بعد ما راح اكيرا دخل اندو لبيتهم وتسند على الباب و ببكاء غير مسموع : يااااارب ارحمني ...
تحرك ببطء شديد راسه مصدع وحالته يرثى لها توجه للدور الثاني وبالتحديد غرفته توجه لمكتبه وجلس على الكرسي رفع راسه للطاولة وشاف فيها ورقته اللي كاتب عليها شعره اللي ما بعد كمله ...
تذكير (( الفصل التاسع – الجزء 2 ))
اندو : فيه وحده الحين انا حافظها لكن ما بعد كملتها ..
آيا : قول ..
اندو : يا قلبي لا تشكي همومك على الناس ما كل شخص يعذرك في مصابك لا تسكب الدمعة على خد حساس لا تحرق اوراق الزهر في عتابك
ولا تضيق الصدر المولع بالانفاس ولا تقطع عروق بكت عند بابك ..< بس لين هنا ما بعد كملتها ....
.....
اندو يطلع الورقة ويقراها ... ثم يطلع قلم ..
يقعد على الطاولة .. ويبدا يكتب ...
وبعد نص ساعة :.
اندو : انتهيت ....
يقراها بصوت متحسر تملاه العبرة والحزن : ياقلب لاتشكي همومك على الناس
ماكل شخص(ن)يعذرك في مصابك
لاتسكب الدمعه على خد حسـاس
ولا تحرق اوراق الزهر في عتابك<~~ لما قرأ هالمقطع سقطت من عيونة دمعة حارة حراراتها صادرة من الم وهم كبيرين
ولا تضيق الصدر المولع بالانفاس
ولاتقطع عروق(ن)بكت عند بابك
ياقلب والله مابقى بعيني نعـاس
يومك شكيت الحب محد(ن)درا بك
النار ماتحرق سوى رجل من داس
واللي كواه الحب يفهـم خطابـك
قبلك شرب مجنون ليله من الكاس
واليوم نفس الكاس تسقى شرابك
ياقلب اعرف معدنك معدن الماس
توفي الحبيب الروح لو هو رما بـك
ياقلب خلك بالشدايد قـوى بـاس
لا تلتفت للجرح لوهـو سطا بـك
ياقلب لا تسقي عروقك من الياس
وخل الامل والصدق دايم زهابـك
مادام طاحت فاسك اليوم بالـراس
اعذر جميع الناس واخفي عذابـك .......
ويترك الورقة على الطاولة ويقوم وينسدح على السرير ....
اندو : اعذر جميع الناس واخفي عذابك ... الظاهر راح يكون هو جوابي على نفسي ...
عند بيت آيا :.
اكيرا: يالله يا آنسه آيا ما ودك تنزلين ترى عادي آخذك لبيتي..
آيا تفتح الباب بسرعة : اقول اشوفك على خير انا ناقصة بعد ..
اكيرا يضحك: ههههه مسرع ونزلتي ..
آيا : قول ماشاء الله وتيسر لبيتك..
اكيرا: ياكافي ما عندك نية تدخليني صح اني ماني داخل بس على الأقل مجاملة..
آيا : شف عاد انا ما عندي مجامله ابدا عشان كذا الوقت متأخر وبكرا عندنا مدرسه مافيه وقت اضيفك يادوب ادخل واغير واناااااااااااااام...
اكيرا يميل خشته : الله يخلف على اندو وهو اندو التعبان ما خلاني اوصله واروح قالي تفضل..
آيا تذكرت : اي صدق اش اخباره ..
اكيرا: مسكين شكله مره تعبان ان شاء الله بكره يتشافى ويجي ياخذ سيارته..
آيا : حرام عليك يا اكيرا الولد تعبان ليش تخليه يجي ياخذ سيارته انت ودها له..
اكيرا : لا وش اوديها هو قالي بيجي ياخذها وانا اعرفه ماله الا علمه فأنا وافقته..
آيا: آها على راحتكم يالله اخرتني ..
اكيرا عصب: نعم انا اللي اخرتك ولا انتي الي مسوية علي استجواب..
آيا بكبرياء : احمد ربك اسأل عن ولد عمك هذي النهاية..
اكيرا : مدري عنك تقولين اخرتني كنه انا اللي حالف عليك الا تسمعين سالفته..
آيا: طيب.. ياربي منك ما تواطن شيء..
اكيرا : يالله مع السلامه اشوفك بكره بالمدرسه ...
آيا قرصت خشمه : طيب بس لا تزعل مع السلامه..
راحت قبل لا تسمع رده ..
اكيرا يشوفها وهي تركض داخله لبيتها بس قبل لا تدخل التفتت عليه بابتسامه واشرتله بيدها يعني مع السلامة وبعدها اختف من عينه..
اكيرا: ياحظ قلبي دام لي مثلك حبيب .. انسان مثلك لو بغى الروح تفداه ..
بعدها شغل سيارته ومشى..
في بيت آيا:.
دخلت آيا لبيتهم وتوجهة للدور الثاني وبالتحديد غرفتها .. دخلت الغرفه وحطت شنطتها على الطاولة وراحت تنسدح باهمال التفتت لصورة حاطتها على كمدينتها كانت صورة لها وليونا و لراي وماري وكلهم مبتسمين ..
مدت آيا يدها واخذت الصورة ...
آيا تكلم الصورة : يونا وينك والله لك فقدة يالغالية وحشتيني .. وحشتني القعدة معاك .. يونا اليوم ما احس براحة احس ان قلبي ناغزني .. وخايفة ما ادري من ايش ... لكنه احساس ما يعجبني ... ما ادري وش هو بالضبط .... ودي انك الحين موجوده معي عشان اقولك هذا الكلام وتعطيني بعض الكلمات اللي تبعد عني هالاحساس ... بس من الحين راح ابعد هالاحاسيس اللي ما احبها ... وخلاص راح اريحك مني ....
بعدها ابتسمت للصورة ورجعتها في مكانها... وقفت وراحت تغير ملابسها وتفرش اسنانها...
بعد ربع ساعه طلعت تشحن جوالها وفي هالاثناء تذكرت اندو وكلامه..
آيا تكلم نفسها : ليه حبها من اصل اذا كان عندها حبيب ..... اندو انا اعرف ان قلبك هو اللي صار يتحكم فيك ... معذور اكيد معذور ..
راحت لسريرها ونامت..
في اليوم التالي ....
الكل في المدرسه والحصص تمشي كالمعتاد الى ان جت الطلعة ...
وفي الطلعة :.
آيا تكلم اكيرا مو مستوعبه اللي قاله : ايش قلت ؟؟
اكيرا : مثل ما سمعتي بروح وارجع بكره ....
آيا : طيب وين ؟؟
اكيرا : ابوي طالب مني اني اروح بدال اخوي عشان اشرف على المشروع هناك .. وبما ان اليوم ليلة اجازة وكلّني بهالموضوع ...
آيا بارتياح : وانت جاهز ولا لا ..
اكيرا بابتسامه : الا جاهز و الشنطة جاهزة ترى ما يسوى كلها يوم وانا راجع ...
آيا : الله يوصلك بالسلامه لا تنسى تدق علي اذا وصلت ...
اكيرا بابتسامة : طيب يا آنسة آيا..
آيا بابتسامة تمد يدها : ابي مفتاح بيتك ..
اكيرا مستغرب : ليه وش تبين فيه ...
آيا : ابي اروح ارتبه بما اني فاضية اليوم .. عشان بكره ترجع وتشوفه مرتب ....
اكيرا يمسك يدها بحنان : ما تقصرين بس ما يحتاج تتعبين نفسك الخدم اقدر اطلبهم وهم اللي يجون ويرتبونه ...
آيا تناظره : لكنك ما تحب احد يرتب غرفتك من الخدم ... عشان كذا انا بروح وارتبها ...
اكيرا بابتسامة: اذا كنتي مصرة انا ماعندي مانع ..
بعدها شد على يدها : اجل يالله تعالي نروح للبيت عشان اعطيكياه ...
آيا بابتسامة رضا : يالله ....
ويروحون للبيت وياخذ اكيرا شنطته ويعطي آيا المفتاح ويروح وتبقى آيا في بيت اكيرا ....
آيا : من وين ابدا ..؟؟
وتجلس آيا تنظف المكان ... وتدخل المطبخ وتشوف الفاكهة ...
آيا : وزي العادة يا اكيرا الفاكهة عندك هرم ولا تاكلها ....
ثم تروح للدور الثاني وتدخل غرفة اكيرا ...
وترتب السرير ثم تروح للدولاب وتسفط الملابس ثم تروح لمكتب اكيرا .. وهي قاعدة ترتبه تشوف ملف ازرق تحت كل الاوراق ....
تطلعة آيا وتفتحه ....
وتشوف فيه صور .. قديمة وجديده .. وبعض الاوراق ..
تتفرج آيا على الصور القديمة ...
آيا : هذا شكله نيزو ما تغير من ذاك الوقت .... وهذا شكله اندو ... واو مره متغير في الصورة ...
بعدها اخذت الاوراق تقرأ ايش مكتوب فيها
بدت تقرا بصوت عالي شوي : إن بعض القول فن _ فاجعل الإصغاء فناً .... نحن نحب الماضي لأنه ذهب , ولو عاد لكرهناه ...
لا تستحِ من إعطاء القليل فإن الحرمان اقل منه ... الصديق القديم يعطي لماضيك معنى، والصديق الجديد، يعطي لحاضرك طراوة ..
عندما تقول أحبك فلا بد أن تعنيها ... عندما تدرك أنك أخطأت , قم بتصحيح ذلك مباشرة ...
وتسكر آيا الورقة : واو وش هالكلام الروعة يا اكيرا .... حتى انت تكتب هالكلمات ...؟؟
ثم شوي تقلب الورقة وتشوف مكتوب بخط صغير ... من صديقك المخلص والناصح لك " اندو ^_^ " ...
آيا بابتسامة : صرت انت صاحب هالكلام الرائع يا اندو ... الحين بس عرفت مين اللي طالع على الثاني ... انت الاساس ..
وبعد ربع ساعة سمعت صوت جرس ..
آيا باستفهام : مين اللي جاي هالوقت ؟
وتحّول تحت وتشوف من الكاميرا ...
آيا : اندو ؟!
وتروح وتفتح الباب ....
اندو بابتسامه : بوو ؟!
آيا مرتاعه تحط يدها على صدرها : يمه..
اندو مرتاع : آيا ..!!
آيا تهز راسها بدون ما تنطق ..
اندو ضاع ما يدري وش يسوي من جد روع البنت : آسف آيا والله توقعتك اكيرا قلت بسوي فيه مقلب.. والله ما كنت قاصد آسف..
آيا تهز راسها يعني عادي ما صار شيء: ..
اندو لازال مأنهبه تضميره فألتزم الصمت..
آيا لما شافته جلست تضحك: ههههههه
اندو انهبل قال البنت اكيد انجنت ناظرها مرتاع..
ايا تضحك على شكله : ههه تصدق اني داريه انك انت اللي عند الباب ومع ذلك خفت ..
اندو يضحك يسايرها : هههه اجل وين اكيرا ؟؟
آيا : مو موجود سافر ...
اندو : وين سافر له غريبه ماقالي ...... ؟؟
آيا : عمي وكّله بمهمة وراح ينجزها كل شيء صار بسرعه حتى انا مادريت الا اليوم في المدرسه بس ترى ما راح يطول بكره بيرجع ....
اندو : طيب انتي ليه هنا ؟
آيا : انا جيت انظف وارتب البيت .... انت قولي اش اخبارك بعد امس ؟؟
اندو : الحمد الله احسن يالله انا بروح ..
آيا : لا وين تروح تفضل شوي ...
اندو : لا لا خلاص اجي بكره ..
آيا : طيب ادخل على الاقل خلينا نشرب العصير مع بعض ...
وتسحب يده : يالله يا اندو ليه انت دائما متردد ...
ويدخلون للبيت .. وتجلس هي وياه في الصالة..
آيا : مايخالف اندو ثواني وانا جاية..
تروح آيا تسوي بالفاكهة عصير..
بعد 5 دقايق ...
آيا بابتسامة : احلى عصير فرش لاندو ...
اندو : مشكورة ..
آيا : وش تحب أي نوع من العصيرات .... ترا كل شيء موجود ..
اندو : لا خلاص يكفي البرتقال...
آيا : ترى كل انواع الفاكهة موجوده ... اكيرا مسرف ومخلي الفاكهه بالكوم في المطبخ بدون ما ياكلها بس يخليها تخرب ... فقلت اعصرها عشان نستفيد منها
اندو يشرب شوي : حلو تسلمين ....
آيا :الله يسلمك يا شاعرنا الرائع ....
اندو : مشكورة ..
آيا : الا صح .. ما بعد كملت الشعر اللي قد قلته لي من قبل ؟؟
اندو في نفسه : ليه تسألين عنه ؟؟
اندو بدون اهتمام : ايه كملته ..
آيا تميل فمها بزعله : ليش ما سمعتني اياه مو انا قايله اول ما تخلصها تعلمني ..
اندو في نفسه : يارب وش هالبلوى ؟: معليش كنت مشغول ولا قدرت اسمّعك اياه ...
آيا بحماس: حافضها الحين ؟؟
اندو بتفكير : امم لا لو بقولها بيكون فيها اغلاط ...
آيا مستانسه : انت من زمان تكتب خواطر او كلمات معبرة ؟؟
اندو يحط العصير على الطاولة : ايه ..
آيا : ودي اشوف كل اللي كاتبه لان فيها كلام مأثر في نفسي .... اندو انت تكتب اللي داخلك واللي تحس فيه ؟؟
اندو يتسند ويوخر نظره عنها : الاغلب اني اكتب اللي داخلي ...
آيا بتفكير: اندو اليوم انت فارغ ؟؟
اندو التفت عليها باستغراب : ايه ليه وش عندك ؟؟
آيا بابتسامة : ودي تجيب اشعارك وخواطرك ونقراها في مكان احبه .....
اندو في نفسه: لالالا ما ابي تكفين فكيني الا هالشيء ما ابي اروح مكان لحالنا لاتزيدين علي .. مكان تحبينه بعد .. لا راح يكون كل شيء صعب علي ..
اندو مايدري وش يقول : هه مكان تحبينه ؟؟
آيا تهز راسها : ايه طبعا اذا ما كان عندك مانع ....
اندو في نفسه: لازم ما احسسها بشيء اكثر لانها راح تسألني ....
اندو يبتسم مجامله : لا ماعندي مانع في اي وقت تبين عادي
آيا فرحانه : خلاص اتفقنا...
حددت آيا الوقت اللي راح يلتقون فيه ..
اندو وقف : شكرا على الضيافه .....
آيا تبتسم : حياك في أي وقت ....
يمشي اندو متوجه للباب وآيا توصله .....
آيا : الا صح وش كنت تبي من اكيرا ؟؟
اندو : جيت آخذ سيارتي ....
آيا : اها يالله بكره راح يجي ...
اندو : طيب انا استأذن يالله مع السلامة
آيا : مع السلامة ....
وبعدها طلع اندو ورجعت آيا تكمل ترتيب الغرفه ..
و بعد ساعه ونصف [ عند النهر ] :.
اندو وصل للمكان المحدد شاف آيا تتفكر في النهر اللي قدامها ومع اضاءة القمر صاير شكلها فاااااااااااتن
اندو: يا الله يا آيا حتى مكانك حلو وجميل مثلك ..
اندو انتبه انه يتكلم بهمس : اندو هي ارجع لصوابك هذي حبيبة ولد عمك انتبه ..
تقدم لها اندو : عسى ما تأخرت معليش بس لاني ما دليت المكان صح ....
آيا تلتفت عليه بابتسامة ثم وقفت : لا ابدا ما تأخرت ....
اندو في نفسه : حتى ابتسامتك حلوة ..
ابتسم اندو : هذا المكان اللي تحبينه ؟؟
آيا تتقدم للنهر : ايه هذا المكان كثير ما جلست انا وصديقتي العزيزة فيه وبعد كل ما حسيت بضيقه اجلس هنا ... اذا كان النهر قدامك ولونه اسود والقمر ساطع عليه .. يكون منظر يحتاج تأمُل .... اجلس هنا في اسعد اوقاتي واضوقها .... عشان كذا انا احب هالمكان ....
وتلتفت آيا عليه وتغمز : ويكون اجمل اذا كتبتَ شعرك هنا ..... وانا اسمعه هههه
اندو يشوفها ويبتسم ويقول في نفسه : أميره{بكلمتك}ذوق{بهمستك}حلوه{بضحكتك}عذااب{بغيبتك}أتمنى{شوفتك}اغليك وارتاحلك ..وان غبتِ اشتاقلك من يعرفك{يحبك}ومن يحبك{يهواك}ومن يهواك{ماينساك}ومن ينساك{مايعرف غلاك} ....
آيا تستهبل تسوي نفسها مستحية : اندو وراك تشوفني كذا ... تراك تحرجني ..
اندو انتبه : اوه آسف ...
آيا تضحك : هههههه امزح امزح ..
وتقرب من عنده : هاه جبت خواطرك واشعارك ؟؟
اندو : ايه .....
آيا تجلس : يالله اجل اول شيء تقولي شعرك اللي كملته ....
اندو : مره متحمسه ....
آيا : ايه يله قول تكفى ....
يفتح اندو الورقة ويبدا يقراها بصوت مسموع : ياقلب لاتشكي همومك على الناس
ماكل شخص(ن)يعذرك في مصابك
لاتسكب الدمعه على خد حسـاس
ولا تحرق اوراق الزهر في عتابك
ولا تضيق الصدر المولع بالانفاس
ولاتقطع عروق(ن)بكت عند بابك
ياقلب والله مابقى بعيني نعـاس
يومك شكيت الحب محد(ن)درا بك
النار ماتحرق سوى رجل من داس
واللي كواه الحب يفهـم خطابـك
قبلك شرب مجنون ليله من الكاس
واليوم نفس الكاس تسقى شرابك
ياقلب اعرف معدنك معدن الماس
توفي الحبيب الروح لو هو رما بـك
ياقلب خلك بالشدايد قـوى بـاس
لا تلتفت للجرح لوهـو سطا بـك
ياقلب لا تسقي عروقك من الياس
وخل الامل والصدق دايم زهابـك
مادام طاحت فاسك اليوم بالـراس
اعذر جميع الناس واخفي عذابـك .......
لما خلصها حس بضيق ما عرف كيف يتكلم
اندو في نفسه : اندو انتبه لا تفضح نفسك تحمل لا تخليها تنتبه لك..
آيا تصفق فرحانه : واو واو واو كلام اكثر من روعة يا اندو ....
اندو ما يرد ولا يبتسم حتى ..
آيا تغيرت ملامحها من فرحه الى استفهام : اندو وش فيك ؟؟ انت كاتب هذا الكلام على ذيك البنـ...
اندو يعطيها ظهره و يقطع كلامها : ايه ... كتبته عليها .....
آيا وقفت : ودي لو تعرفّني عليها ..... ودي اكلمها واشوف حالها ..... ودي اشوفـ...
اندو يسكتها ما يبيها تكمل : لا مايحتاج هي حالها زينه وهي في اسعد اوقاتها الحين ....
آيا تقرب منه : تتكلم معها يا اندو ؟؟
اندو يقرب للنهر : ايه اتكلم معها كثير ... لكن هي تعتبرني صديق لا اكثر .....
آيا بضيقه : آآه ...
آيا ودها تغير الموضوع بالمره ... قربت منه وضربته بخفه على كتفه وتلتفت وتبتسم في وجهه ممكن آخذ صوره..
اندو انتفض من حركتها ..
آيا تضحك : ههههه لما الخوف يا فتى .. ؟؟
اندو يناظرها مبلم هذي مو صاحية وفجأه شاف اذنيها وبدون مقدمات : آيا
آيا باهتمام : نعم ..
اندو يناظر حلقها : ما زلتي تلبسين الحلق اللي عطيتكياه ؟؟
آيا وهي تلمس حلقها : ايه انا احب اذا عطاني احد هدية تنلبس البسها طول الوقت .. وحتى حلقك من ذاك الوقت والى الان ما فسخته ولا مره .. الا عند النوم هههه
اندو : فيه احد معطيك شيء ثاني ؟؟
آيا ترفع جوالها : ايه هذي العلاقة من صديقتي العزيزة ...
ثم توريه الاسواره : وهذا الاسواره من اعز انسان ...
اندو : وهذا الحلق ؟؟
آيا بفكير : امممم ... من افضل شاعــــــــر ...
وتبتسم في وجهه ثم توقف ..
آيا : ما ودك نشرب كافي ..
اندو ساكت ...
آيا : يله اجل على حسابي .. انتظرني شوي ..
وتروح آيا ....
اندو : من اعز صديق ومن اعز انسان .... وانا من افضل شاعر بس ؟؟ ماني عزيز ابداً عليك يا آيا ......
ويوقف اندو ويمشي ...
آيا عند كشك الكافي ..
آيا : شكرا ..
صاحب المحل : عفوا ...
وتروح آيا تركض للمكان وهي ماسكه الكوبين ...
آيا مستغربه : وين راح ؟؟
وتتلفت ولا تلقاه .... وآيا تشوف من جنب النهر .. والجنب الثاني يمر اندو بسيارته ويتعداها ......
آيا تجلس بنفس المكان وتحط الكوب .....
آيا بضيقه : وش فيه ؟؟ ليه راح كذا فجأه ؟ انا قايله لك اني بارجع ..... اندو من جد ما عرفت لك ..
وآيا سرحانه تشرب رشفة من الكافي وينكب على لبسها ... آيا تصارخ وتقوم وينكب الكافي على الارض ..
آيا تنفض بلوزتها : آآآآه .... آآآآآي .... حار حرقني .. احوووووك ..
وتقوم آيا وتقرب من النهر وتغسل فمها ورقبتها اللي توسخو من الكافي ..
آيا تتلمس ذقنها : ياربي مره ويألم ...
تطّلع مراية من شنطتها وتحط عليه كريم ..
آيا : واو احمر و حار ...
وتسكر المراية وتقول في نفسها : انا الحين احس بحرارة عادية والم بسيط كلها ساعات ويختفي .. لكن شلون الم اندو وشلون كانت الحرارة اللي في قلبه .... ؟؟
وتقوم آيا وتروح للبيت ...
اندو يدخل غرفته ويرمي مفتاح السيارة على الطاوله ويفسخ جيكيته ويرميه على الكرسي وينسدح على السرير ويحط يده على عيونه ..
اندو : ليـــــه ؟؟ ليــــــــــــه ؟! ليه رحت وخليتاها يا اندو ؟؟ آيا ليه تعامليني كذا ؟؟ ليه ما فيه حتى مكان لي في قلبك ؟؟ انا اتعب كثير ... انا تعبان .. تعبان ... وابي احد يداويني ...
ويقوم يقعد وينزل رجوله من على السرير ويمسك شعره بيدينه الثنتين ....
اندو : اذا كنت تحبها صدق .. فلازم تبعد وتخليها تعيش حياتها سعيده مع من تحب ... لكن اظهر لها اذا كانت في اصعب اوقاتها لعلها تشوفك .... اسف آيا لكن عشانك بس ... ما راح تشوفين افضل شاعر الا في المناسبات ......
في غرفة آيا :.
آيا جوا الحمام تتروش وتكلم نفسها : هل يمكن يوم اجرح احد بدون ما ادري ؟؟ هل يوم راح اندم على شيء اسويه بدون ما ادري ؟؟ لكنـ.. انا اذا جرحت احد لازم انا نفسي اداويه .. ولازم ما اندم ابدا ... واذا ندمت اتمنى يكون قدامي فرصة اصلح اللي ندمت عليه ..
وتطلع من الحمام وتوقف قدام المراية تمشط شعرها : انا الحين عرفت من وين اكيرا كان يجيب قوته .... كلمات اندو ثمينه ....
[[ إن بعض القول فن _ فاجعل الإصغاء فناً .... نحن نحب الماضي لأنه ذهب , ولو عاد لكرهناه ...لا تستحِ من إعطاء القليل فإن الحرمان اقل منه ... عندما تقول أحبك فلا بد أن تعنيها ... عندما تدرك أنك أخطأت , قم بتصحيح ذلك مباشرة ... ]] اندو حساس وانجرح .... راح يكون صعب كثير انه يتحمل اللي داخله .. ليتني يا اندو اساعدك لانك شخص عزيز علي ...... وحتى في شعرك الاخير خاطبت نفسك بقول " اعذر جميع الناس واخفي عذابك " .. هل كانت نصيحتك لنفسك يا اندو ؟؟
وبعد شوي يرن جوال آيا تروح له بسرعه ويصير اكيرا ..
آيا : اكيرا .....
اكيرا : هلا آيا ؟؟ كيف حالك ؟؟
آيا : انا تمام ... كيفك انت ؟؟ خلصت اشغالك ؟؟
اكيرا : ايه وان شاء الله بكره راح اكون في طوكيو الظهر ....
آيا : كيف كان العمل ؟ متعب ؟
اكيرا : المتعب هو فرقاك ...
آيا انحرجت من كلمته : وانا اشتقت لك كثير .....
اكيرا بابتسامة : يله حبي تصبحين على خيــر ...
آيا : وانت بخيــر .....
وينتهي اليوم على كذا .. لتمر الايام وتجي مناسبه ويحضرها آيا واكيرا ....
آيا تشوف اندو وتروح له ....
آيا بابتسامة : هلا اندو كيف حالك ؟؟
ويمشي اندو حتى ما التفت عليها ...
اندو يكلم واحد ثاني : خلينا نشوف هناك ...
ويروح وآيا واقفه في مكانها ...
آيا في نفسها : اندو ليه يوم شفتك بعد فتره طويله حتى السلام ما تسّلم علي ؟؟
وتنزل راسها وهي ضايق صدرها ...
ويلتفت عليها اندو وهو يمشي ثم يقول في نفسه : آسف يا آيا .... لاني ما اقدر اشوفك حتى ... آسف
تروح ماري لآيا ...
ماري : وش فيك يا آيا ؟؟
آيا : ما ادري لكن اندو من زمان ما شفته ويوم شفته انشغل ولا شافني ..
ماري : والله ؟؟ عاد اندو يحب يكلمك عادي ...
آيا : مع اني من زمان ما شفته ...
ماري : من متى ؟؟
آيا : تقريبا من ذاك اليوم اللي سويتو فيه حفله عشان حمل شيري ....
ماري : والله ؟؟ يوه يعني تقريبا من شهر الا يومين .....
آيا : بس راح اتجاهل هالشيء واقول يمكن ما شافني ..
ماري : يوووه ما بقى غير شهر ونخلص من الثانوي وندخل الجامعه ...
آيا : الجامعه ؟؟ يعني التخرج من الثانوي ؟؟ يااااه يا سرع الايام ..
ماري : وانتي الصادقة .... يا سرعها من جد ..
وتمر الايام والحاله ما تغيرت .... لين يجي يوم التخرج ...
لنرا الاحداث الجديدة في الجزء القادم .... لنترقبها ^_* .....
0 التعليقات:
إرسال تعليق