(( الفصل الثالث عشر – الجزء 2 ))

ليس لدّي إي احساس ... (( الفصل الثالث عشر – الجزء 2 ))

الساعة 2 الظهر:.
دخلت آيا لبيت اهلها وشافتهم قاعدين على السفرة ..
آيا تشم ريحة الاكل: واااااااااو تتغدون ..
جولي تلتفت للباب وتشوف اختها توقف وتروح لها: آيا~ جيتي ..
ايا تحط شنطتها على الارض وتضمها : لا ما جيت بس هذا ظلي ....
جولي وهي تضحك: ههههههه حلوة والله وحشتيني .
آيا : انتي اكثر بس وخري عني ابي ابوس ماما..
تبعد جولي عنها وتتوجه آيا لامها..
تقوم الام : هلا حبيبتي ..كيفك؟؟
آيا تبوس امها على خدها : بخير يا ست الكل ..
الاب بغيره : وانا مالي سلام..
آيا ضحكت وتوجهت لابوها : ههه الا انت تاج راسي وكل اهلي..
الام يالله حطي جاكيتك وغسلي يدينك وتعالي تغدي تونا حاطين الغداء...
آيا : ايه والله ميته جوع ...
الاب : اجل عجلي..
تروح آيا تحط جاكيتها على الكنبه وتروح تغسل يدينها وتجلس تتغدا معهم ....
الام : متى بتطلع نتيجتك ؟
آيا بسعاده : اليوم طلعت نتيجي ..... يالله توقعو نتيجي في الامتحان ؟
جولي تفكر : يمكن B ....
آيا ناظرتها بطرف عين : لهالدرجه مستقلّة جهودي..
الام : لا انا اعرف بنتي ... اكيد A
الابو : صادقه امك يا آيا اكيد A ...
آيا بثقة مع ابتسامة انتصار : انا قد ثقتكم وما خيبت املك انا جبت A وزيدوا عليها بلس ....
الكل : A+ ؟؟
آيا تهز راسها و مو قادره تسكر فمها من الفرحه : يس .....
الام : وااااو روعة يا آيا ...
الابو : اكيد بتاخذ هالنتيجة بما اني ابوها ..... بتطلع على مين غيري ...
الام : انا اتذكرك انا كنت اشطر منك .... بنتي طالعة علي ... مو عليــك ...
جولي تصفق: برافو يا آيا يا اختي الحبيبة ..
آيا : وين اللي تو تقول B هاه كنك غيرتي رايك.. ؟
جولي : ولو يا آيا احنا بالخدمه..
آيا ماتت من الضحك: ههههههههه عاش مصّرف..
جولي ابتسمت..
الام : والله يا آيا انك تستحقين اكبر هدية..
الاب مؤيد: أي والله كلام امك صحيح..وش تبين يا آيا هديه وانا مستعد ..
آيا بهدوء تناظر امها وابوها بحب: انتم اكبر هدية لي بحياتي الله لا يخليني منكم..
جولي تمثل: وانا بعد بما انكم نسيتوني الله لا يخليني منكم وابي هدية..
الام: على ايش اقول اسكتي اصرف لك..
جولي تسوي نفسها زعلانه: ليش التحطيم مو انا بنتكم..
آيا ضربتها على كتفها: يا بنت اصحي تراك مو بدراما الاخت عاشت جوها..
الكل ضحك حتى جولي .. بعد ما حست آيا انهم رجعو ياكلون تكلمت:
آيا : وفيــه شيء ثاني ...
الام : وشو ؟؟
آيا : قدمت على بعثة ..
الابو : بعثة ؟!
آيا : أيــه بعثة لبريطانيا ....
جولي : بريطانيا ؟؟
آيا : أيــه .. القبول بيعلنونه في آخر هالشهر ..
الابو : تبين تروحين له ؟؟
آيا تبتسم : أيــه ... لاني حسيت ان المده طولت ...
وبعد شوي يخلصون من الغداء تقوم آيا وتغسل الصحون وجولي تمسحها ..
آيا وهي تغسل تتكلم مع جولي ...
آيا : ايه صح ... ما قلتي لي كيف كانت مقابلتك مع لينت ذيك المره ..
جولي : ما علمتك ؟؟
آيا : لا ....
جولي : رجعنا لبعض .....
آيا : واو حلو بس كيف ؟
جولي : تكلمنا مع بعض كثير اقنعني بكلامه وصار يتصل بي ونطلع في الاجازات سوا .. وكل ما حصلت لنا الفرصة ...
آيا : والثاني ؟؟
جولي : هو يعرف من قبل أني كنت احب لينت ... فيوم قلت له اني انا ولينت تصالحنا .. فرح لي وقال انه يتمنى لي التوفيق مع لينت ... استغربت كلامه ... لكنه الحين اعتبره افضل صديق ...
آيا : يعني انتهت مشكلتك ؟؟
جولي : أيــه ... و ترا لينت يشكرك ...
آيا : يشكرني ؟؟
جولي : بعد ما قلت له عن كلامك في الحب الاول .. ابتسم وقال [ اختك بنت رائعة ..... لانها تعرف كيف تقنعك وتعرف شعورك .... قولي لها .. لينت يشكرك ] ...
آيا تبتسم وهي تسكر الحنفية : اليوم بروح اتعشى مع صديقتي .... تجين معي ؟
جولي: لا انا الحين بروح للملاهي ....
آيا بتعجب : ليش ما تروحون بكره !!
جولي ابتسمت : لا اليوم احسن ..
آيا تناظرها بضحكه جابية : انتي ولينت ؟؟
جولي تهز راسها : أيــه ..
آيا : اوكي براحتك ....
جولي : يالله انا بروح البس ....
آيا: وانا بعد بآخذ اغراضي والحقك ..
تروح جولي وتصعد لغرفتها وتروح آيا وتاخذ شنطتها وجاكيتها وتصعد لغرفتها..
دخلت غرفتها وحطت شنطتها على المكتب و جاكيتها على الكرسي و انسدحت على السرير ..
آيا : يااااااااه .... احس بالاسترخاء ..
يرن جوالها رنة رسالة ...
تقوم وتمسك الجوال وتفتح الرسالة ...
آيا تقراها : [ اليوم في المطعم الايطالي حق فندق بلازا .. الساعة 10 .... يوكي ^_^ ] .... يا الله عليها ليــه تختار مكان غالي ..
آيا تجهز المنبه و تسكر الجوال وتحطه على الطاوله اللي جنبها وترجع تنسدح : بآخذ لي غفوة الى الساعه 7 وبعدها اقوم اخذلي شور واتجهز وعلى الساعه تسع اوصل هناك..
ويمشي الوقت وعلى الساعة 7  رن المنبه صحت آيا من نومتها وسوت مثل ما قالت اخذت شور ولبست وتكشخت وعلى الساعه 9 تجهزت طلعت متجهه للمطعم .. دخلت وسألت عن حجز باسم يوكي ... خبروها الاستقبال عن مكان الحجز توجهت للغرفة ولما فتحتها تفاجأت ..
يونا و راي و يوكي و ماري و اندو وتوما وسوما و مورا : مبروووووووووووووووووووووووك ....!!
آيا مبسوطه ومرعوبه  : ما اصدق .....
يوكي : وهذي المفاجئة ...
يونا تقوم وتضم آيا ...
يونا : اخيرا بتروحين لاكيرا .....
آيا : يوكي .. ؟!
يوكي : علمتهم كل شيء .... عشان يباركون لك ...
آيا : لما نرجع للبيت باقتلك ....
الكل : هههههههههه ...
تروح آيا وتجلس بين البنات ....
راي تضرب آيا على كتفها : والله وسويتيها وبتروحين لبريطانيا يا خطيره ....
آيا بثقة : شفتي اعجبك ...
راي باستعطاف : قولي لهم ان فيه بنت تجنن بتروح مرافقه لك عشان ما تحسين بالغربة وخذيني ....
آيا : هههههه ... خليهم الحين يقبلوني بعدين افكر آخذ معي ونيس ...
وتلتفت آيا على ماري ....
آيا : كيف حالك الحين يا ماري ....
ماري متضايقة شوي : تمام وقدرت احرك يديني بسمتضايقة من رجلي و قالو بيفكونها بعد 10 ايام .....
آيا : الحمد لله ..
يونا بحزن : بس والله بريطانيا بعيده وماراح نشوفك مثل الحين ...
آيا : كلها سنتين ...
يونا : وتحسبينها شويه ...
آيا : لا تنسين انك رايحة لاوساكا 3 سنين ....
يونا : لكن كنت اجي في الاجازات الطويله مو مثلك بتمدينها ...
آيا : اجل جتني فكره .. قبل ما اروح خلينا نسوي كل اللي نبيه .....
راي بتعجب : كل اللي نبيه ؟
آيا : امممم بكره عندي وعندكم اجازة .... وش رايكم نروح للملاهي ...
يونا مؤيدة : صادقه انا من زمان ما رحت للملاهي ..
ماري تحط يدينهها على خصرها  : لا والله يا الغشاشين بتلعبون وانا بس اتفرج عليكم .... خلو طلعتنا بعد 10 ايام ...
آيا بابتسامة : اصلاً هذا اللي نبيه ما نبيك تلعبين ...
ماري مدت بوزها : لا والله ...خلاص زعلت ..
راي ويونا : هههههههه ....
آيا : ايش رايكم ننادي مايا ... ايه صح ليه ما جت مع مورا ...
يونا : قال انها عندها شغل وتتأسف ...
آيا : خسارتها ...
جابت يوكي لآيا عصير ومدته لها: تفضلي يا حلوتنا..
آيا تمسها مع يدها : تعالي هنا ...انتي كيف قدرتي تحصلين على صديقاتي..
يوكي تناظرها بطرف عين : نسيتي اننا اجتمعنا في حفلة التخرج .. وتبادلنا الارقام ..
آيا تفك يدها عن يوكي : يمامي منك يالشريره ..و ما قلتي لي عن هالشيء ابداَ ....
يوكي ضحك: هههههه لو قلتلك ما راح تصير مفاجأه..
ابتسمت آيا واخذت منها العصير : تسلمين ..
جا توما لآيا : آيــا وش رايك بكره نروح للتزلج ...
آيا : والله فكره حلوه ....
ماري : وانتم ما تعرفون تختارون هالاماكن الا يوم صرت ما اقدر العب في الملاهي ولا اقدر اتزلج .....
آيا : ههههه ... خلينا نخليها الاسبوع الجاي لاني انا والبنات اتفقنا اننا بكره نروح للملاهي ..
توما : الملاهي ؟؟
اندو : يوووووووه ما زلتو تحبون الملاهي ...
آيا : ليه انت ما تحبها ؟؟
اندو : حقت الصغار .... تبينا احنا نركبها ؟؟
آيا : يا الله عليك يالشايب .. اللي يشوفك يقول عمره 53....
اندو : لا عاد ما يوصل لهالحد ...
والكل : ههههههه ..
توما : خلاص من اليوم ورايح بنسميه جدو اندو ....
اندو : على كيفك تسميني انت ....
الكل ضحك على كلامهم و رجعو يكملون سواليفهم ..
ينتهي اليوم على كذا ومن بكره يروحون للملاهي ....
اجتمعو في الملاهي الساعة 11 الصبح ..
آيا : وين مورا ؟؟ ليه ما جاء ؟
سوما : قال انه ما يقدر وعمله كل يوم يعني ما عنده اجازة ...
آيا : خسارته .. بس يالله .. مره ثانيه ان شاء الله ...
وافترقو كل اثنين مع بعض الا آيا صارت مع يوكي ...
والكل يلعب الا اندو وماري جالسين يشربون عصير ويتفرجون على اللي يلعبون ويعلقون على اصدقائهم ....
تجي آيا وتجلس معهم على الطاوله ..
آيا : واه واه ... احسني باموت من التعب تكفون مويه ... لعبت وصارخت لين قلت بس ...
ماري : يا اختي ما حدك الله ...
آيا : وش اسوي توني ادري ان يوكي متهوره لعبنا قطار الموت ثلاث مرات ورا بعض ..
ماري : حطمتو الرقم القياسي في اللعب ..
آيا : طيب انتو ما لعبتو شيء ؟؟
ماري : لا بس تمشينا ولعبنا لعبة الحظ .... و خسرنا بعد...
آيا : وانت يا اندو ما ودك تلعب ...
اندو : قلت لكم امس ما تهمني الملاهي ....
آيا : ما علي منك تهمك ولا لا ... قم قم..
وتوقف آيا وتمسك يده وتقومه ..
اندو : خير ..
آيا : تعال بتلعب معي الشواية ...
اندو : لا لا ما ابي ...
آيا : ما شاورتك ...
وتسحب اندو بقوه ... وتروح هي وياه للشواية ...
اندو : آيا يرحم والديك ... خليني ارجع ...
آيا : ما علي منك ..
ويركبون وتجي ماري توقف قدام اللعبة عشان تتفرج .....
وتشتغل اللعبة وآيا كانت جالسه جنب اندو ....
اندو : لا لا لا ...
ويغمض عيونه ...
آيا : يا خوّاف عشان كذا انت تقول انك ما تهتم في الملاهي ....
ولما تحركت اللعبة ....
آيا تصارخ من الوناسه واندو ماسك اعصابه ومغمض عيونه ....
لما وقفت اللعبة تروح آيا لماري وهي تضحك ...
آيا : ههههههه ماري شفتي اندو الخواااف ..... والله شكله نكته ..
ماري : اجل عرفنا ليــه ما يحب الملاهي ...
اندو : مو اني اخاف ... انا بس ما احب العاب هالنوع ...
آيا : اجل وش الانواع اللي تحبها ....
اندو : يعني .... مثلـ....
ويتلفت يمين يسار ....
آيا : كل هالملاهي ما يعجبك فيها شيء ....  ؟؟
اندو : انا احب التزلج .. تسلق الجبال ... مو هالتفاهات ...
آيا : آآآهـــــا ..... يله نشوفك الاسبوع الجاي ...
ويتجمعون باقي الشلة ...
توما : كم الساعه ؟
آيا تشوف ساعتها : 2 الظهر ...
سوما : يا ناس جعنا ... خلينا نروح نتغدا ..
يونا : انا خلاص ما فيني طاااقه اكثر ...
اندو : اوكي يالله خلينا نروح لاي مطعم ....
توما : ابي بحري ....
راي : خلاص ملينا من البحري لا نبي لحوم ..
اندو : وش رايكم في الايطالي ؟
ماري : صح حلو ... واكيد اندو يعرف احلى الاكلات الايطاليه بما انه كان في ايطاليا .....
آيا : اجل حلووو ويصير الحساب بعد عليه
اندو : خير خير .... انا صح اقترحت لكن ما عزمتكم على حسابي ...
توما : اندو بخيــــــل ...... اجل خلاص بنسميه جدو اندو البخيــل
والكل : هههههههه
آيا : لالا زد بعد جدو اندو البخيل الخواااااااف ......
والكل : هههههههههههه
اندو : خيــر انتي وياه ..... ترا بجد عطيتكم وجه ....
يوكي تضرب آيا بيدها يعني اسكتي  : يالله خلينا نروح يالله نلقى لنا مطعم قريب ....
سوما : اعرف كل المطاعم القريبه ...
يونا : اجل يالله ...
ويروحون للمطعم وبعد ما تغدو افترقوا ... وفي الاسبوع اللي بعده يروحون للتزلج ...
آيا جالسه جنب ماري ....
آيا : فكيتي رجلك ...؟؟
ماري : أيــه قلت للدكتور اني ابي اتزلج وقال حاولي تحركينها كثير عشان تتمرن ويمكن افكها قبل .. وفكيتها امس ومشيت عليها والحين باتزلج ...
آيا : متهورة ...
اندو يوقف عندهم ..
اندو : يالله فيه احد يتحداني ..؟؟
آيا توقف : انا اتحداك ....
توما : وش رايكم نسوي زي ذيك المره يوم نسوي سباق ؟
راي : أيــه احلى يكون في تحدي اكثر ...
توما : يالله انا واندو وآيا ..
ماري : وانا معكم ...
سوما : اوكي باكون الحكم ...
ويصفون جنب بعض بس بينهم مسافة بسيطه .... مصفوفين من اليسار ماري ثم آيا ثم اندو ثم توما ...
سوما : مستعدين ؟؟
الكل : مستعديـــــن !
سوما : 3 2 1 انطلاق ....
ويبدون السباق .....
آيا : انا الغالبة ...
اندو : ولا حتى تحلمي فيها ...
آيا : ماري انا طبيبه ...
ماري باستهزاء : الحمد لله انك علمتيني توني ادري ...
اندو : هههههه ليه وش معنى كلمتك يا آيا ........
آيا : رجلها امس مفكوكه ... مو زين لها ....
توما : تبي تخسرها بس هذي الغاية ...
آيا : الحمد لله تراني مو نذله مثلكم ........
اندو : يالله اجل اشوفك يا الخاسره تحت ...
ويسبقهم اندو .....
آيا : مستحيل اخليك تاخذ المركز الاول ....
وتسرع آيا في تزلجها .. يبعد اندو عنها ويهب هوا كثيف ....
آيا في نفسها : هذا المنظر ..... شبيــه لذاك اليوم .. والحين كأن اللي سابقني اكيرا ... في ذاك اليوم ولا واحد فاز ... لكن المره .. راح اكمل اللي بديناه ذيك المره وراح اعتبر اندو هو اكيرا الحين ... وانتصر عليـــــه .....
آيا : انتظرني لاني باكون انا الفايزة ...
وتسرع آيا ورا اندو وتقرب منه واندو يحاول يسبقها اكثر .... وبدو كذا كل واحد يسبق الثاني ... ويوم بدو يوصلون للاخير آيا تحمست بزياده ولفت رجلها انتبه اندو وانعكس عليها وطاحت عليه ووصلو بطيحتهم للاخير .... آيا تبعد عن اندو ....
آيا : آآآآآآآآآآآآآآآآآآآآآآآآآآآآآه ....... ليـــــه نفس القصة تنعاااااااااااااد ...
اندو : مره ثانيه لا تتحمسين بزياده .... يوم بيدنا نوصل طحتي ...
يونا : نفس ما صار ذيك المره يوم تطيحين على اكيرا ..
اندو : تطيح على اكيرا ؟؟
يونا : أيــه مره سوينا نفس هالتحدي وآيا طاحت على اكيرا ... ولا صار فيه فائزين ..
اندو : يعني مخططه تسوي هالشيء ؟؟
آيا : لااااااا .... ما تشوفني الحين منقهره ...
ثم يوصل توما ومن بعده ماري ..
توما : من اللي فاز ؟؟
آيا واندو في نفس الوقت : انا ....
توما : الله من الكذب ..
يونا : محد ....
توما : كيف ؟؟ يعني انا الفايز ....
آيا واندو ينزلون راسهم من الاحباط ....
ماري : يالله انا جوعانه خلينا نروح ونتغدا ... قضت طاقتي ....
آيا : عادي نشبكك في الشاحن وتنشحنين ..
ماري : أخر عمري صرت موبايل ؟
اندو : لا لا بس شوي بنزين وتمتلي طاقه ...
ماري : خيــر صرت سياره ؟
والكل : هههههههههههههه
يوكي : يالله كل شيء جاهز ... خلينا نروح نتغدا .....
ويروحون يتغدون ..
راي : هاه وين بنروح الاسبوع الجاي ؟؟
آيا : الظاهر عجبك الوضع ....
راي : وليــه ما يعجبني وناسه ..
توما : انتي اصلاً كل شيء بيعجبك ..
راي : أيــه خلاص .... لا تجي معنا كانك ما استانست ...
توما : انا ما قلت اني ما استانست ...
راي : آيا لا يهمك .. شوفي انا ودي نروح صالون ونسوي تسرحات ومناكير ومكياج ...
آيا : وش المناسبه ؟؟
راي : ما عندي مناسبه ... بس كذا ....
آيا : والله فكره مش بطّاله ... انا من زمان عن هبال الثانوي ..
راي : حتى انا اشتقت لحركاتك ...
توما : الله يكملكم بعقولكم ...
ماري : اعرف لكم صالون خطيـر تطلعين منه كأنك ممثله ...
يونا : طيب اسمعو تعرفون الحديقه العامه اللي وسط المدينه ...
آيا : أيـــــه ....
يونا : بيحطون فيها مهرجان الالعاب الناريه الخاص بالحديقه .. يوم الاحد الجاي .. وش رايكم نروح له ...
آيا : حلو ..... وش رايكم ؟؟
يوكي : معليش انا ما راح اجي ... عندي بعض الاشياء لازم اسويها ...
توما : وش رايك يا راي ؟؟
راي : ايه باروح ...
ماري : وانا بعد .... وش رايك اندو ؟؟
اندو : موافق ...
يونا : حلو .. خلاص نلتقي هناك الساعة 1 الظهر ..... بعد عشان يقدر مورا يجي هو ومايا ....
آيا : صادقه والله ودنا نشوفهم ...
ويقضون اليوم كامل ثم كل واحد يرجع لبيته ....
وفي الاسبوع الجاي زي ما قالو اجتمعو الساعة 1 الظهر وجاء مورا ومايا .. قضو اليوم كامل في المهرجان و استمتعو بوقتهم ....
آيا جالسه على كرسي وجالسه معها يونا ..
أيا بابتسامة : يونا .. احس اني ودي ان الساعة تكون سنه .... احسني من زمان عن هالطلعات الجماعية .. وبعد احس بوناسه وفرح ما تتصورينها ...
يونا تهز راسها : وانا حتى كنت من زمان ابي نكون كذا مجتمعين ومستمتعين بوقتنا كله ...
آيا مسكت رجولها بيدينها وضمتها لصدرها  : الاسبوع الجاي بتطلع نتائج القبول ... يمكن يكونون قبلوني ويمكن لا ... اذا قبلوني باقدر اقابل اكــيرا ... واذا ما قبلوني وش اسوي ؟؟
يونا توقف وتروح تضم راس آيا : آيا لا تفكرين كثير بالموضوع ...
آيا : يونا انا حتى لو ما قبلوني باحاول اسوي اية شيء بس اروح لبريطانيا ...
يونا تمسح على شعر آيا : آيا حبيبتي انا أاكد لك انهم بيقبلونك .. عشان كذا لا تفكرين الا بعد ما تطلع النتيجة ....
ماري تنادي من بعيد : يونا يالله بنروح نتعشى ونادي آيا معك ...
يونا : يالله يالله جينا ...
آيا تتحرك وتمشي قدام يونا بضيق..
يونا في نفسها: الله يكتب لك هالبعثه يا آيا ..
وتلحقها..
وينهي اليوم على كذا ... ومن بعد اسبوع ...
آيا تدخل للسكن من بعد ما رجعت من الجامعه وهي تركض وتجي يوكي وراها ...
آيا : يا ربي والله خايفه ...
ويفتحون الكمبيوتر ويدخلون على موقع الجامعة ويدخلون على صفحة المقبولين للبعثة ...
يوكي : يله اكتبي اسمك ورقمك الجامعي ...
آيا : يا ربيـــه والله خايفه ... يوكي انتي اكتبيه عني تكفين ...
يوكي : يا الله منك ....
وتبعد آيا وتقعد يوكي بدالها وتكتب الاسم والرقم الجامعي ... آيا مغمضه عيونها وحاطه يدينها على وجهها ...
يوكي : تقرا [آيا باكورا السنة الخامسه تم قبولها في الجامعة البريطانيه للطب وجراحة القلبـ...... ] آيـــــا قبلوووووووووووك ....
آيا تفتح عيونها ..
يوكي تلتفت على آيا ....
يوكي : اخيرا يا آيا ........ مبرووووووووك لثاني مره ...
آيا : يا الله الحمد للـــــه ....
ويضمون بعض وبكل فرح ... تبعد يوكي عن آيا ....
يوكي : يالله باقرا الباقي [ وسيكون موعد الذهاب في تاريخ ***** لاي استفسارات حول البعثة يرجى زياره موضوع استفسارات المبتعثين .. ] آيا بتكون سفرتك بعد شهرين الا ثلاث ايام .....
آيا : غريبه .. اول مره اشوف بعثه سريعة زي هالبعثة .. مره الموعد قريب ...
يوكي : وحتى انا ..... بس ترا كل دوله لها فتره ... يعني سمعت امس بعض البنات يقولون انهم قدمو على استراليا وقالو بعد سبع شهور بعثتهم تكون ..
آيا : اف سبع شهور ؟؟
يوكي : احمدي ربك انتي كلها شهر و27 يوم وانتي فذاك ....
آيا توقف وتطامر وهي تقول : الحمد لله ....
توقف يوكي وتمسك في يدينها ويطامرون مع بعض من الفرحه بعدها يحولون تحت ...
آيا : بس وش يلزمني وش آخذ معي ... تدرين اني ما اعرف أي شيء ...
يوكي : ادخلي على صفحة الاستفسارات وهم يعلمونك كل شيء ...
آيا : صادقه ..
يوكي : بتروحين بعد هالاسبوع ؟؟
آيا : لا عندي بعض الاشياء ما يمديني اسويها .. عشان كذا بس باتصل على امي وابشرها ....
وبعد مرور الوقت الساعة 5 العصر :.
يرن جوال آيا .. وتروح آيا تمسك الجوال وتشوف ان المتصل ساكورا ...
آيا : يوه ساكورا والله من زمان عنها ...
ترفع السماعة : الوه ...
ساكورا : الوه آيا السلام ....
آيا : هلا بك ...
ساكورا : كيفك ؟؟ عساك طيبه ؟؟
آيا : الحمد لله كيفك انتي ؟؟
ساكورا : انا تماااااام .... قال لك اندو ؟؟
آيا : وش يقولي .. ؟؟
ساكورا : ما قال لك ؟!!
آيا : وش يقول ؟؟
ساكورا : طيب طيب .. باسكر مع السلامه ...
آيا : لحظة ... لحظة !!! ...
وتسكر ساكورا الجوال ..
آيا : آآآه وش فيها فجأه ؟؟
وتدق آيا على اندو .. ويصير مشغول ...
آيا : شكل ساكورا تكلمه الحين .. باكلمه بعد شوي ...
وبعد شوي يرن جوالها .. وتشوف المتصل اندو ..
آيا : الوه ؟
اندو : السلام يا آيا ....
آيا : وعليكم السلام ..
اندو : انتي اليوم بتجين لطوكيو ..؟؟
آيا : لا ..
اندو : هاه ؟!
آيا : فيه شيء ؟
اندو : لاني ودي اعطيك شيء ... اممم طيب متى بتجين ؟؟
آيا : ما ادري متى ما قالو لي الجامعة اتوقف باروح لاهلي ...
اندو : ليــه تتوقفين ؟؟
آيا : أيــه صح ما علمتك ... قبلوني في الجامعة الطبيه في بريطانيا ..
اندو مندهش : واللـــه ؟!
آيا بفرح : أيــه ورحلتي بتكون بعد شهر و27 يوم ...
اندو : نعم ؟!
آيا : وش فيك ؟؟
اندو : هذي اسرع بعثة في الكون .... انتي متأكده ؟؟
آيا : أيـــه كاتبينه بكل وضوح ...
اندو فرحان لها : واخيرا يا آيا ..
آيا : واخيرا ..
اندو : اذا كانو مستعجلين كذا معناه انهم يبونكم تبدون تدرسون اول ما توصلون ...
آيا : ما ادري ..
اندو : روحي واستفسري من كل شيء ...
آيا : أيــه اصلا انا ناويه ادخل اليوم على صفحة الاستفسارات في موقع الجامعه واقرا كل شيء ..
اندو : كويس ... مسهلين عليكم زين ....
آيا : الا صح وش بتعطيني ..؟
اندو : دعوة ..
آيا : دعوة ايش ؟!
اندو : زواج ساكورا .....
آيا متفاجأه : نعم ؟!!
اندو : ساكورا وكيبا بيتزوجون بعد اسبوعين ...
آيا : وش هالسرعة ؟؟
اندو : لانهم بيروحون لامريكا بعد زواجهم بثلاث ايام .... عشان كذا استعجلو ...
آيا بفرحه : الله يوفقها ...
اندو : وعطتني بطاقات الدعوة لك وماري وانا .... ولزّمت انكم تحضرون .. اليوم باروح لماري واعطيها بطاقتها وانتي متى ما جيتي لطوكيو علميني عشان اعطيكياها ...
آيا : لا خلها معك ... اصلا انا بروح معك ... لاني ما اعرف هناك احد ومستحيل اروح لوحدي ... لما تروحون انت وماري خذوني معكم ...
اندو بضحك : من الحين تقولين هالكلام ...
آيا : أيــه ..
اندو : اوكي هذا كل اللي عندي .... اشوفك على خير .. مع السلامة ....
آيا : مع السلامة ...
وتسكر آيا السماعة وتدق على ساكورا ...
آيا : الوه السلام ساكورا ...
ساكورا : هلا ...
آيا مبسوطه : مبروووووووووووووووووووووووووك يا حبي ..... والله فرحت لك ....
ساكورا : الله يبارك فيك ... وعقبالك ...
آيا : احس انكم اسرع عرسان في الكون ....
ساكورا : امس اكلم كيبا واقول له ... صايرين قلبه بقلبه ... شغلنا طيران .... المهم بتجين ؟؟<< عليك حكي مدري وشلون افسره قلبه بقلبه>_<
آيا بحماس : اكيـــد بدون ما تسألين....
ساكورا : تسلمين لي .... آيا انتي فاضية ؟؟
آيا : اليوم ؟
ساكورا : أيــه ..
آيا : ليه فيه شيء ؟؟
ساكورا : انا ما عندي لا اخوات وصديقاتي كلهم في ايطاليا ... وانتي عارفه ان امي متوفيه .. عشان كذا ودي لو تشاركيني الذوق في اختيار فستان الزواج اليوم المصممة الخاصه بي بتجي وتوريني بعض الموديلات .. ولا اعرف وش اختار ... عشان كذا ودي لو تجين ..
آيا : اوكي راح اجي ...
ساكورا : واللــه ؟!!
آيا : أيــه ...
ساكورا : يا حبي لك يا آيـــا ..
آيا : بس انا ما اعرف بيتك ..؟؟
ساكورا : راح ارسل لك شخص عند السوق المركزي التجاري وهو اللي يجيبك لي ...
آيا : اوكي متى تبيني اجي ؟؟
ساكورا : متى ما بغيتي ..
آيا : اوكي بعد المغرب بقي ساعة وتغرب الشمس ...
ساكورا : اوكي ... انتظرك ...
آيا : يالله مع السلامة ....
ساكورا : مع السلامة .....
وتسكر آيا السماعة
آيا : يوكي انا رايحه لطوكيو ...
يوكي : تو تقولين انك ما راح تروحين ؟ وش السالفه ؟
آيا : بروح لساكورا ... ما اقدر ارفض طلبها .. وبعدين بجد البنت تبيني اجي ... عشان كذا بروح ...
يوكي : اجل بترجعين اليوم ؟
آيا : اكيد ...
وبعد ساعة زي ماقالت راحت آيا للسوق وراحت لساكورا في بيتها اللي كان مو بيت الا قصر .. قعدت آيا وساكورا وهي يختارون الموديلات ... لين مر اليوم كله وهم على نفس الحالة ...
وتمر الايام والحياة مشايه بكل هدوء ويجي يوم زواج ساكورا ....
آيا تكلم اندو على الجوال ...
آيا : يالله بنتأخر على الزواج انت وينك ؟؟
اندو : يالله قريب قريب من عندك ...
ويوصل لبيت اهل آيا وتنزل آيا وتركب ...
آيا : وش فيكم تأخرتو على البنت ..
اندو : لا تهاوشيني هاوشي صديقتك العزيزة لي ساعة انتظرها صارت هي العروس مو ساكورا ...
ماري : أيـــه بعد لازم اتشيك صح .... تبيني اصير اشين الحضور ...؟؟
اندو : انتي زينه من دون ما تتزينين ....
آيا : واااو حركات يا اندو طلع الكلام الصح ...
اندو باحراج : انا اقول اللي اشوفه ...
آيا : انحرج انحرج ... شوفو شوفو وجهه بدا يصير احمر .....
اندو : ترا بانزلك من السياره اذا ما وقفتي على العليقات ..
آيا : قدها ؟؟
ماري : يا الله منكم .... عيب استحو على هالحركات ....
ويكملون طريقهم ويحضرون الزواج ...
ماري : ساكورا صايره جميــــله مره .....
اندو : والله انك صادقه ..
ماري تلتفت على اندو ......
ماري : هيه ممنوع التعليق .... انا اكلم آيا ...
اندو : وانا اقول وجهة نظري ...
ماري : خلها لنفسك ...
آيا بحماس : ماري الحين بترمي الباقة خلينا نروح وناخذها ...
ماري : يالله ..
ويروحون يقربون من عند ساكورا ...
ماري : ساكورا علي علي ....
آيا : لا علي انا ..
ساكورا : ههههه راح اغمض واللي يلتقطها حظه ....
آيا : اهم شيء يكون الزواج مثل سرعة زواجكم ... 
ساكورا : ههههههههه .....
وتغمض ساكورا عيونها وترميها والكل يحاول يمسكها ويتطيح على راس اندو .. ياخذها ويمسكلها ...
ماري : ياااااااااااااااااااااااااااه ...
وتروح لاندو بسرعة ....
اندو : هذي الباقه حقت ساكورا ؟؟
ماري : أيـــه ....
آيا : تراك ما تعتبرين انك حصلتي عليها لان اللي مسكها اندو ....
اندو يمدها لآيا .... وماري تتفاجأ ...
ماري : لا والله ؟؟؟!!!!!
اندو : انا ما اعترف بهالتفاهات ....
آيا بابتسامه : بس معليش اسمح لي انا اعترف بها .. وشكرا على الباقة ....
ماري : لا والله على كيفك تعطيهياه ؟؟
اندو : انا باتزوجك من دون هالباقة واذا بغيتي هاللحظة انا مستعد ...
ماري انحرجت من كلامه ونزلت راسها وراحت ...
اندو : هههه الله يا عليها تصرفات ..
آيا : الله يا عليك انت تصريفات .....
اندو : خلاص منتي رايحة لجامعتك ؟؟
آيا : أيـــه خلاص ..
اندو : مستعده ؟
آيا : توني على الاستعداد .....
اندو : آيا تبين تقابلين اكيرا بكره ؟؟
آيا متفاجأه : هاه ؟؟!!
اندو : آيا الجامعة يمكن تكون بعيده عن لندن وما راح يسمحون لك انك تتجولين على كيفك .... وبتكون الدراسه شاغلتك كثير لانك بتكونين بين ناس اجانب .... وبما انك الحين ما عندك شيء .... تروحين للندن وتقابلين اكيرا....
آيا : لكنــ...
اندو : اعرف بتقولين عن الطيارة والتذاكر وغيرها .... بنروح بطياره خاصه ...
آيا : طياره خاصة ؟!!!
اندو : هاه وش قلتي ؟؟
آيا : ما ادري لكن لو نخليها ابعد شوي ..
اندو : لان عندي سفره لبريطانيا بكره وراح اجلس هناك يومين ... لو آخذك معي ما راح يحطون ببالهم انك بتكونين معي ... اما لو اروح بدون مناسبه عمل اخاف يشكّون .....
آيا : ما اعرف وش اقول لك ......
اندو : الرحلة بتكون 11 الصباح ... لازم تعطيني خبر بسرعة ...
آيا : اوكي .... راح يكون بيننا اتصال ....
تجي ماري وهي تركض ....
ماري بتوتر : آيا ابوي موجود في الحفل ...
اندو متفاجئ : ايش ؟!!
ماري : ابوي هنا لان ساكورا تكون بنت صديقه ...
آيا خايفه : اجل انا باروح قبلكم طيب ...
اندو : اوصلك ؟؟
آيا : لا لا باروح مع تاكسي ... لا تختفي وكون مع ماري ....عشان اذا شافكم يحسبكم جايين مع بعض لحالكم ...
اندو : اوكي ...
آيا : يالله باي واعتذرولي من ساكورا .....
ماري : اوكي ...
وتروح آيا وتطلع من الزواج .... تروح تركب مع تاكسي وترجع لبيتهم ....
تدخل آيا للبيت وتقابلها جولي ..
جولي : ليــه جايه مبكره ؟؟
آيا : لاني مليت شوي ...
جولي : فيه احد يمل من زواج .....
آيا : أيــه انا .... يالله بروح ابدل ملابسي .....
وتروح آيا وترقى فوق تحط الباقة على السرير وتغير ملابسها توقف قدام المراية .. وهي تفسخ حلقها تناظر نفسها في المراية وتقول ..
آيا : بكره .... معقوله ! .. بعد هالمده الطويـــله اشوفه .... انا احس لو بارفض باندم ..... ليت اندو مثل اكيرا يجبرني على الشيء لانه احسن .... اخاف اني ارفض الحين واقول فيني فيني اروح لبريطانيا ... لكن بعدين اندم ... يا الــــــله ....
وتلتفت وتجلس على السرير وتمسك الباقة ...
آيا : الفرصة ما تكون الا مره وحده في العمر ... هذي هي فرصتي .... كلها يومين وانا راجعه .. ما راح اتعّب نفسي في التفكير اكثر ... انا اعرف قراري ....
وتتصل على اندو ....
آيا : الوه السلام اندو ....
اندو : وعليكم السلام ..
آيا : راح اروح معك .....
اندو بابتسامه : حتى لو ما وافقتي راح اجبرك ....
آيا : صدق انك ولد عمه ونفس الطبع ...
اندو : اكيرا ؟؟
آيا : المهم كيف باروح ووش آخذ ويعني مثل كذا ...
اندو : خذي معك غيارين غيار بكره البسيه وغيار ثاني البسيه في اليوم الثاني ... وانا باجي بكره امرك الساعة 10 ونص كوني جاهزة ..
آيا : اوكي ....
اندو : وشيء ثاني ....
آيا : وشو ؟؟
اندو : لا تقولين لاهلك انك بتروحين لبريطانيا قولي انك بتروحين تنومين عند صديقتك او أي عذر ثاني ...
آيا : ليــه ؟؟
اندو : لاخذ الحيطه والحذر ...
آيا : لكن ما ابي اكذب وصعبه السفر شوي ...
اندو : هذا الشيء بيكون افضل ... لا تخافين تقدرين تقولين الصدق لما ترجعين .. يالله اشوفك بكره ...
آيا : مع السلامة ...
وتسكر آيا الخط .......
آيا تكلم نفسها : مسويتلي فيها يا آيا ... لو يجبرني .. هذا هو قال بنفسه اني لو رفضت بيجبرني ..... يا حبي لك يا اندو ...
ومن بكره تستعد آيا وتقول لاهلها مثل ما قال لها اندو ... يمر اندو عليها وتركب معه ... يروحون لمطار خاص بالعائلة ويحولون ويقابلهم توما ..
آيا : توما ؟!
اندو : يالله بسرعة ....
آيا : انت جاي تودّعنا ؟؟
توما : لا انا رايح معكم ...
آيا متفاجأه : هاه !!
اندو واقف عند باب الطيارة : ياللـــــه اخرتوني ...
توما : يالله اقولك كل شيء لما نركب ....
ويروحون ويركبون الطيارة ..
آيا : ما فيه الا احنا ؟!
اندو : ليه من تبين يكون موجود ؟؟
آيا : يعني ناس ...
اندو : هم ليه سموها طياره خاصه ... يعني انها تخصنا ...
آيا : يعني تسافرون ببلاش ؟؟؟
اندو : وهذا اللي هامك ؟؟
آيا : طيب لحظة ليه من قبل ما استخدمتوها ؟؟ يعني ما قالت لي ماري انكم تروحون بطياره خاصه... دائما تكونون مع الناس حتى يوم راح اكيرا راح مع الناس ...
اندو : احنا مو دائما نستخدمها .... احنا نستخدمها لرحلات العمل ... يعني ما نجلس في الدوله اللي نروح لها الا يوم يومين واذا كثرت 5 ايام ... وبعدين اذا حصلت لنا رحله مع الناس نروح معهم لكن اليوم وهالوقت ما فيه رحلات لبريطانيا ...
آيا : اهــــا ...
وتلتفت آيا على توما .....
آيا : آآه تذكرت .. ليه جيت معنا ؟! وكيف عرفت اننا بنروح اليوم لبريطانيا ؟؟
توما : الظاهر انك نسيتي وش اكون ؟؟
آيا : لا ما نسيت ...
توما : انا رايح عشان اقتل اكيرا ...
آيا مرتاعه : تقتله ؟؟؟!!!!
اندو : هههههههههه ... يقتله من الضرب ....
آيا بنفس الحالة : هااااااه وش الفرق ... يعني النهاية يموت ...
اندو وتوما : ههههههههه ههههه ....
توما : يا الله كل شيء تصدقينه .. انا اقصد اقتله ... يعني اوريه شغله لانه من سافر ما اتصل علي ولا مره ولا حتى على الايميل كلمني ... ما له سبب انه ما يكلمني حتى .... بروح اشوف وجهه احس اني نسيته ..
آيا : آآآه يعني مشتاق له ....
اندو : ههههه الله من الشوق ...
توما : انتي غبيه عشان كذا افهميها مثل ما تبين ...
آيا : هااااااه وش قلت ... حبيبي انا اذكى منك ومن اندو ....
اندو : ليه نا ما تكلمت ولا قلت شيء ... انا معترف انك ذكيه ما قلت غبيه ابدا ....
توما : ما بعد عرفتها هي لازم تشرك الشخص الثاني في التهزيئة ...
آيا : بنطول في الطياره ؟؟
توما : يا الله من السؤال الذكي مرررررره .....
آيا : اسكت انت ما سألتك انا سألت اندو .....
اندو : أيــه نومي وقومي وكلي واذا بغيتي بعد تروشي ياااااالله نوصل ...
آيا : افففف ما توقعت لهالدرجة ... اندو كم بيننا وبين بريطانيا من ساعة ؟؟
اندو : تسع ساعات ...
آيا تشوف ساعتها : يعني بما ان الحين عندنا الساعة 11 يصير عندهمـ...
توما : الساعة 8 الليـل ....
آيا : يعني بنوصلهم بكره ؟؟
اندو : لا ....
آيا : اجل متى ؟؟
اندو : بنقعد في الطيارة 14 ساعة ... يعني تقريبا بنوصل الساعة وحده في الليــل ...
آيا : آآآآآه .... ما توقعت ابداَ ....
توما : آيا تكفين لا تسألين اكثر ....
اندو : انا بانوم طول امس ما نمت ....
آيا : فيـــه سرير !!
اندو : أيــه تبين تشوفيه ؟؟
آيا : أيـــه ...
وتقوم آيا واندو وتروح تتمشى آيا في الطياره ومنبهره من اللي تشوفه ... تقعد على السرير ....
آيا : الحين اذا كانت هذي طياره التجّار وش تكون طيارة الملك ... ؟؟
اندو : عجبتك ؟؟
آيا : تسألني عن الاعجاب .... قل منجنه منبهره ما اصدق انها في الواقع .. ...
اندو يبتسم : فيك النوم ؟؟
آيا : لا ...
اندو : اذا حسيتي انك تبين تنومين فيه سرير ثاني ...
آيا بابتسامه : اوكي شكراَ ...
وترجع آيا لمكانها وتشوف توما فاتح اللابتوب ويكتب ...
آيا : وش تسوي ؟؟
توما : اشتغل ..
آيا : تشتغل ؟! هنا ....
توما : لازم اخلص شغلي بسرعة ولما اوصل هناك راح ارسله ...
آيا : آآه ...
توما : آيا ما تبين تنومين ؟؟
آيا : وش فيكم على هالسؤال ....؟؟ قلت لا ....
توما : طيب روحي وجربي يمكن تحسين بنعاس ...
وتروح آيا وتستلقي على السرير ... تغمض عيونهــا ....
يوقف اندو فوقها وتفتح عيونها وترتاع وتقوم بسرعة ...
آيا : ما نمت ؟؟
اندو : لا ما فيني نوم ... بس جيت اسولف معك .
آيا تبتسم : آآآه ....
اندو : مستعده ؟
آيا تغيرت ملامح وجهها : ما ادري .....
اندو : هاه كيفك وكيف استعدادك ؟؟
آيا : انا نفسي ما احس اني بروح اقابل اكيرا ... ما عندي أي احساس ... لا فرح ولا حزن ولا شوق ...
اندو : يعني انتي ما اشتقتي له ؟؟
آيا : الا ميته من الشوق ... لكن اقصد الحين كأني في حلم وراح اقوم منه وينتهي كل شيء ... ما حاولت حتى كيف باقابله ووش باقوله ... ما اعرف كيف بيصير احساسي ... هل لما اشوفه باحضنه او باصير بارده وواقفه في مكاني وكأني شايفته امس ... ما ادري انا لما اشوفه هل راح اضحك او اصرخ او ابكي .... احس اني ضايعة ... اللي الحين افكر فيــه هل صرت قويه واقدر اواجههم ... انا كنت حاطه في بالي اني بارجع لهم بالقوه بعد ما آخذ الشهادة ... لكن شلون صارت الامور كذا ما بقى الا سنه ليـه ما صبرت اكثر ...
اندو : انتي ما راح تواجهينهم .. اللي راح تواجهينه هو اكيرا نفسه ... في هذي السنه انتي واكيرا محتاجين انكم تكونون مع بعض تعاونون بعض ... بكذا راح تكونين اكثر قوه ... وراح تواجهينهم بقوتك واكيرا معك ....
آيا ابتسمت ونزلت راسها ....
آيا : نفس الشيء يصير ... ودائما انت نوري ...
اندو : هاه ؟؟
آيا : وما زلت تساعدني بدون ما اقدم لك شيء ...
اندو : انا ما احتاج انك تقدمين لي شيء مقابل اللي اسويه معك ..
آيا : ولا حتى اعرف كيف اقولك شكراَ ... احسني ابي كلمه اقوى منها في التعبير ....
اندو : اللي لازم يشكر الثاني هو انا ... انا اللي ما اعرف كيف اشكرك ...
آيا : ليــه ؟؟ انا ما سويت لك شيـ...
اندو يقطع كلامها : سويتي لي اشياء ... مو شيء واحد .... من قابلتك الى الحين وانا ...
آيا تناظره وهي تترقب كلامه ...
آيا : وانت ؟!