(( الفصل الثاني عشر – الجزء 3 ))

هل تريد تذكُّرنا ؟ (( الفصل الثاني عشر – الجزء 3 ))

البنت : اندووو ...
وتحط الباقة على الطاوله وتضمة...
البنت : خفت عليـــــــك كثير ..
آيا وماري واقفين في مكانهم من المفاجئة ....
ماري في نفسها : وش هذا اللي يحصل قدامي ؟؟
آيا : مين هالبنت ؟ كيف تعرف اندو ؟؟
اندو يحاول يبعد البنت : ساكورا بعدي عني بتخنقيني ...
في هالحظة تكلمت الثنتين آيا وماري بصدمة: تعرفها؟؟
اندو يناظرهم ببرود : اي اعرفها عندكم مانع؟؟
آيا وماري :...................!!
ساكورا مسكت يدينه باهتمام سألت : كيفك وايش اخبارك  ؟؟ يألمك شيء ؟؟
اندو يمسك يدينها ويبعدها  : انا الحمد الله بأحسن حال وطيب مافيني الا العافية ...
ساكورا بارتياح : آه .. تصدق لما خبرني كيبا انك في المستشفى على طول جيت ....
اندو ابتسم لها :  اجلسي ارتاحي .. مين خبّر كيبا عن اللي صار..
ساكورا وهي تجلس : امممممم شكلهم اهلك لانه يقول انه دق على جوالك كم مره ما رديت فخاف عليك وراح لبيتكم وهناك على ما اعتقد قالتله امك..
آيا وماري يشوفونهم وهم يتكلمون ومو مصدقين المنظر...
اندو: وليــــه ما جاء كيبا معك ؟
ساكورا ابتسمت باحراج : الصراحه انا ما صبرت قلت بروح قبله لانه مطّول بس هو قال انه راح يجي بس ما ادري متى .... المهم .. كيف صار لك الحادث ....
اندو : ما ادري ... حاولت اني اتـ....
ماري مقاطعه : جت سيارة وصدمته .. عشان كذا ما يتذكر كيف صار الحادث ..
تلتفت ساكورا ... ثم توقف ..
ساكورا : انتو من معارف اندو ؟؟
ماري : أيـــه .... انا بنت عمه ..
وتأشر على آيا ....
ماري : هذيـ...
ويقطع اندو كلام ماري : هذي صديقة ماري آيـــــــــا
آيا تنصدم من كلمة اندو .. ثم تنزل راسها ...
ماري : طيب من انتي ؟
ساكورا : انا صديقة اندو .... واسمي ساكورا ..
ينطق الباب ويدخل الدكتور ...
اندو: اهلا دكتور..
الدكتور : كيفك يا اندو.. ؟
اندو: تمام استنى لحظة الخروج ..
الدكتور يضحك : لهالدرجه تبغى ترتاح مننا..
اندو بثقه: ما ابي افتك منكم بي ابي افتك من المستشفى ..
ضحك الدكتور وقال  : ممكن يا بنات تتفضلون بالخروج برا دقايق فقط الى ان انتهي من الكشف على اندو..
طلعو البنات بناء على طلب الدكتور... و راحو يجلسون على كراسي الانتظار.....
ساكورا تكلم ماري بحماس : تصدقين توني ادري ان عند اندو بنت عم ... ما عمره حكالي عنك ..
ماري تبتسم مجامله : لاننا ما كنا نلتقي من قبل .....
آيا باستفسار : انتي كيف تعرفين اندو ؟؟
ساكورا : كنا اصدقاء في ايطاليا ...
آيا : يوم كان اندو في ايطاليا ؟؟
ساكورا : أيـــه ... لاننا كنا يابانيين انا واندو وكيبا ...
ماري : من هذا كيبا ؟؟
ساكورا : صديقنا .. انا وكيبا كنا نعرف بعض قبل ما نتعرف على اندو .... وبعد ما انتقل اندو للدراسة في نفس مدرستنا .. عرفنا انه ياباني وكان وحيد تعرفنا عليه ومن ذاك الوقت صرنا اصدقاء ..
ماري : آآه كذا ..
آيــا : علاقتك باندو ... بس صداقة ؟؟
ساكورا ابتسمت شوي ثم قالت : حب ..... حب من طرف واحد ...
ماري : حب ؟!
ساكورا : راح اقول لكم الصراحة ... انا في الفتره اللي عشتها مع اندو حبيته فيها كثيــر ... لكن ما قدرت اعترف له بحبي .. لاني حسيت ان اندو بس يعتبرني صديقة ... خفت انه يرفضوني وخفت بعد ما اعترف تتغير معاملته معي .. كتمت حبي مده طويله ... ثم قلت لنفسي انهي هذا الحب اللي ماله معنى ..
آيا : والحين ؟
ساكورا : حبي حب مراهقة .... حب بدا في الـ13 وانتهى بالـ17 .... والحين اندو مجرد صديق حبيته فتره وانتهى ذاك الحب ....
آيا : وليـــه انهيتي حبك ؟
تندهش ماري من سؤال آيا .....
ساكورا : لاني راح اتزوج ..
ماري : تتزوجين ؟؟
ساكورا : ابوي يقول انه في شاب بيتقدم لي .. هو انا اصلا محجوزة له من سنة ... يعني انتهى الموضوع بزواج من اختيار ابوي ....
آيا : يعني انتي مجبورة على هذا الزواج ؟؟
ساكورا : لا ... عادي عندي ... اصلا انا مالي رفيق ... عشان كذا اللي بيتقدم لي بأوافق عليـــه ...
ماري : تقابلينه ؟؟
ساكورا : لا ... ما عمري شفته .. اللي اعرف انه ولد صديق ابوي .. اصلا انا ما همني شيء عنه ... متى ما تمت الخطبة ذيك الساعة اتعرف عليه عن قرب ....
آيا : ومتى زواجك ؟؟
ساكورا : انا انهيت دراستي الجامعية في ايطاليا والحين رجعت عشان امور الزواج ..
آيا : طيب اشتغلتي ؟
ساكورا : انا درست المحاماة ...
ماري : روعة ..
ساكورا : هذا اللي كان يبيه ابوي .. لكن انا الحين امارس مهنتي اللي احبها .... وهي الرسم ...
آيا : انتي رسامة ؟؟
ساكورا : أيـــه ... ولي معارض في ايطاليا ... تحبون تجون لمعرضي الجديد ؟؟
آيا : يا ليت ..
ساكورا بسعاده : انا الحين اشتغل عليه لكن بعد بكره راح نفتتحه ... واااااااو لو تحضرون تكتمل فرحتي ....
آيا : انا احب المعارض كثيـــر ....
ماري : احنا ما عندنا مانع نجي ....
ساكورا : يااااي ... خلاصـ....
وينقطع كلام ساكورا برنة جوالها ....
ساكورا : لحظة .. بأكلم شوي ...
آيا : خذي راحتك ...
تقوم وتكلم بالجوال ....
آيا تكلم ماري .....
آيا : واضح عليها مره طيوبه ...
ماري : وانا بعد اشوف انها كذا .... كلامها فيه برائه ....
آيا : هههههه ... بس ودي اتعرف عليها اكثر ونصادقها ....
ماري : يا سرع ما تصادقين ..
وترجع ساكورا لهم ...
ساكورا : معليش بنات لكن عندي بعض الاشياء لازم انجزها .. ولازم اروح ... كان ودي اتعرف عليكم اكثر .. واتطمن على حالة اندو بعد ..
وتفتح شنطتها وتطلع منها بطاقة ... تمدها لآيا ...
ساكورا : هذا رقمي وفيه اسم المعرض ... راح يكون بيننا اتصال .... لازم تكونون اول الحضور .... يله ما اطول باي ....
يوقفون ماري وآيا : باااااي ....
وتروح ساكورا وهي تركض ..
ماري : والله حبيتها ...
آيا : وانا بعد ...
ترفع آيا بطاقتها ......
آيا : " كاياما ساكورا " ...
تفتح ماري عيونها .. وتتذكر ..
اقتباس من (( الفصل الحادي عشر – الجزء 3 ))
[ الابو : الى الان شكي موجود في مكانه ..
الام : وعائلة "كاياما" وش بتقول لهم ؟؟
ماري في نفسها : كاياما ؟؟؟
الابو : ما اعرف لكن باحاول اتأسف منهم ونأجل الخطبه ...
الام : لكن انت ما اخذت رأي اكيرا حتى ... اخاف ما يرضى ..
الابو : وهو على كيفه ... لا تنسين ان عائلة كاياما من اكبر مؤسسات الاستثمار ... وانا الصراحة ابي ولدي ياخذ بنت من عائله صح .. ]
.......
[ ساكورا : ابوي يقول انه في شاب بيتقدم لي .. هو انا اصلا محجوزة له من سنة ... يعني انتهى الموضوع بزواج من اختيار ابوي.. ]
.........
[ ساكورا : لا ... ما عمري شفته .. اللي اعرف انه ولد صديق ابوي .. ]
........
ماري في نفسها : مستحيل ...... مستحيل تكون ساكورا هي زوجة اكيرا المختاره ....
آيا : ماري وش فيك سارحة ؟؟
ماري تحط عيونها بعيون آيا ...
ماري بصدمه : آيـــا ... ساكورا ... ساكورا تكونـ....
ويطلع الدكتور من الغرفة ...
الدكتور : تقدرون تدخلون .... آسف على الانتظار ...
آيا : ما له داعي تعتذر .. شكرا لك ..
ويروح الدكتور وماري سرحانه ...
آيا : ماري ... كملي اللي كنتي تتكلمين عنه ....
ماري تنتبه لنفسها : هاه .... لا خلاص ما فيه شيء ..
آيا مستغربه : ماري وجهك متغير وش فيك ؟؟ تعبانه ؟؟
ماري تصرف : آيا مو عندك دراسة بعد بكره ؟؟ ليه تكلفين على نفسك وتروحين للمعرض ....
آيا ابتسمت: ابيها تفرح بقدومنا .... وبعدين انا احب المعارض ... عادي لما اطلع من الكلية راح اجي هنا وما راح اطول ... ترى المسافة اللي بين السكن وطوكيو ماهي طويله مره .... ماري لا تهتمين كثير عشاني .. انا اعرف اضبط وقتي ...
ماري تبتسم مجاملة : آآه ... صح ....
آيا بعزيمة : خلينا ندخل على اندو ونخبره الحقيقة ...
ماري توها بتمشي وقفت : أي حقيقة ؟
آيا تناظرها بتعجب : ماري ... انتي عقلك مو معك من جد ...
ماري تمشي  : لا لا انا معك ...
آيا تفتح الباب : يالله ندخل ....
ويدخلون عليه في الغرفة ...
اندو مستلقي على السرير وموجه نظره للباب..
لما شاف آيا وماري بس استغرب : وين ساكورا ؟؟
آيا : جاها اتصال وراحت بسرعة ..
اندو : اها ...
آيا تجلس على الكرسي : اندو .. تبي نعلمك وش فيك بالضبط ؟؟
اندو : ......... ؟!
آيا بجدية : اندو فيه شيء لازم تعرفه ... انت لازم تعرف انت وش فيك بالضبط ...
اندو بسبب كلام آيا حس بالخوف : ليـــــه انا فيني مرض خطير ؟؟
آيا تحرك راسها تنفي كلامه : لا ابدا .. مو مرض خطير ..
اندو يجلس : اجل وشو ؟!!!
آيا : انت عندك فقدان ذاكرة جزئي ....
اندو باندهاش : فقدان ذاكره جزئي ؟؟
آيا : أيـــه ..
اندو : هههههه ... تمزحين معي انتي ؟؟
آيا : اذا كنت اكذب عليك ... بأسألك من انا ؟؟
اندو : صديقة ماري ..
آيا بهدوء : بس ؟؟
اندو : اجل من تكونين ؟؟
آيا توقف : سؤالك لازم انت تعرف جوابه ....
آيا تكلمه معاتبة : اندو انت ليه ما قدرت تتعرف على ماري .. مو هي بنت عمك ؟؟
اندو ببرود : لانها توها راجعة انا ما كنت اعرفها ....
آيا تنرفزت وصارت تصارخ : ماري دارسة معك ثالث ثانوي والجامعة وهي من اقرب الناس لك ...
اندو : ماري توها راجعة من امريكا ....
ماري كانت موقفه عند النافذه وتسمع كلامهم بس لما حست انه مصر على جوابه ما قدرت تصبر اكثر و تكلمت بمراره : لا ... انا اصلا ما قد رحت امريكا ... انا كنت هنا ومعك ..
اندو يلتفت عليها : مو انتي قلتي هالشيء امس ؟؟
ماري تتكلم وهي تتعبر : لانـ.. نـ ..ننا كنا خايفين على مشاعرك اذا خبرناك عن فقدانك لذاكرتك ...
اندو يتكلم معها وهو مو مصدق : اجل ليه اتذكر كل شيء وانتو بس اللي ما اتذكركم ... ؟؟
ماري تمتلي عيونها دموع : وهذا اللي قاهرنا ... انت بس نسيت الاشخاص اللي قابلتهم في الست سنوات الماضية ....
اندو : اقول لا تكثرون خرافات ... لان ما فيه شيء كذا ...
آيا من قهرها تروح تمسك ملابسه من جهة الرقبه : تبي تسأل الدكتور ... اسأله .. وانت تعرفني من قبل وكنا نلتقي كثير .... انت الحين تقول انك اول مره تتعرف علي ...
تتركه وتاخذ جوالها و تفتح على صور تجمعهم هم الاثنين .. اخذت جوالها وحطته قدام عيون اندو
آيا : من هذولا ؟؟ مو انا وانت ؟!
اندو فتح عيونه : احنا التقينا ؟
آيا تبعد الجوال وتحطه في شنطتها : الحين صدقتني ؟؟
اندو بلا اهتمام : يمكن كذب انتي مركبتها ...
آيا عصبت : مو انا اللي اكذب عشان تفاهات...
ماري ضاق صدرها : اذا ما كنت مصدقها .... راح اخليك تشوف حاجة ثانية ...
وتفتح جوالها على  فيديو مصورته ماري واندو كان موجود فيه ....
ماري : اذا كنت توني راجعة من امريكا كيف صرت معك في هالفيديو ؟؟
اندو : انتم ... ليه قلتو لي هالشيء ؟؟
آيا ابتسمت ابتسامة الضعيف : لاننا بغينا انك تعرف اننا كنا دائما معك حولك...... اندو ... انت شخص غالي علينا احنا الثنتين وما بغينا نكذب عليك في أي شيء ...
اندو : انتي من تكونين ؟؟
آيا بيأس : لما ترجع لك ذاكرتك راح تعرف من انا ....... عشان كذا تكفى حاول تتذكرنا .... احنا بنكون في انتظار ......
اندو : ههههه ....... على العموم هو ماضي يعني ما راح يرجع ...... ما يهمني هالماضي ابداً .... انا الحين مرتاح ....
ماري تعظ على شفتها السفلية وتقول بصوت منخفض : انت ترتاح واحنا نحترق قهر ... هذا مو عدل ...
وتحط يدها على فمها وتطلع ....
اندو : هذي البنت .. ليـــه تتصرف كذا ...
آيا تتماسك الى آخر لحظه وقبل لا تطلع و بدون ما تلتفت : انت فكر ليــــه وراح تعرف الجواب من نفسك ....
طلعت آيا تلحق ماري ....
آيا : ماري ~..
ماري وهي تصيح : بابا كان معاه حق لما قال اني اطلع له بشخص جديد افضل من انه يكون مرتاح بنسياني ..
آيا تواسيها : مو انتي الوحيده اللي نساها حتى انا يا ماري .. صدقيني هو يقول كذا لانه ما يعرفك ....
ماري تحاول تمسح دموعها : آيا ... انا بروح قبلك ... بـــــاي ..
وتروح ماري .... ايا ضاق صدرها على حال ماري : بالرغم اني كنت احبه ... الا اني ما حزنت حزن ماري عليـــه .... ايهم افضل اني اكون كذا او اصير زيها ..... ؟! انا لازم اكلم اندو..
وترجع آيا لغرفة اندو وتشوفه سارح بتفكيره ....
آيا : بأسألك ؟
اندو يلتفت عليها ومستغرب من عودتها : نعم ....
آيا : انت تبي تذكرنا ؟
اندو يسكت وهو ما يعرف وش يقول ...
آيا : انا ادرس طب ... وافهم حالة المريض مهما كانت نوعية مرضه ... الدكتور قال ان احد الاشخاص اللي نسيهم هو سبب فقدانك لذاكرتك .... شخص مهم في حياتك ... هذا الشخص انا ما اعرفه ومحد يعرفه غيرك انت .... هذا الشخص كان شاغل تفكيرك .... ما تبي تذكر هذا الشخص ...؟؟
اندو : الا ..... بس انا ما ابي اتذكر عشان هذا الشخص اللي شاغل تفكيري ..... انا ابي اتذكر ماري ..... لاني اعتقد انها كانت شخص مهم ..
آيا متفاجئة وفي نفسها : يبي يتذكر ماري .... ماري مبروك عليك سكنتي قلب انـــدو .......
اندو : آيا ... ليه ساكته ؟؟ ..
آيا : لا ما فيه شيء .. انا اقول لك هالشيء ... ماري صدق شخص مهم ... لكن في شخص ثاني بيك تعترف باهتمامك له ...
اندو : هاه .....
آيا نزلت راسه وهي تتكلم بهدوء : اذا بغيت انك تتذكر حاول تتذكر اللي تقدر عليه ... اسأل نفسك كثير وافتح اشرطة الكاميرا .... حاول تتذكر ... لان مرضك من نفسك تداويــه ....
اندو يناظر آيا ...
اندو : هو انـــا شخص محبوب ؟!
آيا ترفع راسها وتبتسم : محبوب كثيـر ..... كثير يا اندو ....
وتلف مع الجهة الثانية ....
آيا : تذكر ... لان فيه شخص محتاج لــــك .....
وتسكت وتبلع ريقها وهي تتعبر ...
آيا : انا رايحة .... الحمد على سلامتك يا اندو ....
وتطلع وهي تعبانه نفسيتها ....
اندو بعد هالموقف : الحين عرفت ... الست سنوات اللي نسيتها ... كانت من اهم لحظات حياتي ..... ابي املكها ما ابي انساها .....
ماري تسوق السياره ....
ماري : ماري وقفي عن تفكيرك باندو ... لان فيه موضوع اهم لازم تفكرين فيـــه ....
في بريطانيا :.
اكيرا يكلم بالجوال ....
اكيرا : آه .. الزواج راح يكون في بريطانيا ..
الام : اكيرا .. !!
اكيرا : راح اتزوج " كاياما ساكورا " برغبتي ...
ومن بكره الساعة 5 العصر :.
اندو يجمع اغراضه ويحطها في شنطته .. تدخل ماري عليــــه ....
اندو : جاء الكل ؟؟
ماري : لا ما بعد بس انا جيت قبلهم ...
اندو : ما راح يجون ؟؟
ماري : اندو ... انا باطلب منك شيء ابيك تسويه ....
اندو يترك اللي في يده : قولي ...
ماري : آيا ...
اندو : وش فيها ....؟؟
ماري : لا تجيب طاريها قدام احد من اهلنا ولا أي احد ...
اندو : ليـــــه ؟؟
ماري : لان آيــا تكـــونـ...
وينفتح الباب وتدخل ام اندو .....
الام : حبيبي كيف حالك الحين ؟؟
ماري تشوفها وتنزل راسها ..
اندو : بخير ...
الام : معليش تأخرنا ....
اندو : لا ابدا ما تأخرتو ....
الابو : كيفك ماري ؟؟
ماري : تمام يا عمي ....
الابو : جايه عشان اندو ....
ماري تبتسم : أكيد ...
الابو : اندو اخذت كل شيء ...؟؟
اندو : أيــــه ...
الابو يروح وياخذ شنطة اندو ....
الام : يالله خلينا نروح ..
اندو : انتم اسبقوني وانا بأجي وراكم ..
الابو : طيب ...
ويطلعون امه وابوه ....
ماري : وانا بروح ..
اندو : لحظة ..
ماري : اللي عندي قلته ...
اندو : انتي ما قلتيلي وش السالفة ...
ماري : افضّل انك ما تعرفها .... المهم لا تجيب طاريـها مهما كان الحديث حولها ..
اندو : لكن لازم اكون اعرف عن الموضوع ما احب اكونـ....
وتمشي ماري بصمت بتطلع ....
اندو : هيــه ماري لحظة ...
وتمشي ما كأنها سمعته ... تطلع ويطلع وراها ... يمسك يدها ويوقفها ....
ماري تمتلي عيونها دموع وتصرخ قايله : اندو ... مو انت مرتاح انك ناسيها .... ما يحتاج تتذكرها وتهتم كذا لها .. مو هذا كلامك ؟؟
وتبعد يدها عنه وتروح .... يرن جوال اندو ...
اندو : الوه
الام : اندو وينك ؟؟ ليه طولت ؟؟
اندو يلتفت ويشوف ماري تدخل المصعد .....
اندو : الحين الحين جاي ..
ويسكر السماعة ويروح ينزل من مصعد ثاني ...
تطلع ماري وتمر من عند ابو اندو ...
الابو : ماري وش فيك ؟؟
ماري تلتفت عليه وتبتسم : بروح ...
الابو : منتي جاية معنا ؟؟
ماري : لا تو جتني مكالمة ولازم اروح .... اسفة عمي ...
الابو : براحتك ....
يطلع اندو ويشوف ماري وهي تكلم ابوه ... يركض عشان يلحق على ماري ...
وتقابله امه ...
الام : وش فيك ؟؟
وهو يشوف ماري تروح وتركب سيارتها .....
اندو : راحت ...
الام : هاه من اللي راح ؟؟
اندو ينتبه لامه : لا لا ولا شيء كنت اكلم نفسي ....
ويشوف مع امه كيس ...
اندو : وش فيها ؟؟
الام : الكيس ؟؟
اندو : أيــــه ...
الام : ادويتك ..... حبيبي لازم تستمر عليها ... الدكتور حرصنا عليها كثير ...
اندو يحاول يختبر امه ...
اندو : انا وش مرضي ؟؟
الام تبتسم : انت جاك حادث والحين وعيت منه ... بس
اندو : وبما اني خلاص شفيت ليه آخذ هالادوية ؟؟
الام : لانك ما بعد وصلت للشفاء التام ....
الابو ينادي : يالله...
الام : جايين ...
ويروحون ويركبون السيارة ....
تدخل ماري لبيتهم ...
الام : ماري حبيبتي ... اليوم بنروح لبيت عمك ديجير ...
ماري : متى ؟؟
الام : بعد المغرب ....
ماري : طيب ...
يدخل اندو للبيت ويتلفت ....
اندو في نفسه : صح ... البيت متغير ما كان كذا ....
الام : اندو ...
اندو : نعم .....
الام : حبيبي روح وارتاح في غرفتك .... بعد المغرب بيجون اقاربك ...
اندو : اش المناسبة ؟؟
الام تبتسم : بمناسبك خروجك من المستشفى ... جهز نفسك
اندو : طيب....
ويروح ويصعد لغرفته ويدخل ...
اندو : غرفتي ما تغيرت كثير ......
يفتح درجة ويشوف ملفاته ...
اندو يفتح ملفاته ويقرا ..
اندو : [ انت اقرب الناس .. وانت محبوبي .. وانت القريب البعيد .. ومني وفيني .. انت الأمل .. انت عمري .. انت مطلوبي .. وانت القصايد وشعري .. وفرحة سنيني .. وش فيه لاصرت احبك وانت محبوبي .. في ذمتك بعد هذا .. وش تسميني ؟] [تسمع من العالم احاديث ساعات .. أبيك تسمعني مجرد ثواني ..أبختصر وأقول لك بعض كلمات .. يامن وجوده في حياتي اماني .. ماهمني بالناس غير انت بالذات .. لك في عيوني ياعيوني مكاني ..]
[ياقلب لاتشكي همومك على الناس
ماكل شخص(ن)يعذرك في مصابك

لاتسكب الدمعه على خد حسـاس
ولا تحرق اوراق الزهر في عتابك

ولا تضيق الصدر المولع بالانفاس
ولاتقطع عروق(ن)بكت عند بابك

ياقلب والله مابقى بعيني نعـاس
يومك شكيت الحب محد(ن)درا بك

النار ماتحرق سوى رجل من داس
واللي كواه الحب يفهـم خطابـك

قبلك شرب مجنون ليله من الكاس
واليوم نفس الكاس تسقى شرابك

ياقلب اعرف معدنك معدن الماس
توفي الحبيب الروح لو هو رما بـك

ياقلب خلك بالشدايد قـوى بـاس
لا تلتفت للجرح لوهـو سطا بـك

ياقلب لا تسقي عروقك من الياس
وخل الامل والصدق دايم زهابـك

مادام طاحت فاسك اليوم بالـراس
اعذر جميع الناس واخفي عذابـك ....... ]
معقوله هذا الكلام انا كاتبه ؟؟ .. ليه ما اذكر ؟؟ وانا كاتبه لمين ؟؟ .... شيء غريب ..
ويحط ملفه على الطاوله ويجلس ...
انسدح على السرير وغمض عيونه وهو يفكر ....
يتذكر اقتباس من (( الفصل الثاني عشر – الجزء 3 ))
[ اندو : ههههه ....... على العموم هو ماضي يعني ما راح يرجع ...... ما يهمني هالماضي ابداً .... انا الحين مرتاح ....
ماري تعظ على شفتها السفلية وتقول بصوت منخفض : انت ترتاح واحنا نحترق قهر ... هذا مو عدل ...
وتحط يدها على فمها وتطلع ....
اندو : هذي البنت .. ليـــه تتصرف كذا ...
آيا تتماسك الى آخر لحظه وقبل لا تطلع و بدون ما تلتفت : انت فكر ليــــه وراح تعرف الجواب من نفسك .... ]
..........
يفتح اندو عيونه .... ويقوم من سدحته ....
اندو : لحظة .. معقوله انا كنت احب ماري ؟؟!!!
في السكن :.
يوكي : آيــا ...~
آيا : نعم ...
يوكي : يالله الغدا ..
آيا : الحين نازله ...
وتحول آيا وتجلس على السفره ...
آيا : وش مسويه لنا اليوم ؟؟
يوكي : دجاج بالكريمة .....
آيا : ياي تعرفين ذوقي ...
وتحط آيا في صحنها منه..
يوكي : ما اتصلت عليك ؟؟
آيا : مين ؟؟
يوكي : ماري ...
آيا : ليــه تتصل ؟؟
يوكي : اليوم .. مو هذا اليوم اللي قال الدكتور ان اندو....
آيا تقطع كلامها : ايه والله ..... غريبه ليه ما دقت ..
يوكي : ليش ما تتصلين عليها بعد الغدا وتتطمنين ......
آيا : اكيـــد راح اتصل ...
وبعد ما انتهو من الغدا تروح آيا وتمسك السماعة وتتصل على ماري ..
ماري جالسة في غرفتها .. يرن الجوال وترد .
آيا : هاي ماري ؟
ماري : هلا بك ....
آيا : بغيت اعرف اذا كانـ......
ماري تقطع كلامها : ايه طلع والحين هو في بيتهم .....
آيا : كيفه..؟؟ بخير ؟؟...
ماري ببرود : أيــــه بخير ..
آيا متحمسه : اليوم بروح انوم عند اهلي ... عشان بكره ما اتاخر على ساكورا ...
ماري : والكلية ؟؟
آيا مبسوطه : الدكتور بكره مو جاي وما عندي غير محاضرة وحده عشان كذا باغيب ... ولا عندي شيء ثاني
ماري : آيا انتي صدق ما عندك شغل بكره ؟؟
آيا : لا ما عندي شيء ابدا ...
ماري : لا تجاملين اذا كان عندك شيء مو لازم تجين ....
آيا : لا ما عندي شيء ابدا ... وانا بعد ابي احضر المعرض ... وساكورا من نفسها عزمتني ... لازم اروح ...
ماري : آآه ... اوكي براحتك ...
آيا : ماري انتي بتروحين معي للمعرض صح ؟؟
ماري : هاه ؟
آيا : وش رايك نخلي اندو بعد يجي اذا شافنا كثير احتمال يتذكر ...
ماري : آآه ..فكره مو شينه ..
آيا : بكره نلتقي في التقاطع الشرقي الساعة 2.5 الظهر .... اوكي
ماري : اوكي ....
في غرفة اندو :.
يفتح درجة ويشوف فيه كاميرة الفيديو ..
يتذكر :.اقتباس من (( الفصل الثاني عشر – الجزء 3 ))
[ آيا نزلت راسها وهي تتكلم بهدوء : اذا بغيت انك تتذكر حاول تتذكر اللي تقدر عليه ... اسأل نفسك كثير وافتح اشرطة الكاميرا .... حاول تتذكر ... لان مرضك من نفسك تداويــه .... ]
...........
ياخذ الكاميرا ويفتح شريط ويقعد يتفرج عليـــه ...
في مكان آخر :.
تدخل آيا لبيت اهلها .....
آيا : سلاااااااااام يا اهل البيييييييييييييت......
تنزل جولي من الدرج : آيا ؟!
آيا تفتح يدينها بسعاده : سبرايز ... !
جولي مبسوطه : مفاجئة حلوه ....
آيا : وين امي وابوي ؟؟
جولي وهي تقرب منها عشان تسلم عليها : راحو قبل ساعة لكن ما ادري لوين ......
آيا تحبها على خدها : وانتي اش قاعدة تسوين ؟؟
جولي تضحك : ههه جالسة على النت ...
تروح آيا وتجلس في الصالة و تلحقها جولي وتجلس معها .....
جولي : وش المناسبة ؟؟ ما عودتينا انك تجين وتنومين في نص الاسبوع ....
آيا : بكره بروح لمعرض صديقتي اول مره تفتتحة ولازم اجي مبكر عشان كذا قلت باجلس اليوم معكم وارجع بكره ....
جولي : معرض ايش ؟؟
آيا : رسم .... هي رسامة ....
جولي : واو حلو .....
آيا : تجين معي بكره ...
جولي : لا لا انا بكره عندي بعض الاشياء باسويها ..
آيا : شكل اهلي مطولين ... بروح انسدح شوي على السرير فوق ....
وتقوم آيا وتصعد لغرفتها وتنسدح على السرير ... تدخل وراها جولي وتجلس على الكرسي ...
آيا : كيف احوالك مع " لينت " ؟
جولي تغيرت ملامح وجهها ونزلت راسها على الارض ...
آيا : جولي ؟؟
جولي : انا احس اني تغيرت ....
آيا : تغيرتي ؟؟
جولي : بعد ما انفصلنا انا ولينت في الجامعات كنا نتصل على بعض كثير في البداية ... بعدها قلّت اتصالاته وكل ما حاولت اتصل عليه يعتذر مني ويقول انه مشغول ....  وبعدها انعدمت اتصالاتنا ....
آيا : ايوه ؟
جولي : لينت كان حبي الاول ... لكن الحين حبيت واحد ثاني التقيت به في الجامعه ... وهو بادلني هالشيء .... حسيت اني احبه اكثر من لينت .... يقولون اعظم حب الحب الاول .... لكن انا احس اني ضد هالكلمة الحب الاول ما يستمر ... مشاعر لينت لي ومشاعري له تلاشت ... حبنا انتهى ... آيا هل يمكن ان الحب الثاني يغلب على الحب الاول .... ؟؟
آيا تناظر جولي وتفكر في نفس الوقت ....
آيا في نفسها : هل حبي لاندو ممكن يغلب على حبي لاكيرا ؟؟!! .... هل الحب الثاني يغلب ؟ انا نفسي ما اعرف الجواب .... يمكن بعض الاحيان يغلب .. لكنـ.. انا اعرف اتجاهي .... وانا اخترت اكيرا فوق كل الناس ....
جولي : آيا .. انتي معي ؟؟
تنتبه آيا لها ....
آيا : ايوه معك ..
جولي : ليه ما تجاوبيني ؟
آيا : الحب الاول ما في مثله .... لانه يبقى راسخ .. ودليل انك ما زلتي تحبين لينت ... انك حزنتي يوم سألتك عنه ... هذا يعني انه ما زال في قلبك ... يمكن يكون قدرك بحبك الثاني .. لكن ما راح تكرهين لينت .. اذا ما نجحتي في حبك الاول حاولي تنجحين في الثاني ... اتجاهك راح تعرفينه مع مرور الايام ... لكن اذا كنتي تبين تعرفين هو ليه دايم عنك مشغول ..... اطلبي منه انكم تتقابلون وقولي كل اللي عندك .. بعدها راح ترتاحين ..وفي ذيك الحالة راح تعرفين اتجاهك .. وصلت يا جولي ؟؟
جولي تبتسم : وصلت .. بكره راح اترك كل اللي عندي واقابله ... لازم اعرف ليه ما صار يهتم فيني ....
آيا : اذا بغيتي اية نصيحة انا عندك هاليومين استغليني ....
جولي تبتسم وتبادلها آيا البسمة ...
جولي : طيب اتركك ترتاحين ...
وتطلع جولي ... تحط آيا راسها على المخدة .....
آيا في نفسها : على الاقل تقدرين تقابلينه وتعرفين كل شيء منه .... اما انا اتمنى لو اسأله وينه عني .... ودي اسمع صوته ويكفيني .....
بعد المغرب :.
ينزل اندو من فوق ويلقى بعض اقاربه يروح ويسلم عليهم ..... وهو يتكلم مع الشباب يلتفت ويشوف ماري تدخل ورا امها وابوها .. ويدخلون وراهم نيزو وزوجته وبنتهم ...
يروح اندو ويسلم على ابو اكيرا ....
ابو اكيرا : كيف حالك الحين يا اندو ؟؟
اندو : بخير جعلك بخير يا عمي ..
ابو اكيرا : يالله ارجع لصحتك عملك ينتظرك .....
اندو : آآه ..... ان شاء الله راح اداوم بعد بكره ......
اندو: كيفك يا ماري؟؟
ماري يهدوء : تمام..
اندو: تفضلوا..
ويروحون يجلسون .. تقوم ماري وتروح للمغاسل .. يلحقها اندو ...
اندو : ماري ~ ..
توقف وتلتفت عليه ....
كيبا يجي من بعيد ...
كيبا : الحمد على سلامتك يا الغالي ما تشوف شر .....
اندو : الشر ما يجيك ...
يتلفت اندو ...
اندو : وين ساكورا ؟؟
تلتفت ماري على اندو متفاجئة ...
كيبا : آآه ساكورا .. ما جت ..
اندو : ليــه غريبه مو من عوايدها ..
كيبا : تقول انها شافتك واطمئنت عليك في المستشفى .. وهي بكره بتفتح اول معرض لها عشان كذا مشغوله اليوم ....
واندو وكيبا يسولفون ...
ماري ساكته وتقول في نفسها : الحمد لله انها ما جت .. لو انها جاية كانت بتصير مشكلة ..
وتروح ماري بكل هدوء وتتركهم يكملون سوالفهم ....
كيبا : آآه اندو تراني ما بعد سلمت على احد ... وين العم ديجير ؟؟
اندو يأشر على ابوه ..
اندو : هناك جالس مع عمي ...
كيبا : بروح اسلم عليه واطلع ....
اندو : تطلع ؟؟
كيبا : والله ان عندي اشغال كثيره بس قلت بأجي اسلم واروح ... يالله اشوفك على خير والحمد على السلامة الف ...
اندو : ابي اشوفك ..
كيبا : ان شاء الله ... يالله مع السلامة ...
ويروح كيبا .. يتلفت اندو ولا يلقى ماري ...
اندو : هذي البنت بتجنني ...
ويمشي شوي ويشوفها واقفه عند الدريشة .. يروح لها ويوقف جنبها ...
اندو : على اللي صار اليوم ... انا آسف ..
ماري : الا انا اللي آسفة .. قلت لك كلام ما كان لازم اني اقوله ....
اندو : ما عليه ما صار شيء ...
ماري : ساكورا .. بكره بتفتتح معرضها الاول ...
اندو : ايه قبل شوي خبرني كيبا ...
ماري : ساكورا عزمتني انا وآيا على افتتاحها ...
اندو : شكلكم صادقتوها ..
ماري : تروح معنا ؟
اندو : انا ؟؟
ماري : أيـه انت صديقها وحلو انك تجي لمعرضها وتبارك لها على الافتتاح ...
اندو : ساكورا ما عزمتني لانها تعرف اني ما احب المعارض ..
ماري : يعني ما راح تروح ؟؟
اندو : راح اروح بس عشان افاجئها ....
ماري : بكره راح نلتقي في التقاطع الشرقي الساعة 2.5 الظهر ..... لا تنسى الموعد ...
اندو : اطيب...
في بيت آيا :.
الابو يدخل للبيت والام ..
آيا : سبرايز ....
الام : آيا ؟؟
آيا : اخيرا جيتو ...  وين كنتو ؟؟
الابو : رحنا لجدك ......
آيا : جدي ... يوه من زمان عنه كيف حاله ؟؟
ويقعدون على الكنب وهو يتكلمون ..
الابو : تمام ..... وتراه يسلم عليكم ...
تنزل جولي ...
جولي : وليه ما اخذتوني معكم ؟
الام : المكان بعيد وانتي وراك كلية .. قلنا نخليكم تروحون معنا المره الجاية ..
الابو : الا صح .. وش عندك آيا جاية اليوم عندنا ؟؟
آيا : اليوم بنوم عندكم .. بكره بروح لمعرض صديقه لي ..
الام : مين ؟؟
آيا : ساكورا .... توني مصادقتها ...
الام : والجامعة ؟؟
آيا : بكره ما عندي شيء ..
وتوقف آيا ...
آيا : تعشيتو ؟؟
الابو : لا تونا .....
آيا : اجل انا بأسوي العشاء .... وش رايكم اسوي لازانيا ...
جولي : وااااو من زمان وانا مشتهيتها ...
الام : يالله ورينا طبخك الحلو فيها ..
آيا : اوكي ...
في بيت ابو اندو :.
ماري تلّعب بنت اخوها .. وتلتفت ولا تلقى اندو في المكان ...
ماري تكلم بنت اخولها ...
ماري : حبيبتي روحي لماما انا بروح شوي للحمام طيب ...
بنت نيزو : طيب..
وتروح ماري تمشي وهي تدّور اندو ولا تلاقيه مع احد لا مع الشباب ولا مع اهله ولا مع احد ..
ماري : غريبه وين راح ؟؟
وتروح تصعد لغرفته وتشوف من تحت باب غرفته نور ... تطق الباب ...
اندو : من ؟؟
ماري : ممكن ادخل ؟؟
ويقوم اندو ويفتح لها الباب ويجلس ...
ماري : ليه جالس لوحدك ؟؟
اندو : ما جلست لوحدي صعدت عشان آخذ دواي ثم انزل ..
ماري : اها ..آسفه على تطفلي .. بروح انزل...
وتلف بتطلع ..
اندو : ماري ...
تلفت عليه ماري ...
ماري : نعم ..
اندو : اجلسي ودي اكلمك شوي ...
تجلس ماري على الكرسي ويقوم اندو ويسكر الباب ...
ماري : وش تبي مني ؟؟
اندو : ما ابي احد يسمع عشان كذا سكرت الباب ..
يروح ويجلس مقابلها ...
اندو : اليوم بعد ما رجعت من المستشفى فتحت شريط كاميرة الفيديو .... كان يوم نزور .. زوجة نيزو وهي والدة ببنتها ... في ذاك الوقت دقيتي علي وقلتي لي اجيب كاميرتنا لانك نسيتيها في البيت ..
ماري تفتح عيونها : اندو انتـ...
اندو : لا ... ما اتذكر هالشيء ... عرفت هالشيء لانك جوا الكاميرا قلتي كذا ... وانا اشوف الشريط عجزت اتذكرك مع اني تذكرت اغلب الاشياء في ذاك الوقت ...
ماري : طيب ... وش تبيني افهم من كلامك .... ما تغير شيء ....
اندو : ذيك البنت قالت ان احد الاشخاص اللي نسيهم هو سبب فقداني لذاكرتي ... شخص مهم في حياتي .. بغيت اعرف شيء واحد بس ..
ماري : شيء واحد ؟؟
اندو : ماري ..... انا وانتي ... كنا نحب بعض ؟؟
ماري تتفاجأ من سؤاله ...
ماري في نفسها : ماري انتي مستوعبة اللي تسمعينه ..... اندو يسألك اذا كان يحبك ... وش بيكون جوابك ... السؤال هذا ما بعد استعديت له ...
اندو : ماري ؟...
ماري : اذا كنت تحبني الحين معناه انك كنت تحبني قبل ... لكن من طرفي انا ..
اندو يقطع كلامها وهو حمقان : انتي عارفه اني ما اتذكر كيف باعرف ان كنت احبك ولا لا ؟؟ هاه ..... ؟!
ماري بغضب : وانا وش دراني اذا كنت تحبني او لا ... اللي اعرفه انك كنت تحب ... لكن الشخص اللي تحبه محد يعرفه غيرك ...
وتوقف ماري تمشي بتطلع ...
اندو : ماري .... صدق انا كنت احب ...؟؟
ماري توقف في مكانها : كنت تقول انك تحب شخص يحب شخص ثاني ...... وان علاقته بالشخص الثاني حب متبادل ...
وتفتح الباب وتطلع وتسكره ... تروح توقف عند الدرج وتكلم نفسها ...
ماري : يا الله  للمره الثانية اسويها .. ما كان لازم اقول هالكلام ما كان لازم اقوله ..... يا اللـــه ..... !!
في غرفة اندو :.
اندو يجلس على الكرسي ...
اندو يكلم نفسه : انا كنت احب شخص يحب شخص ثاني ؟؟ انا ليه حبيت شخص له علاقه بشخص ثاني ... ؟؟ مين هالشخص ؟؟ ..
تنزل ماري تحت وهي حمقانه من نفسها وتفتح جوالها ثم يسقط من يدها ويطيح على الارض ويرتطم على الارض ويصير قريب من مقعد ابوها ... تنزل يدها عشان تاخذه وتسمع ابوها يقول ....
الابو : الخطبه بنخليها في بريطانيا ...
ابو اندو : طيب ليه ما تخلي اكيرا يجي هنا وتسوون الخطبه بما ان عائلة " كاياما " موجودين هنا ....
الام : اكيرا هو اللي طلب ان الخطبه تكون هناك ...
الابو : بعد زين اخاف يحن اذا جاء هنا .. ما صدقنا يوافق انه يتزوج ساكورا ...
وتفتح ماري عيونها وتحط يدها على فمها ...
ماري في نفسها : معقوله ..... اكيرا موافق انه يتزوج ساكورا ؟؟!!