(( الفصل العاشر – الجزء 3 ))

" يوم كنتي معي " ؟؟ (( الفصل العاشر – الجزء 3 ))

آيا و هي تلبس حلقها قدام المراية  تكلم نفسها : يونا اليوم يوم التخرج اللي تمنينا اننا نوقف جنب بعض ونقول انشودة التخرج سوا ..
الام تنادي من تحت : آيا ..... آيا ... يالله بتتأخرين على حفل التخرج ....
تبتسم آيا لنفسها و تاخذ شنطتها و تنزل تحت لأمها : يماااامي والله اني خايفه
الام تعطيها كاس عصير : ليه ؟؟
آيا تاخذ العصير بيد تنتفض : انا موكله اني اقول خطاب الطلاب .... وخايفة من مقابله الطلاب كلهم ...
الام تبتسم وتناظرها بإعجاب: والله وكبرتي يا آيا ..
آيا استحت : ماما لاتحرجيني ..
حطت آيا العصير على الطاوله :  يالله لازم ما اتأخر ...
الأم تودعها عند الباب : انتبهي لنفسك يا حبيبتي ..
آيا تاشرلها و هي مبتسمة يعني مع السلامه ..
وبعد عشر دقايق وصلت آيا للمدرسه... شافت المعلم قدامها ..
المعلم  : ليه تأخرتي كذا يا آيا ؟؟
آيا باعتذار: آسفة من جد ..
المعلم يلتفت لمنظمة الحفل : استاذه ريكو اعطي آيا الخطاب اللي بتقراه ؟؟
المعلمة وهي تبحث عن الورقه : يوه وين راحت ما لقيتها ...
المعلم : يووه الحين بتطلع على المسرح وتقولين ما بعد لقيتيها ..
المعلمة : والله ما ادري ..
صوت المسرح : لهذا يسرني ان اقدم لكم خطاب طالبتنا المتفوقة , مقدم من آيا باكورا .. من الصف B3
وصوت تصفيق ...
آيا بجديه : راح اطلع بدون ورقة ...
المعلمة بدهشة : شلون والكلام من وين ؟؟
تمشي آيا وبدون ما ترد متجهه للمنصه ...... على المنصة ... والكل يصفق لها ...
راي تكلم توما بصوت منخفض : شوف شوف آيا طلعت ياحبيلها
توما يضرب كوع اكيرا : شوف آيا اقبلت  ..
اكيرا مسوي نفسه ثقل : هذا انا اشوفها لاتسوي حركات مالها داعي ..
آيا تمسك المايك  تاخذ نفس ثم تقول: في السنين الثلاثة التي قضيناها في هذا الصرح الشامخ قد عشنا اياماً تملؤها الحب والصداقة .. مرت بها الفصول , عشنا جميع احوالها .. عندما دخلت هذه الثانوية ثانوية قيشالي العليا أخبرتني ان في الحياة معجزات وان هذه المرحلة التي اقدمت عليها ستكون ايامها وسنينها ذكرى يوماً ما بعد ان اجتازها ... انتظرت المعجزات التي اخبرتني عنها انتظرتها طويلاً وقد حصل ما اخبرتني به .. والان ارى الايام التي هنا قريباً ستصبح ذكرى لن انساها ابداً ... عشنا الفرح والحزن والحب وايضاً الفراق ... في وقت قد مضى التقيت بشخص فارقته من عامين وفي وقت قريب فارقت شخصاً , هذه طبيعة الحياة لقاء ففراق .....
ثم نزلت منها دمعه ..
آيا وهي تمسح دموعها : صحيح اننا بعد هذا الجمع الرائع سنفترق .... ولكنـ .. ولكن يجب ان لا ننسى بعضنا ابداً ....
وتوقف كلامها وتبدا تصيح ...
راي تدمع عيونها وتقول في نفسها : خلاص يا آيا ... ما اقدر اسمع اكثر ...
ويقوم أكيرا ويطلع ......
تحاول آيا تمسك نفسها وتقول : آسفة لاني ما اقدر اواصل كلامي .. لان اللي في داخلي صعب تعبيره ... وآسفة اذا يوم غلطت على احد ... آسفة
تبتسم آيا وتنحني والدموع تملى عيونها ....
والكل يصفق بصوت عالي ... وتسمع كلمات : مبدعة يا آيا ...... ما راح ننسى بعضنا ابدا ..... احسنتي التعبير يا آيا .....
وتدخل آيا وهي تمسح دموعها .... يقابلها اكيرا بتصفيق حار : برافو يا آيا .. مثل ماعودتينا دائما مبدعة
آيا لما شافته امتلت عيونها دموع و نزلت راسها ..
اكيرا يقرب منها ويرفع راسها بيده ناظر في وجهها : ليه الدموع ؟؟ مو انتي الطالبة المتفوقة في ثانوية قيشالي العليا ...
آيا تهز راسها : الا .... لكن قلبي امرها تطلع ....
اكيرا يمسح دموعها بيده : قلبك ؟؟
آيا : ما قدرت اتحمل وطلعت الدموع من نفسها .... كنت احاول امسكها لكن ما قدرت ...
اكيرا بابتسامه :  طيب خلاص يكفي لاتنزل دموع اكثر .. ابتسمي يا آيا مو حلوه عليك الدموع .. ترى بسوي شي تندمين عليه
قرب منها اكثر ..
آيا تبعد عنه وتمسح دموعها : خلاص الحين ..
اكير يقرب : لا مو خلاص ما ابتسمتي ..
آيا تحط عينها بعينه و تبتسم ..
ابتسم لها اكيرا و مسكها مع يدها : يالله يا حلوة خلينا نروح كل الصفوف الحين بيقولون نشيد الوداع ......
آيا تضغط على يده : يالله ...
ويطلعون ..........
في شركة ابو اكيرا :.
الابو يكلم نيزو : اليوم تخرج اكيرا وآيا ؟؟
نيزو : ايه ...
الابو : ودي اعطي آيا حقها اللي تركه جدها ريونجي ...
نيزو : وش تبيني اسوي ؟؟
الابو : روح وجيب كل الملفات اللي تتعلق بريونجي وتعاونه مع شركتنا وبشوف اللي تركه واعطيه لآيا ..
نيزو : حاضر ....
الابو : تقدر تنصرف ...
ويطلع نيزو ....
في المدرسة :.
راي : ياي يا آيا كلامك مره اثر فيني ...
آيا : هههههه هذا المطلوب ....
راي : شوفو هالمخادعة ..
آيا : ههههه بس تذكرت يونا وتمنيت انها تكون معنا .....
توما : يالله بنقول نشيد الوداع كل واحد يروح مكانه .
راي : طيب ..... يالله يا آيا ..
آيا : طيب
كل واحد ياخذ مكانه ... آيا توقف وترفع راسها للسماء ..... وتتذكر
اقتباس من (( الفصل التاسع – الجزء 4 ))
[يونا : ودي الساعة في هذي اللحظة طولها طول السنة ... و ودي انا وياك نوقف جنب بعض في يوم التخرج من الثانوي ... و ودي باشياء كثيرة اسويها معك ..
آيا : نقدر نخلي الساعة كنها سنة ... ونقدر في هذي اللحظة نسوي الاشياء اللي نقدر عليها .. لكن اننا نوقف جنب بعض في يوم التخرج يكفيني انك توقفين جنب سوما .. ولمى يجي يوم التخرج وانتي واقفة في ذاك اليوم ارفعي راسك للسماء ... وانا راح ارفع راسي للسماء وبكذا نكون سوينا نفس الشيء وكأننا واقفين جنب بعض في السماء ...
يونا : ايه .... ما راح انسى هذا الشيء ابداً ...]
......
آيا تتكلم في نفسها : يونا انا الحين ماسكه بايدك .. انتي ماسكه بايدي ؟؟ انا الحين انشد انشوده الوداع ... انتي الحين تنشدين ؟؟ ليتني اعرف جوابك .......
وشوي يدق جوال آيا وهي تنشد .... ترفع السماعة ... وتشوف انه يونا .... بدون تردد ترفع السماعه
آيا : يونا ... 
يونا : آيا انا الحين واقفه انشد نشيد الوداع .... انتي مثلي ؟؟
آيا بنبرة فرح على حزن وبهدوء : أيـــه ...
يونا : انا وياك الحين واقفين جنب بعض ...... صح ؟؟
آيا بنفس النبرة : أيـــه ....
يونا : آيا انتي رافعة راسك للسماء .؟؟
آيا : أي
يونا : ممسكه ايدي ؟؟
آيا : اي
يونا بنفس نبرة آيا : آيا مبروك التخرج ... لنا .....
آيا بابتسامه : الله يبارك فيك يا حبي .....
يونا بدت تكمل الانشوده وآيا سوت مثلها ... وكأنهم واقفين جنب بعض ويقولون نشيد الوداع سوا .... ولما انتهو من النشيد باركت آيا ليونا و انهو مكالمتهم بدموع ..
التفت اكيرا على آيا و شافها ضامه جوالها على صدرها و الدموع تنزل على خدها : آيا عسى ماحصل شي ..
وقبل مايتحرك شاف راي تكلمها وآيا ترد عليها و هي تمسح دموعها بعدها راي ضمتها و هي تضحك .. ارتاح اكيرا لمنظرهم و عرف ان آيا تصيح عشان الوداع
اكيرا : دايما حساسه يا آيا
ابتسم وقال : حبك داخلي ورده سقاها عمر احساسك احبك يا هوى عمري احبك والغرام اسباب..
جا توما لاكيرا وشافه يهمهم ضربه على كتفه  : وش عندك تهمهم يا ابو الشباب .. وش تقول ما فهمت شيء من اللي قلته..
اكيرا التفت عليه و دلع لسانه قال : مالك دخل الكلام مو موجه لك ..
ضحك توما : خخخخ تعجبني بس مو لازم تحرجني ..
بعدهاالتفت عليه وضمه : مبروك التخرج يا صديقي العزيز ..
اكيرا مستغرب : الله يبارك فيك وش سالفتك صاير كأنك بنيه عسى ما اخذت العاده من راي..
توما: ياخي ياشينك انت وردود افعالك على كثر ما تفشلني على كثر ما احبك انت ووجهك..
اكيرا ضحك : ههههه الله يبارك فيك يا خوي انت مو صديق بس انت اخو..
توما بعد عنه يسوي نفسه بيصيح : اكيرا احسك صاير رومانسي اليوم انتبه تراني مو آيا..
اكيرا ضربه على كتفه : يااااااااااااابيخك يالماصل اقول ابعد عن وجهي ... الشرهه مو عليك علي انا معطيك وجه.. روح لراي طلع حرتك فيها..
توما يجاريه: ايه بروح لها وبآخذ آيا معي..
التفت اكيرا عليه : نعم نعم وش قلت وش تبي بآيا ..
توما يبي يقهره: وش دخلك يا خي صديقتي في المدرسه وصديقة حبيبتي المقربه عندك مانع..
اكيرا يسوي نفسه ماهتم : ايه خذها عاد انا وش علي منك هذا اصلا اذا طاعتك انا اعرفها اكثر منك ..
توما يدلع لسانه: طيب يا اكيرا انا اوريك..
اكيرا يعطيه ظهره ..
توجه توما لآيا وراي ..
اكيرا التفت بيشوف هل صدق آيا بتروح معهم ولا لا .. شاف توما يحاول هو وراي يقنعونها وهي رافضه .. ابتسم ابتسامة نصر : هههه انا اعرفها اكثر منـــ
ما امداه يكمل الا وآيا تروح معهم.. انهبل ويحاول يكذب اللي يشوفه.. لحقهم وهم متوجهين لخارج المدرسه وهو يردد في نفسه : آيا ما تسويها تروح وتخليني انا اعرفها  ..
آيا وقفت قدامهم سلمت على راي وودعتهم عند الباب.. لما شاف اكيرا ان آيا ما راحت ارتاح ..بس في هالحظه رفع توما عيونه وشاف اكيرا من بعيد وابتسم ..
اكيرا تخبا: شافني الزفت الله يعيني عليه ..
وما امداه يكمل كلامه الا جواله يدق شاف المتصل : يوووه توما اكيد بيتميلح علي الله يعييني عليه اعرفه عياّر ..
رفع الخط
توما : اكيراااااا مسوي نفسك ثقل يقالك ما همك الحمد الله ان عيونك ما طلعت من مكانها من الصدمه بس انا قاصد قايل لآيا على الاقل وصلينا للباب اذا منتي رايحه معنا ..
بعدها ضحك : هههههه والله انك اتحف واحد شفته في حياتي بس والله انك عرفت تختار..
بعدها قال بهدوء : اكيرا الله يسعدك ويوفقك آسف اذا سويت فيك هالمقلب والله اني امزح معك .. تمنياتي لك بقضاء امتع الاوقات مع من تحب الى اللقاء يا صديقي العزيز..
توه بيسكر رد اكيرا بابتسامة امتنان : توما اشكرك من اعماق قلبي على كل شيء ..
بعدهاسكر الخط ..
وبعدها رفع راسه يشوف اش صار على آيا و راي شاف توما توه جايهم وتكلم معهم شوي وبعدها اخذ  توما راي وراحو مع بعض .. وبقت آيا عند البوابه منزلة راسها كأنها حزينه..
طلع اكيرا وتوجه لها ومشي  بهدوء من وراها وغمض عيونها ..
آيا تتحسس ايدينه بعدها ضغطت عليها بقوة ..
اكيرا آلمه ضغطها : اي اي اي فكي يدي يامتوحشه.
آيا تركت يده بعدها ضحكت ضحكه فيها صيحه: هههههه كنت حاسه انه انت..
اكيرا بتفكير: وش معنى انا..
آيا بدون ما تلتفت عليه : لاني اعرف ملمس يدينك..
اكيرا باستفهام يلمس يدينه: تعرفين ملمس يديني؟؟
آيا التفتت عليه و مسكت يدينه : ايه اعرف ملمسها دايما دافية ورقيقة ..
بدون سابق انذار ضمته بقوة وصارت تصيح ..
اكيرا انجن وش سالفة هالبنت مو صاحيه : آيا..
آيا تدخل راسها اكثر وتصيح اكثر..
اكيرا يلمس شعرها : آيا حبيبتي وش فيك حصل شيء .. ؟؟
آيا : تهزر راسها يعني لا..
اكيرا متعجب: طيب ليه كل هالصياح ..
آيا بدون ما تناظره ودافنه راسها في صدره : مشتاقه ليونا ..
اكيرا مو مصدق : كل هذا عشان يونا..
آيا تهز راسها : ايه..
اكيرا يبعدها ويشوف وجهها : آيا مو كذا تصيحين روعتيني بس عشانك اشتقتي ليونا ..
آيا تشهق وهي تصيح : يو..ي..يونا..اا كلمتي واحنا نقول نشيد الوداع ..
اكيرا في نفسه : آها عشان كذا كانت تصيح وهي ضامه جوالها ..
اكيرا: طيب واذا صار..
آيا تصيح: ما نست وعدي لها كلمتني وقلنا النشيد مع بعض ..
اكيرا يضمها : وفية مثلك يالغلا لاتبكين .. اليوم يوم حلو المفروض نفرح فيه مو نحزن ونكدر يومنا ..خلاص يكفي دموع خلصتي دموعك على هاليوم ..
يمسك وجهها ويمسح دموعها : يالله ياقمر مو حلو عليك الدموع خلينا نستانس والله لو تدري يونا عنك تزعل منك ..صح علي والا انا غلطان؟؟
آيا تهز راسها وهي تمسح دموعها بطرف لبسها: صح صح..
اكيرا بابتسامة: وبهالمناسبة الحلوة انا عازمك على العشاء في احلى مطعم .. اش رايك ؟؟
آيا تهز راسها وهي منحرجه يعني طيب..
اكيرا يغمز لها: خلاص انا بوصلك لبيتكم تاخذين لك شور وتستريحين وتبدلين وعلى الساعه 8 المساء بكون عندك اوكي..
آيا بابتسامة : طيب..
وصّل اكيرا آيا لبيتهم وراح هو لبيته يرتاح ويغير وينام .. وعلى الموعد قام وعدل نفسه و توجه لآيا واخذها وراحو المطعم وقضو الليلة كلها بابتسامه وضحك حاول اكيرا بشتى الطرق انه يخليها تستانس و تفرح لان حاس ان هاليوم يوم التخرج غالي بالنسبة له . ..
بعد ما قضو هذي الليلة الرائعه طلعو من المطعم متوجهين للبيت آيا ..لما وصلو التفتت آيا على اكيرا : مشكوووووووووووووور يا اكيرا على هاليوم الرائع ومبروك التخرج ..
اكيرا بثقل : الله يبارك فيك ..
بعدها التفت عليها وابتسم: احنا حاظرين للطيبين ولو كم آيا عندي ..
آيا انحرجت .. ونزلت بدون اي رد ..
توجهت لجهته وطقت القزازة ..
اكيرا باستغراب فتح الدريشه : وش عنــ
ما امداه يكمل .. الا ببوسة على خده من آيا
آيا : الله لا يحرمني منك يا اعز الناس..
وراحت تركض ودخلت بيتهم.. تسندت على الباب ومسكت قلبها باحراج : ياربي وش سويت احس ان دقات قلبي بتطلع من مكانها ..
في الجهة الثانية :
اكيرا مبلم ويلمس خده : انا في حلم ولا علم .
 قرص خده بيده: اي اي .. لا انا في علم أيا قبلتني للمره الثانية وقالتلي يا اعز الناس لا مستحيل ..
مسك جواله وكتب بحماس : (احلى هدية تخرج من زهرة غلا  في قلبها حب ووفا وفي عطرها روز و شذا مشكورة يا لمسة دفا تصبحين على خير يا كل الحلا ) ارسل الرساله لآيا ومشي راح لبيته..
صوت مسج جاي لجوالها انتفضت.. طلّعت جوالها من الشنطة وفتحت الرسالة ولما قرأتها باست الجوال وضمته : وانت من اهله يا اغلى من الغلى ..
وينتهي يوم التخرج بابتسامة العاشقين ...
وبعد مرور 4 ايام في العطلة الصيفية ....
آيا توقف قدام المراية : يونا وسوما بيسجلون في جامعة اوساكا ..... راي وتوما بيسجلون في جامعة طوكيو قسم الكيمياء  ... ماري بتسجل في قسم الهندسة المعمارية ..... انا واكيرا اليوم راح نتفق على ايش ؟!.... لكن انا في نفس الوقت ابي ادخل طب ... بس ما ادري عن اكيرا .... يس راح اقوله اليوم ..... اوكي انا جاهزة ......
في شركة ابو اكيرا :.
نيزو : زين هذي كل الملفات ؟؟
السكرتير : ايه هذي كل الملفات اللي حصلناها الى وفاته ....
نيزو : شكرا تقدر تنصرف .....
نيزو يتصفح الملفات ويفتح عيونه : معقوله ؟؟ لا مستحيل .....
ويقعد يفتح الملفات شوي شوي ويقرا كل شيء بعناية ....
عند النهر المعتاد  :.
آيا تشوف اكيرا جالس ابتسمت وتقدمت: عسى ما تأخرت عليك ؟؟
اكيرا يلتفت عليها : لا ابدا ....
آيا تحاول تهوي على نفسها : يااااه الجو مره حار ......
اكيرا اجلسي ارتاحي شكلك تعبانه من الركض..
آيا تجلس: من جد تعبت مدري ليش انا كذا..
اكيرا ينفض شعرها بطريقه فوضويه: انتي كذا احلى لا تتغيرين..
آيا تصفصف شعرها: اكيرا يابايخ ساعه ارتب فيه ليش تحوسه..
اكيرا يناظرها باستفهام: الله وكبر اللي يشوفك يقول مسويه تسريحه في صالون
آيا: مو لازم ازين شكلي في صالون عشان احرص على شكلي المرتب .....شء
اكيرا توه بيمد يده يحوسه ضربته على يده بخفه
اكيرا : اي .. خلاص توبه بس تصدقين في جميع حالاتك حلوة يعني ارتاحي ..
آيا : شكرا على المديح بس هذي انا ماراح تغيرني بكلمتين ههههه..
اكيرا ابتسم: آيا وش تحبين اكثر الصيف ولا الشتاء ؟؟
آيا بثقه: اكيد الشتاء ....
اكيرا : ليه ؟؟
آيا بابتسامة : لان فيه المطر والثلج ..... وانا احب هالاثنين
اكيرا : اوووه من قبل كنتي تقولين بس المطر ......
آيا تدخل يدها تحت يده وتحط راسها على كتفه وبابتسامه قالت : لكن حبيت الثلج بعد ما عرفت اكيرا ...
اكيرا ابتسم : آيا وش رايك نروح للبحر ؟؟
آيا ترفع راسها : البحر ؟
اكيرا: ايه ... تغيير جو .....
آيا بتفكير : امم فكره حلوة .. متى ؟؟
اكيرا يناظر للسماء : متى ما بغيتي .....
آياترفع راسها وتلتفت عليه: بعد اسبوع ...
اكيرا يرفع حاجب ويناظرها : اسبوع ؟؟ وليه هالفتره الطويله ؟؟
آيا تغمز له : عشان اتجهز ....
اكيرا ضحك  لحركتها : هههههه خلاص اوكي بعد اسبوع .....
آيا توقف بنشاط : ياااااااااي راح اترقب ذاك الوقت ...
اكيرا يوقف معها : وانا بعد ....
آيا تلتفت عليه : صح اكيرا ... ؟؟
اكيرا يناظرها : هلا ؟؟
آيا : وش ناوي تسجل في أي جامعة ؟؟
اكيرا : ما بعد عرفت انا وش ودي ادخل ...... آيا انتي وش ودك تدخلين ؟؟
آيا تتقدم من النهر : امممممم انا قد قلت لك من قبل .... انا ابي اكون دكتورة .....
اكيرا : طب ؟؟
آيا تهز راسها : ايه وانا قدها وقدود .......
اكيرا يقرب لها ويحط يده على كتفها : بالتوفيق.... اتمنى لك حظاً سعيداً .....
آيا : شكرا .. بس ما قلتلي انت وش ناوي عليه ؟؟
أكيرا بتفكير وهو يناظر في النهر : اممم عادي لو ننقسم في الجامعات المهم اننا نلتقي باقي اليوم ..... وبعدين انا مو قد الطب ...
آيا بضيقه : يوه انت لو تدخل اي شيء كلها اربع سنوات وانت متخرج لكن انا ست سنوات ..... طويله صح ..؟؟
أكيرا : لا مو طويلة كلها كم سنه وتعدي ماراح تحسبن فيها وبعدين احسن اني اتخرج قبلك ...
آيا تلتفت عليه : ليه ؟؟
أكيرا يقربها له ويناظرها بابتسامة : عشان اسنع حياتي قبل ما تتخرجين ....
آيا تبتسم ويمشون .....
في مكتب نيزو :.
نيزو : شلون صار كذا ؟؟ شلون .... ريونجي له حفيدتين وحده اصغر من آيا بسنه والثانية صغيره يمكن 3 سنوات الحين وماله الا ولد واحد وكلهم عايشين في المكسيك... و الحين مر على وفات ريونجي ثلاث سنوات تقريبا ... شلون آيا قالت انه مات من نص عام يوم نلتقي بها ؟؟ .... شلون .. شلون قالت ان اهلها الحين في كندا ؟؟ شلون قالت انها كانت تعيش هي وجدها في كوريا وهو مات اصلا في جنوب افريقيا ؟؟ آيا ريونجي كانت مزيفة ومالها وجود من الاصل ..... اجل من هي آيا اللي الحين معنا ؟؟؟!!!
ويقوم نيزو ويتصل على واحد .....
نيزو : ابي منك معروف ؟؟؟
المتصل عليه : تفضل وانا في خدمتك ....
عند آيا واكيرا :.
آيا : مشكور اكيرا .... استمتعت في وقتي ...
اكيرا : لا تقولين كذا .... مع السلامة .....
آيا : تصبح على خير ؟؟
وتحول آيا من السيارة وتدخل لبيتهم .....
ويروح أكيرا .....
تتوجه آيا لغرفتها ترمي الشنطه على مكتبها وتنسدح على السرير: ياااااه البحر ...... من زمان ما رحت للمحيط الهادي ...... كان ودي من زمان اني اسبح فيه ... شكرا اكيرا لانك بتحقق لي هالشيء .....
وبعد مرور 6 ايام :.
الساعة 3 الظهر :.
اكيرا يكلم في التيلفون : اليوم ؟؟
ماري : ايه ابوي يقول تعال انت وآيا الحين ...
اكيرا : وليش؟؟
ماري : كانك تدري فانا ادري .....
اكيرا : اوكي ... راح اجي ....
اكيرا يسكر السماعة : غريبه اول مره ابوي يطلبنا فجأه ......
في بيت ابو اكيرا :.
الابو : اتصلتي على اكيرا ؟؟
ماري : ايه ...
وشوي يدخل نيزو ومعه مجموعة ..
نيزو : هلا ....
ماري : هلا بك ...
عند آيا واكيرا :.
تركب آيا السيارة : وش القصه ؟؟
اكيرا : والله ما ادري اتصلت علي ماري وقالت ان ابوي يبينا ...
آيا : الله يستر ما يكون فيه شيء ...
ويوصلون للبيت ... يدخلون ويشوفون الكل موجود .. [ ام اكيرا وابوه ونيزو وماري والجماعة ]
اكيرا : السلام عليكم ....
الابو : وعليكم السلام .... تعالو اجلسو هنا ...
يجلسون مقابلين هالجماعة .....
في الشارع :.
اندو يلبق سيارته ويشوف سيارات اكيرا ونيزو ملبقه ....
اندو : وش القصه ؟؟ ليه كلهم موجودين .....
ويروح ويوقف عند الباب ويسمعهم يتكلمون بدون ما يدخل ....
جوا البيت :.
الابو : تعرفون من هذولا ؟؟
اكيرا : لا
الابو : وانتي يا آيا ؟؟
آيا : لا
الابو : متأكدين ؟؟
اكيرا يلتفت على آيا وآيا تلتفت عليه ثم يجاوبون بصوت واحد : متأكدين .....
الابو : لكن انا اعرفهم ....وعشان كذا بخليهم يعرفون انفسهم عليكم ... تفضل يا ابو " لانا " .....
ابو لانا : هذي زوجتي " شيبرا  " وهذي بنتي الكبيرة " لانا " وهذي بنتي الصغيرة " مايو " وانا اسمي  " جون ريونجي " .....
اكيرا وآيا يفتحون عيونهم .... وماري تحط يدها على فمها وهي متفاجئة ...
الابو : شلون يا آيا ما تعرفينهم ؟؟
آيا قامت تقلب عيونها ونزلت راسها وعضت على شفتها السفلية ثم ابتسمت بسمه خفيفة ثم رفعت راسها ...
آيا : ايه اكيد ما اعرفهم ...
الابو : ليه ؟؟
آيا : ما جمعتوهم كذا قدامي الا لانكم تعرفون الجواب .....
نيزو : نبي نسمع الجواب منك ......
اكيرا يلتفت على نيزو : اسكت ...
نيزو : تدافع عنها ؟؟؟
الابو : تجاوبين ؟
آيا في نفسها : ليه كذا متردده ؟؟ في هالحاله ... الكذب ما راح ينفع ابدا ...
آيا تقرص فخذها من التوتر ... ثم ترفع راسها وتحط عينها بعين الابو : هذي عائلتي المزيفة ....
الام تشهق ... واندو يفتح عيونه برا ...
اندو في نفسه : آيا ؟!
أكيرا يناظر آيا بدهشة : آيا ....
الابو بابتسامه : انتهى كل شيء .... ابعدي عن ناظري ولا ابيك تقربين من اكيرا ..... ولا تشوفينه ...... 
اندو يفتح الباب شوي ويطل ...
اكيرا يوقف قدام ابوه : هيييييه آيـ...
ويقطع ابوه كلامه بصفقه على وجهه خلته يسكت ...
آيا بصرخه : لااااااااااااااا .....
الابو : قلت انتهى كل شيء ويله انت ارقى فوق لغرفتك وبيتك راح اسكره ..
ويلتفت على آيا : وانتي اطلعي برا ...
أكيرا يمسك يد آيا ويناظر في ابوه : وين ما تروح بروح معها .....
الابو : انت ما تفهم ... اتركها .. هذي لعابه وكذبت عليك وعلينا بكذبها .. هذي طمعانه فيك
اكيرا بصوت عالي وهو حمقان : يكفيييييييي ..... اللي خلا آيا تسوي كذا كان انا .... واللي خلا لها عائله مزيفه هو انا .... وانا اللي حبيتها اول .... آيا ماهي طمعانه فيني ..... آيا عزيزة نفس وما راح تسوي كذا ....
آيا وهي تصيح تبعد عن اكيرا وتقعد على الارض وتمسك رجول ابو اكيرا : لا والله انا ما رضيت اني اكذب الا عشاني احب اكيرا ..... انا ما طمعت فيه والله ..
الابو : تبيني اصدقك انك صدق تحبينه ...... هههه ما تمشي معي هالحركات يكفي انك قدرتي تكذبين علي طول هذي المده يا المخادعة ...
آيا تمسك رجوله : اترجاك ...... اترجاك .. لا تبعدني عن اكيرا .... انا ما ابي شيء غير اكيرا ..... تكفى ..... تكفى
وتقعد تصيح وهي تقول : تكفى
اكيرا : ابوي انا احب آيا ومستحيل اتخلى عنها يوم .... اذا كنت تبي تعاستي ابعد آيا عني .... لكن اذا كنت تحب ولدك لا تبعد آيا .. آيا هي سعادتي لا تبعدها عني .....
الام : ساسو ... اكيرا وآيـ...
الابو يقطع كلامها وبغضب : انتي مالك دخل اسكتي واقعدي مكانك ....
اكيرا : ابوي .......
الابو يكلم خدامين عنده : خذوه ....
ويجون يمسكون اكيرا ...
اكيرا : هييييه اتركوني ... وخرو ...
آيا توقف : اترجاك تكفى ... تكفى ......
الابو : خذوها هي بعد .....
والخدم متجهين لآيا .. تركض آيا وتخم اكيرا وهي تصيح ...
آيا : آسفه اكيرا ..... كان المفروض اني ارفضك من ذاك الوقت واريحك وارتاح ..... لكن في نفس الوقت انا كنت سعيده يوم كنت معك ....
أكيرا بدهشة : آيا وش تقصدين بكلمه " يوم كنتي معي " ؟؟
آيا : أكيرا .... قلت لك من زمان ... راح يجي اليوم هذا ..... سواء بماري او بغيره ... والحقيقه راح تظهر مهما خبيناها .........
اكيرا : آيا .....
ويسحبون الخدم آيا وهي تحاول تمسكه واكيرا يمسك يدها ....
وتنفصل الايادي ....
آيا بصوت عالي وهي تصارخ والدموع تنزل منها : ليييييييييييييييييييييه ؟؟؟؟؟!!!!!!!!
اكيرا نزل راسه واخذوه الخدم وآيا ما زالت تصرخ باسم : اكــــــيرااااااااااا