آسفه بابا اني احرجتك قدام صديقك ....
الابو : لا تهتمين .. المهم عندي انتي وبس .. راحت بنتي هي الاهم ...
ساكورا : شكــراَ بابا ....
تدخل الخادمة ...
الخادمة : آنسة ساكورا الطيارة الخاصة جاهزة ....
ساكورا : طيب ..
وتروح ساكورا وتاخذ شنطتها من على السرير وتمر من عند ابوها ثم توقف .....
ساكورا : مع السلامة بابا ... وشكرا
الابو : انتبهي لنفسك ...
وتطلع ساكورا من الغرفة ...
عند اكيرا :.
الابو والام جالسين في غرفتهم ...
الام : هالمره ما صار السبب اكيرا .. ساكورا هيـ...
الابو : اسكتي .. انا ودي اعرف ليــه كل شيء يحصل بهالشكل ... بعد ما ارتحت من هالاكيرا تطلع ساكورا ...
الابو بتفكير : لحظة ! ..
الام : وش فيك ؟؟
الابو : يمكن هو اللي خلاها تسوي كـذا ...
ويقوم الابو غضبان ....
الام : وش فيــك ؟؟ ...
الابو : لو كانت هي السبب ... راح يشوف ولدك كيف يعترضني ....
ويدخل الابو معصب  على غرفة اكيرا وآكيرا كان منسدح على السرير ... يفز من السرير وهو متفاجئ ...
الام تمسك فيه : هد من نفسك .... ساسو ؟~ .....
الابو : علمني ليــه ساكورا رفضت كذا فجأة ؟؟
اكيرا : وانا وش يدريني ؟
الابو يقرب من اكيرا ويمسك ملابسه من صدره ....
الابو : انت اللي طالب منها هالشيء ؟؟ صح ... عشان الي ما تتسمى آيا صح ؟؟!!
اكيرا بصراخ : اضربني اذا كنت تبي هالشيء .. مرت 4 سنوات ما شفت ولدك وبعد ما تشوفه تضربه .... اضربني انا اصلاً ما احس ...
الابو بغضب : يا ولد ....!!
اكيرا وهو متنرفز : انت سمعت منها كل شيء ليــه تحط كل شيء علي ؟؟ هاه ؟؟ انت تبي أي سبب عشان تضر آيا ... آيــا وش سوت لك ؟؟؟؟؟
ويصفق الابو اكيرا مع وجهه ..
الام تشهق وتحط يدينها على فمها ..
اكيرا وهو ميل راسه وبهدوء قال : الحين ارتحت ؟؟ قلت لك من قبل انا ما احس .. لانك ذوقتني اكبر الم ....
الابو يتنفس بقوة : لو يصير هاللي حصل بسببها .. راح تعرف وقتها كيف تعارضني ... ويا ويلك تنطق باسمها مره ثانيه ....
يرمي الابو ولده على السرير و يطلع وهو معصب ومتنرفز ..
الام ركضت لاكيرا وقربت منه ولما جت بتضمه .. بعد اكيرا يدها عنه ...
اكيرا بألم : روحي وراه .... انا ما احتاج مواساة ...
الام تناظره وعيونا مليانه دموع : ليه تقول كذا..
اكيرا يحاول يرفع نفسه ويقوم ويطلع ويخليها وراه.. طلع من الغرفة ركض ونزل تحت وخرج من البيت ...
لحقته امه بس ما امداها عليه لانها سمعت صوت باب البيت يتسكر وصوت السياره .. رجعت الام ودخلت على ابو اكيرا في الغرفة ....
الام تصيح : ليــه سويت كذا معه ؟؟
الابو وهو يحط اغراضه بالشنطه بشكل عشوائي : يالله بنرجع لليابان عشان ما تحس ماري ....
الام تقرب منه وتمسك يده : ليــه كنت قاسي كذا معه ؟!
الابو بدون ما يناظرها : قلتلك يالله الطيارة الخاصه تنتظرنا .....
الام تترك يده و تصرخ : ليــه ما تسمع له على الاقل ؟!
الابو عصب عليها ويصرخ عليها : سوي اللي قلت لك عنــه .... ولا رجعت لوحدي ..
طلع الابو ونزل تحت جلس في الصاله..
الام تنزل راسها وهي حزينه على ولدها ....وتجلس على السرير ترثي حال ولدها وحالهم..
يمر الوقت ويرجعون ام وابو اكيرا لليابان ....
الساعة الان 10 الليل :.
آيا جالسة في الكافي حق الفندق ...
آيا : وينه غريبه اول مره يتأخر ..
تجي ساكورا وتمر من عند آيــا ....
ساكورا : آيــا .. ! وش هالمصادفة اشوفك هنا ؟؟
آيا توقف وهي مرتبكه ..
آيا ابتسمت : ههه عندي شخص باقابله هنا ..
ساكورا ردت لها الابتسامة : طيب تسمحين لي اجلس معك ؟؟
آيا في نفسها : آيا لا تحاولين تحسسينها بشيء ...
آيا تأشر لها على الكرسي : اكيد وبكل سرور تفضلي ..
تجلس ساكورا .. ثم يرن جوال آيا ...
آيا تستأذن : معليش بعد اذنك راح ارد على الجوال .
ساكورا : خذي راحتك ...
آيا : الوه ...
اندو : الوه آيا ... معليـــش انا آسف ما اقدر اجي ...
آيا : ليش ؟!
اندو : حصل شيء طارئ في العمل ولازم اروح ... آسف ...
آيا : طيب ...
اندو : يالله باسكر ... مع السلامة ...
آيا : مع السلامة ...
وتسكر آيا السماعة ...
ساكورا : فيه شيء ؟؟
آيا : هذا الشخص اللي باقابله اعتذر .. ما راح يجي ..
ساكورا : آآه ..
ساكورا تناظر بآيا بجديه : آيــا فيه بعض الاشياء ودي اتكلم معك عنها ..
آيا : تفضلي ...
ساكورا : انتي تعرفين اكيرا ساسو ... صح ؟!
آيا تغيرت ملامح وجهها ....
آيا : أيــه .... اعرفه ..
ساكورا : زواجي منه الغي ...
آيا متفاجئة : الغي ؟!
ساكورا : أيــه ... رحت امس لبريطانيا وقابلته قبل المقابلة .... بغيت اشوفه واتكلم معه ... وانا اتكلم معه كان اسلوبه معي بارد .. وكل كلامه مختصر .. سألته عن بعض الاشياء ومن ضمنها انه بيحبني .. تعرفين وش قال ؟؟
آيا متحمسه : وش قال ؟؟
تذكير ((وتمشي شوي وتوقف عند الباب على قول اكيرا ..
اكيرا : للمعلومية ...
تلتفت عليه ساكورا ويقوم ويقرب عندها .... ويقول كم كلمه بصوت منخفض باذنها .... ثم يبعد ..
اكيرا : آسف .. آسف اني اقول لك هذا الكلام ... لكــن حبيت اريح نفسي بس .. ))
ساكورا وهي تناظرها : قال [ آسف .... لكن مهما حاولتي تدخلين قلبي .. راح يشاركك المكان شخص ثاني ومستحيــل طول عمري اني اتخلى عنه .... لانه ساكن في قلبي , ودمي , وعقلي ... ] ... ذيك الساعة عرفت اني مهما سويت .. ذاك الشخص ساكن فيــه ....
آيا تناظر ساكورا بتمعن وتسمع لكلامها بكل اخلاص ...وامتلت عيونها دموع فرحه من اللي سمعته..
ساكورا لاحظت هالشيء بس هي ما تبي توضح فكملت كلامها : حاولت اختبره ... وفي المقابله كان صامت وواضح على وجهه انه مجبور ... كرهت اني انجبر على شخص ... وعرفت انه ما يقدر يرفض هالزواج ... قمت ورفضته .... ولما طلعت من المكان لحقني ... وانا اشوفه كأني اشوف شخص ثاني غير اللي كان قبل شوي .... شخص واضح على وجهه السعادة ...شكرني  و رحت وخليته وانا الحين احس بالراحه  ...
آيا خنقتها العبره و يالله طلعت هالكلمه : وانتي ؟؟
ساكورا : لا تشيلين همي ... اعتقد اني قد حكيت عن كيبا معك ... كان صديقي انا واندو في ايطاليا ....
آيا تهز راسها بالموافقه:......
ساكورا : اعترف لي .. ما رفضته لاني اعتقد ان سعادتي معه .. اما ذاك الشخص فسعادته اكيــد مع البنت اللي يحبها .. هو مكتوم واضح عليــه ... يحتاج حبيبته .. هو يثق فيــها .. فاتمنى انها هي بعد تثق فيــه ... لانه يحتاج دعمها ...
ساكورا تبعد نظرها عن آيا لان تعابير وجه آيا فضحتها الفرحه والحب واضحه على عيونها : ليتها تفهمه .... وتفهم نفسها .... وين اتجاهها ؟؟ ....
وتوقف ساكورا ... وتشوف ساعة يدها ....
ساكورا : معليــش آيا عندي موعد عشان العمل ... لازم اروح الحيــن .. اتمنى اننا نلتقي اكثر ونتعرف على بعض اكثــر ...
آيا تبتسم : ان شاء الله ...
ساكورا : يله مع السلامة .....
آيا : مع السلامة ...
وتروح ساكورا وتجلس آيا على الكرسي ..
تجلس تصيح صياح يقطع القلب......
تمر ساكورا من عند المدخل وتشوف اندو واقف ..
اندو بامتنان : شكراَ ساكورا ..
ساكورا : على أيــش تشكرني .؟؟
اندو : على كل شيء ... لانك وصّلتي الرسالة ....
ساكورا : انا من النوع اللي يحب يسوي اللي هو يبغاه .. وهاللي سويته .. سويته لاني انا ابي اسويه  ...
اندو يبتسم في وجهها ... وساكورا ترد له البسمة ..
ساكورا : راح نلتقي ..
اندو : ان شاء الله ...
ساكورا : مع السلامة ....
اندو : مع السلامة ...
وتروح ساكورا ويروح اندو لآيا ...
شافها من بعيد جالسه على الطاولة وتصيح وتمسح دموعها..
اندو : وينك يا اكيرا تشوف حالها من طاريك ..
دق اندو عليها وهو يشوفها من بعيد وفي نفسه : كان ودي اقرب واجلس معك بس حالتك ما تساعدك..
آيا لما شافت اتصاله صارت تمسح دموعها وتحاول تحسن صوتها..
ابتسم اندو لمنظرها..
آيا : الو..
اندو: هلا آيا كيفك؟؟..
آيا:  تمام..
اندو : آسف اني ما جيت على الموعد ..
آيا تتعدل في جلستها : لا عادي المواعيد تتأجل لكن العمل لا ..آآه ...على فكره وش كنت بتخبرني ؟؟
اندو يجلس على كرسي كان قريب منه لكن يقدر يشوف آيا بس آيا ما تشوفه : بس بغيت اخبرك ان ماري طاحت من على الدرج وجاها رضوض في يدها وكسر في رجلها ....
آيا متفاجئه : كيف ؟! ومتى ؟؟
اندو : امــس ... علمتك عشان تدقين عليها وتتطمنين ...
آيا : أيــه لازم اتطمن عليــها .....
اندو : بس اتمنى انك ما تدقين عليها هالوقت لاني اعتقد انها مع اهلها ...
آيا : أيــه صح .. باتصل عليها بكره ..
اندو بتفكير :اممم  آيــا .. ما ادري وش اقول بالضبط ..
آيا : وشو ؟!
اندو : خلاص ولا شيء ...
آيا : اندو ودي اتكلم معك عن موضوع يخصك انت وماري ...
اندو : موضوع يخصني انا وماري ؟؟
آيا تدخل في صلب الموضوع بسرعه : انت ما زلت تحب ذيك البنت ؟؟
اندو : ليه تسالين عنها ؟؟
آيا : لاني ... اعتقد ان ذيك البنت مختلفه عنك كثيــر .. يعنيــ..
ويقطع اندو كلامها : حبي لها انهيته ....
آيا : هاه ؟؟
اندو : كان الخطأ الاكبر هو انا ... انا بديت حب كنت اعرف ان نهايته الفشل ..
آيا : اها ....
اندو : ليــه فيه شيء ؟؟
آيا : لاني بغيتك ترتاح من حبها وتلتفت لغيرها ... لان فيــه شخص ثاني ينتظرك .. ومحتاج لك ...
اندو بابتسامة : بمعنى اصح لقيتي لي البنت اللي تناسبني ؟؟
آيا تهز راسها متحمسه : أيـــه لانها هي اظهرت نفسها واعترفت بحبها لك ....
اندو يشوفها ويشوف حركاتها ابتسم على حماسها : مين ؟؟ ...
آيا باجابة سريعه : ماري ....
اندو : ماري ... ؟
آيا : ايه ماري .. تتذكر حفلة التخرج اللي سويتها لك واصدقائي ؟؟
اندو : أيــه اتذكرها ؟؟
آيا : كنت اتكلم انا وماري مع بعض وقالت لي انها تحبك ... في البداية تفاجأت لاني ما توقعت ان ماري هي البنت اللي بتحبك .. طلبت مني اني اساعدها ... لانها بغت تكون علاقتها بك مثل علاقتي باكيرا ... وبعدها طلعت معك عشان تعرفك اكثر ... وبعدها حصل لك الحادث ونسيتها .. كان قاسي عليـها كثير ... لانك في اعتقادها حتى ما اهتميت لها ... قالت انها راح تكون دائما جنبك لين تكسب قلبك ... ماري تحاول كل يوم ... كانت تتمنى كل لحظة تتذكرها .. اندو .. ماري صريحة وبريئة .. ويمكن ما تعرف كيف توّصل لك مشاعرها ... وانا اراقبها .. عرفت انك ما راح تلقى افضل منها .... ولاني احبها وبعد احبك ... ولانكم وقفتو معي كثيـــر ... كنت ابي اساعدكم بأي شيء اقدر عليه ... اندو ... ماري تحتاج انك تلتفت لها .. قلت لي من قبل من مده طويله ان الطريق قدامك طويل .... لكن الحين الوضع يختلف .. اندو انت يمكن ما تعرف ماري مثل ما انا اعرفها  .. لكن ماري بنت رائعة بمعنى الكلمة ... اندو تذّكر كلامي ... حاول انك ...
اندو ابتسم : اعرف .. ومشاعرها وصلت لي بوضوح .. وانا حتى اعتقد ان ماري هي البنت اللي تناسبني .. .. وثاني شيء .. انا اتقبلها كثير ... لانها تشبه الشخص اللي كنت احبه .. باحاول بكل اللي اقدر اني اسعدهــــا وابادلها المشاعر ...
آيا ابتسمت بعد ما سمعت كلام اندو ...
اندو في نفسه : كنت انتظر منك هالكلام ... آيــا .. انا ما ندمت ولا راح اندم على حبي لك ... لاني ما زلت اراك الافضل ....
اندو : شكرا آيا  .....
آيا تضحك : ههههه لا شكر ولا شيء يالله انا لازم اسكر لان الوقت متأخر ولازم ارجع للسكن وانت عارف يعني انه مشوار ... وبعدين يوكي اكيــد راح تنتظرني على العشاء  ...
اندو : آسف مره ثانيه اني خليتك تجين لطوكيو وبالنهاية ترجعين بدون ما اقابلك..
آيا: بالعكس وجودي اليوم بطوكيو كان شيء رائع ...
اندو: الحمد الله .. كان ودي نتعشى سوا بما اني خلصت اشغالي..
آيا ابتسمت : انت خلصت اشغالك وانا توني بابدا اشغالي .. خيرها بغيرها ان شاء الله .. يالله اشوفك على خير ..
اندو : مع السلامه..
آيا: مع السلامة..
قامت آيا وتوجهت للبوابه بتطلع ووجها كله حيوية وسعاده .. اندو يشوفها وهي تمشي ..
اندو : شكرا ساكورا لانك ارجعتي بسمتها ...
وتروح آيا للسكن وتقعد هي ويوكي على السفرة وهم يتعشون ...
آيا : يوكي .. انا قررت اروح بعثة بريطانيا ...
يوكي : هاه ؟؟
آيا : انا ما اقدر اتحمل اكثر .. انا لازم اشوف اكيــرا ... اكيرا .. ما زال يعاني ... ما اقدر اخليه ينتظر اكثر ...
يوكي بابتسامه : قرار صائب ...
آيا تبتسم : راح اجيب الامتياز مهما كلفني .... اذا طالت المده انا ما ادري وش ينتظرنا ...
يوكي : وانا راح اساعدك باي شيء ...
آيا : شكراَ يوكي ... لانك وقفتي معي في كل شيء ....
يوكي تبتسم ويكملون عشاهم ....
ومن بكره تتصل آيا على ماري وتتطمن عليــها ...
آيا : مره ثانية امشي زين وش معجلك ؟
ماري : من الحرص على الشغل ...
آيا : يا عيني عاد كنك اذا تأخرتي شوي بتنطردين ...
ماري : والله يمكن يسويها فيني ابوي تأديب ...
آيا : هههههههه .... اليوم عندك شيء ؟
ماري : ايه اليوم بنروح لبيت عمي نحتفل بشفاء اندو ...
آيا : توكم تحتفلون ؟
ماري : ليه من متى هو متشافي ؟
آيا : آآه صح صح توه ..... اجل سلميني عليه اذا شفتيه ..
ماري : آه ما علمتك آيا ...
آيا : وشو ؟
ماري : اعتقد اني قدرت شوي اتقرب من اندو ... تصرفاته معي حسيت شوي بقربه لي ..
آيا تبتسم : ان شاء الله تمشي امورك زينه معه ... من جد اتمنى لكم التوفيق ...
ماري : تسلمين لي يا قلبي .....
آيا : اوكي اجل ما آاخرك على مناسبتك .....
ماري : اشوفك على خير يا قلبو .....
تنتهي المحادثه ....
يوكي : شلونها ؟
آيا : بخير ... صحيح ما قلت لك ..
يوكي : وشو ؟
آيا : أندو وماري ... كل واحد بدا يميل للثاني ....
يوكي : صدق ؟
آيا : وانا عشان ماري تكلمت مع اندو عشانها .... واندو شخص واعي تفهم كل كلامي ....
يوكي : فرحانه ؟
آيا : اكيد بأفرح ..... ولا تحاولين تفكرين في الماضي ... الموضوع من الاصل خطأ ... والحين تعدل ...
يوكي تبتسم : عقبالك مع اكيرا ...
آيا : عشان اكيرا ..... آيا الحين بتروح تذااااااااكر ....
يوكي : بالتوفيق ....
تمشي الايام وآيا تسهر الليالي وهي تذاكر .. تدخل للامتحان ..... تطلع وتشوف يوكي تنتظرها ...
تروح آيا وهي تركض لها : يوكي خلااااااصت
يوكي : هاه عساه زين ؟
آيا : ما ادري ... كل اللي اعرف رميته في الورقه .. لا تحاولين تسألين لاني باصيــح ...
يوكي : يا حياتي ان شاء الله تنجحين بالامتيااااز ....
آيا : ان شاء الله .... وانتي بعد ...
يوكي : لا لا ما اعتقد اني جاوبت زين .... انتي مره طولتي بعدي ...
آيا : وش اسوي اعصر مخي ....
يوكي : متى النتيجه ؟
آيا : الاسبوع الجاي وااااااه مره بعيد .....
يوكي : اجل عشان نخفف من هالتوتر اللي فيك خلينا نروح نتغدا
آيا : اوكي ... قوووو
يمر الاسبوع وآيا تنتظر النتيجه ....
يوم نتائج الامتحان :. الساعة 12 ظهراَ ...::
يدخلون آيا ويوكي للسكن ...
وتجلس آيا في الصاله..
يوكي : يااااااي يا آيا اليوم بتطلع النتيجة ...
آيا تتنافض من الخوف وهي جالسه على الكنبه : والله خايفه يا يوكي .. ما اقدر امسك رجولي من الرجفه..
يوكي تضحك وهي تدخل الغرفه : هههه والله انك تحفه ..
آيا على اعصابها : يوكي الله يخليك شوفيلي حل احس جاني هبوط في الضغط..
يوكي تطلع من غرفتها ومعها جهازها المحمول ..
آيا تغطي عيونها : ما ابي اشوفها..
يوكي رحمت آيا وفي داخلها تضحك على حركاتها: هذا انا دخلت للموقع حق النتايج..
فزت آيا من مكانها ونشبت في يوكي وهي ماسكه يدها..
يوكي : آيا ابعدي يدك عني ابي اعرف احرك الماوس زين..
يدخلون على موقع النتائج اللي تبع الجامعة ..
تدخل يوكي اسم آيا  وتحرك السهم شوي شوي لتحت ...
آيا على اعصابها : يا ربي ياربي ...يوكي انتي ليش بالبطيئ تتحركين..
يوكي: ياختي ابي اسوي اكشن ..
آيا: تغمض عيونها ما ودها تشوف النتيجة ...
يوكي : تقرا ... آيــــا .... A+ ... سويتيهااااااااااااااا ....
آيا تفتح عيونها وتشوف الشاشة ...
آيا : ما اصدق عيونييييييييييي ... يوكي ... راح اروح لبريطانيااااااااا ...
وتضم آيا يوكي وهي طايره من الفرحة ...ويجلسون يطامرون من الفرحه..
آيا : يااااااااااااااااااااااااااه ما اصدق ... A+ ... A+ .... واااااااااااااااااااااو ...... الحمد للــــه ...
يوكي : مبروك يا آيا والله اني فرحانه مره لك ... ما تصدقين شلون انا فرحانه ...
آيا : يا حبي لك يا يوكي .... طيب خلينا نشوف علامتك ؟؟
يوكي : ما يحتاج ... المهم خلينا نسجلك في البعثة ....
آيا : نقدر من موقع الجامعة ؟؟
يوكي : أيــه سألت امس بعض البنات و علموني ان التسجيل من نفس الموقع ...
آيا: اجل تعالي خلينا نسجل..
وتفتح يوكي بعض الصفحات وتدخل على تسجيل البيانات ..
يوكي : شوفي هنا اكتبي اسمك والرقم الجامعي والمرحلة والدولة تختارينها من الدول الموجوده تحت حطي عليها اشارة صح ...
آيا : حااااااااااااضر ...
يوكي : بافتح على اللابتوب واشوف علامتي ..
آيا : طيب ....
وتسجل آيا بياناتها وتختار بريطانيا ...
آيا : يوكي .. متى يعطوني خبر ؟؟
يوكي : ادخلي على الاستفسارات واكيد كاتبين كل شيء ...
آيا : اوكي ...
وتفتح آيا على الاستفسارات وتقراها كلها ....
آيا : يوكي يقولون انهم مو قابلين كل الطلاب ....
يوكي : صدقيني بيقبلونك ... انتي دائما تاخذين العلامة الكاملة والاختبار هذا بعد يحكم واخذتي فيه A+ وش يبون اكثر من كذا ...
آيا : لكن خايفة شوي ..
يوكي : متى بيطلعون نتائج القبول ؟؟
آيا : كاتبين في آخر هذا الشهر ... يعني بقي 23 يوم ...
يوكي : خلاص يا آيا لا تشيلين هم .. انا اضمن لك القبول ...
آيا تبتسم : تريحيني بكلامك يا يوكي ...
يوكي : اجل انفع اصير طبيبة علم نفس .....
آيا : هههههههه .... ما تقدرين ..
يوكي : يا الله على هالاحباط ...... جاملي على الاقل ...
آيا : هههههههه ما لقيتي الا انا اجامل ....
يوكي : ههههههههههه اعرفك ... ومشكلتك الصراحة الزايدة ...
تفتح يوكي صفحة نتائج الامتحان وتشوف علامتها ...
يوكي : ما توقعت ؟!
آيا : وش صارت علامتك ؟؟
يوكي : B ....
آيا : لــيه ؟؟ المشكلة اني انا وياك مذاكرين سوا ...
يوكي : يالله معليش وسعي صدرك .. انا ما احتاج الـA ....
وتسكر يوكي الابتوب وتلتفت على آيا ....
يوكي : بتروحين اليوم لاهلك ؟؟
آيا : أيــه لاني قلت لهم اني لما آخذ النتيجة باجيهم وبعد بقولهم عن البعثة ...
يوكي : اوكي .... اسمعي انا اليوم عازمتك على العشاء ...
آيا : على العشاء ؟!
يوكي : أيــه بمناسبة اليوم ...
وتقوم يوكي وتوقف ..
يوكي : انا بروح الحين وراح اعطيك خبر على الجوال ... اوكي ؟؟
آيا : اوكي ....
وتروح يوكي وهي تركض لغرفتها ...
آيا : يله لازم البس واروح ....
تروح آيا وتلبس وتتزين وتروح تركب سيارتها متجهه لبيت اهلها .....