وتجي سياره مسرعه متجهه لهم ..
اندو : آيا انتبهي ....
آيا تلتفت على اندو ...
وتوقف السياره عند آيا وتحول منها ماري وتخم آيا ...
آيا متفاجئة : ماري ؟؟!
ويركض اندو ويشوف انها ماري ...
اندو : ماري ؟؟
ماري تبعد عن آيا ..
ماري : آسفة آيا .. ما كنت ادري انك كنتي تعرفين ان اكيرا كان بيجي .... ابوي كان يبيـ...
ويمسكها اندو ويحط يده على فمها ...
آيا : اندو ؟؟
ويبعد اندو ...
اندو وهو متورط : ههه ممكن اكلمك شوي يا ماري .....
ماري : وش عندك ؟؟
اندو : آيا اركبي السياره انا ابي اكلم ماري شوي ..
آيا : طيب ..
وتروح آيا وتركب ورا ..
اندو : انتي شلون عرفتي المكان ؟؟
ماري : انت شلون وصلت هنا ؟؟
اندو : ما يهم ... المهم لا تقولين أي شيء عن الخطبه لآيا ... فهمتي ؟؟
ماري : ليه لكن آيا اذا ما عرفت بتكره اكيرا ....
اندو : انا خلاص حليت المشكله قبلك .. خلاص خلينا الحين نوصلها للبيت ولا تحاولين تفتحين هالموضوع معها مره ثانيه ... اوكي ...
ماري : اوكي ...
ويروحون يركبون السياره وطبعا ماري هي السائق عشان السياره سيارتها واندو راكب قدام وآيا في المرتبه الورانيه ...
يلتفت اندو على آيا ويشوفها نايمة ..
اندو : امداها تنوم ؟؟
ماري : شكلها تعبانه شوي ...
اندو : اكيد بتتعب عقب اليوم ......
ماري : انت اللي معلم آيا صح ؟؟
اندو : لاني انا الوحيد اللي اقدر اجيب لها اخبار اكيرا ...
ماري : اتصلت باكيرا وعلمني على مكانها عشان كذا علطول سكرت منه السماعة وجيت طايره لآيا .. ما توقعت انك سابقني لها ...
اندو : بعد ما كلمت اكيرا رحت علطول لآيا ... وصلحت كل الامور .. لكن .. كيف عرف اكيرا ان عمي يبي يزوجه ؟؟
ماري : انا علمته
اندو : انتي ؟؟
ماري : سمعت ابوي يكلم امي عن الخطوبه وبدون ما يدرون دقيت على اكيرا وقلت له ما يجي ... لاني مستحيل اخلي اكيرا ياخذ شخص غير آيا ..
اندو : طيب لين متى اكيرا ما راح يجي ؟؟
ماري : المشكله اني ما ادري ابوي متى ناوي يخطب له .. انا قلت لاكيرا لا يجي السنه هذي ابدا لليابان ...
اندو : ابوك يشك بآيا انها السبب ؟؟
ماري : ما ادري .. لكن هو شك اني انا اللي معلمه اكيرا ... لكن بطريقة قدرت ابعد الشك عني ..
اندو : لكن اعتقد انه فيه شك لو بسيط بآيا ....
ماري : وليه اصلا يشك بآيا ؟؟
اندو : ما ادري لكن احس ان عمي بيحاول يدور آيا هاليومين ...
ماري : تقصد انه بيقابلها ...
اندو : اخاف يقابلها ويقول لها كلام يحزنها .......
ماري : اجل لازم نبعد آيا عن انظاره ...
اندو : وين بتودينها ؟؟
ماري : ما ادري ..
اندو : ما فيه الا مكان واحد ما راح يخطر في بال عمي ..
ماري : ما يخطر بباله ؟؟
اندو : أيـــه ... بس لازم تساعديني شوي ...
ماري : اوكي ..
اندو : اسمعيني زين ....
ويقولها اللي عنده ...
ويروحون لبيت ابو اكيرا :.
ماري حاول تخفي نفسك لان ابوي دائما يحب يطل ويشوفني وانا اركب السياره ....
اندو : اوكي ...
وتحول ماري وتدخل للبيت وهي تركض متجهه للدرج ...
الابو والام جالسين في الصاله ..
الام : ماري .. وش فيك مستعجله ؟
ماري : فيه شيء نسيته في غرفتي وبروح اجيبه وارجع للبنات ..
الابو : لكن الوقت متأخر المفروض ترجعين للبيت خلاص ..
ماري : طيب طيب الحين بروح اودي لها هالغرض وارجع بس ...
الابو : لا تتأخرين ..
ماري : اكيد ..
وتروح ماري بسرعة لفوق وتدخل لمكتب ابوها وتفتح درج المفاتيح ...
ماري : هذا هو ...
وتاخذ مفتاح وتحطه في شنطتها وتحول ....
ماري : باي ...
الابو : علطول ارجعي ...
ماري : اوكي ...
وتروح ماري وتركب سيارتها وابوها يطل عليها من الدريشة ...
تمشي شوي بالسياره وتطلعها على الشارع ..
يقوم اندو ويجلس على المرتبه زين ...
اندو : يوه عورني ظهري وانا داعس نفسي في هالخفس ...
ماري : آسفة ..
اندو : اهم شيء جبتي المفتاح ..
ماري : اكيد ...
ويروحون ويوقفون قدام فلة اكيرا ..
ماري : شلون جاء على بالك بيت اكيرا ؟؟
اندو : لانه هو المكان الوحيد اللي مستحيل يخطر في بال عمي ....
وتفتح ماري البيت بالمفتاح ..
اندو : يوه كنت ناسي ... اكيد البيت مغبر ...
ماري : لا مو مغبر ...
اندو : هاه ؟؟
ماري : لا تنسى ان الكل كان يحسب ان اكيرا بيجي عشان كذا ابوي طلب امس من الخدم انهم ينظفون بيت اكيرا له ... عشان كذا الحين هو نظيف .
اندو : اوه كأنه مجهز لآيا .....
ماري : اندو روح شيل آيا فيما افتح الانوار ...
ويروح اندو ويشيل آيا على ظهره ... ويرقا بها لفوق ....
اندو : وين احطها ؟؟
ماري : ما نظفوا غرفتي عشان كذا حطها في غرفة اكيرا ...
وتفتح ماري غرفة اكيرا ويحط اندو آيا على السرير ....
اندو : لازم تجلسين عندها يا ماري ما ينفع تجلس لحالها ...
ماري : توني جايه اقول نفس الكلام ... لكن آسفة انا ما اقدر اقعد عندها ... عشان كذا ممكن تجلس عندها يا اندو ..
اندو : ليه ؟؟
ماري : ابوي ما يسمح لي اني ابيت عند أي احد ... عشان كذا بيشك واخاف يدري عن آيا ...
ويطفون اللمبات ويحولون تحت ..
ماري : آسفة اني اجبرك على هالشيء .. لكنـ...
ويقطع اندو كلامها : لا يهمك شيء .. لكن بأطلب منك طلب ..
ماري : وشو ؟؟
اندو : بروح معك ابيك توديني لبيتنا عشان اخذ سيارتي ...
ماري : اوكي ..
ويروحون وياخذ اندو سيارته ...
اندو : تصبحين على خير ..
ماري تبتسم : وانت من اهله ...
ويفترقون ويرجع اندو لبيت اكيرا ويدخل ويجلس على الكنبة ثم ينسدح ويحط يده على عيونه ..
اندو : اللي صار اليوم غريب .. كأنه لمصلحتي ..... لكن اعتقد ان آيا تشوفني كاكيرا .. لكن ليه كل مره اسمع آيا فيها تتكلم عن اكيرا احس ان قلبي ينعصر .. انا من قبل ما احبها وانا عارف انها تحب اكيرا ... فليه الحين انقهر .. انا احب اكيرا واتمنى له السعاده وفي نفس الوقت ما ابي ادمر سعادة آيا .. ما اعرف اذا كانت آيا تكن لي اية مشاعر ..لكن في بعض الاحيان اعتقد ان عندها كلام تبي توجهه لي لكن ما تعرف ... لكن راح انتظرها لين ترتب الكلام اللي تبي تقوله لي ...
ويغمض عيونه ويغط في النوم ... وبعد مرور 5 ساعات .. يعني الساعة بتكون 5 الفجر ..
آيا بدت تتقلب ثم فتحت عيونها ..
آيا وهي تشوف السقف : هذا المكان ؟؟ وين ؟؟
ثم تفز وتتلفت ..
آيا : هذي الغرفة ؟؟ غرفة اكيرا ...
آيا بتفكير : لكن انا ليش في غرفة اكيرا ..؟؟
وتقوم وتفتح الباب ...
آيا : انا في حلم ؟؟ صدق انا في بيت اكيرا ... ؟
وتقرب وتطل على الصاله وتشوف اندو نايم على الكنبه ..
آيا : اندو .... هو اللي جابني لبيت اكيرا ..؟؟ لحظه لحظه انا كنت في سيارة ماري يوم كان اندو يبي يكلمها شوي .... شكلي نمت من جد في السيارة
وتروح آيا لغرفة اكيرا وتفتح الدرج وتشوف فيه اوراق وقلامه ...
آيا : انا حمّلت اندو فوق طاقته احسني مللته دائما .. دائما اخليه يشيل معي همومي ... هذي المره لازم ابعد انظاري عنه وابعد ...
وتحول آيا وتحط ورقة على الطاوله اللي قدام اندو ...
آيا تشوفه وهي مبتسمه : مع السلامــة اندو .. وشكرا على كل شيء .....
وتطلع برا البيت وتلتفت على بيت اكيرا ....
آيا : حنيت لهالمكان كثير .... لكن ما اصلح اكون فيه بدون صاحبه .....
وتروح تمشي ..... تدخل لبيتهم وتروح لغرفتها وتاخذ اغراضها ... تكتب ورقه وتحطها على طاوله المطبخ ... تطلع وتروح تركب السياره ...
اندو يتقلب وصدمت يده في طرف الطاوله .. يبعد يده ويقوم ..
اندو وهو ماسك يده : احح طقيت نفسي بقوه ..
يشوف ساعته .....
اندو : واو يا سرع الوقت توقعتها بس غفوه والحين الساعة 6 الا ربع ...
ويقوم ويشوف الورقة على الطاوله ..
اندو : وش هالورقة ؟؟
يروح يفتح اللمبة ويقراها .. والمكتوب كالتالي ( آسفة على كل شيء سببته لك .. راح ارجع من المكان اللي كنت فيه .. شكرا اندو .. آيـــــا )
اندو : هذي البنت بتجنني ..
ويروح بسرعة يركب السياره ...
اندو : هذي وين راحت بالضبط الحين ؟؟
ويروح يوقف عند باب بيتهم ولا يشوف سيارتها موجوده ... يشوف مكان السياره بسبب الثلج واضح ان السياره مو من زمان مأخوذه..
اندو : معناها انها توها رايحه ....
وهو يمشي يمر من عند النهر ويشوف ان النهار بدا يهل والشمس بتشرق ...
اندو : معقوله تكون في هذا الوقت .... يمكن ...
ويروح بسيارته طاير .....
آيا تلبق في نفس المكان اللي وداها اندو له المره السابقة في وقت الشروق .....
آيا : يااه النسيم بجد روعه هنا ...
وتقعد تشوف شروق الشمس وهي مبتسمه ... يوصل اندو ويحول .....
اندو : آيـــا ~ ....
تلتفت آيا وتشوفه ....
آيا : اندو ؟؟ انت صحيت ؟؟
اندو : ليــه ..... ليه تروحين كذا بصمت ؟؟
آيا : انا كتبت لك ورقه علمتك فيها اني باروح ......
اندو : ما فيك حتى فضول تعرفين ليه كنتي في بيت اكيرا ؟؟
آيا : هو اكيد بيكون فيني فضول لكن تبيني اقومك من نومك عشان اسألك ؟؟
اندو : انتي ليه رحتي كذا فجأه .. مو قلتي انك بتروحين بكره ؟؟
آيا : واليوم وش يصير ؟؟ انا قلت هذا الكلام امس معناه اني بأرجع للسكن اليوم ..
اندو : من الفجر ؟؟؟؟
آيا في نفسها : عشانك رحت من هالوقت .....
اندو : ليه الى الان ما سألتيني ؟؟
آيا : ما احتاج اسأل اذا كنت من اساس راح اترك المكان ..... انا بأرجع للسكن واعتقد بدال ما اجلس في بيت غيري ارجع لمكاني الصحيح ولا اكون عبء على احد .....
اندو : آيـــا ...
آيا : خلاص الموضوع واضح ... اكيرا ما جاء من بريطانيا واهلي اكيد يبون يسألوني عن يومي .... انا ما اقدر اقولهم ان اكيرا ما جاء .... وشوله اجلس خليني ارجع للسكن احسن انا فيني فيني ارجع اليوم سواء الفجر او العصر .... ما تفرق ....
آيا عضت على شفايفها : وبما اني في هالوقت ما زلت اقدر احكم في نفسي ... راح ابعد بقدر المستطاع ....
اندو : يعني تعلميني انك بس عشان اكيرا ما جاء واهلك تنحرجين تقولين لهم انه ما جاء ... ما تحسين باي شخص حولك ؟ بأي شخص يهتم لك ؟!!
آيا : اندو ....
اندو : على الاقل قومتيني وقلتيلي بنفسك هالكلام مو تكتبين على ورق ؟؟
آيا : اندو ..انا من فتره كتبت كلام طالع من قلبي .. بغيت اوجهه لشخص كان من اهم الناس .. وافضلهم .. واسميه الصديق المخلص الوافي ... صح ان كلامي اناني .. لكن كان مو بس مجرد كلام .. كان خطاب ... خطاب من خوفي من شيء اخاف يحصل وحينها راح احزنـــ...
ويقطع اندو كلامها : قولي .. راح اسمع ...
آيا : اندو ...
اندو : احب اسمع الكلمات اللي تكتبينها .. عشان كذا قولي هذي الكلمات واذا كان فيها اية اخطاء راح اصححها ..
آيا عضت على شفايفها : يعني انت ما تقدر تتعرف على هذا الشخص ....؟؟
اندو : اللي اعرفه انه لشخص كان من اهم الناس بالنسبه لك .. وافضلهم .. وتسمينه الصديق المخلص الوافي ......
آيا بدت تتعبر : طيب ما قدرت تعرف من هذا الشخص ؟؟
اندو : انا ما اعرف من هذا الشخص .. لكن بطريقة كلامك اعتقد انه ..
آيا تناظره بتحمس ..
اندو : انه شخص محترم ......
آيا : بـــس ؟!
اندو : أيـــــه ....
آيا : اجل عشان تقدر تتعرف عليه ... راح اسمعك كلماتي ..
اندو يناظرها بدهشة ..
آيا في نفسها : ليه ما تحاول انك تحط نفسك من ضمن الاختيارات ؟؟
آيا تاخذ نفس عميق : اندو اسمعني بكل عناية ..... " أمانه لا تجي منك ... مواقف تجرح الاحساس .. انا من غيرك اشكي له اذا صار الزمن قاسي ... أمانه لا تخليني على همي اعد خطاي انا قلبي يعذبني وفكري بالزمن سارح ... وأمانة لا تخليني اذا نفسك تبي فرقاي انا مابي يجيلي يوم واكون لعزتي جارح .... "
وتلتفت آيا على اندو : هاه ؟؟
اندو بدون ما يلتفت عليها ابتسم بسمه خفيفة : حلوه ....
آيا : يعني ما قدرت تتعرف على هذا الشخص ؟؟
اندو في نفسه : يمكن ...
اندو : ما تقدرين تعلميني مو هو ؟؟
آيا بحمقة : ليـــه تسوي نفسك غبي ؟؟
اندو بدهشة : غبي ؟؟
آيا : مين اللي دائما اشكي له همومي ؟؟ مين اللي في اوقات ضيقي القاه ؟؟ مين اللي ساعدني بالرغم من فراقي من اكيرا ؟؟ مين اللي .. مين اللي ..
وحطت يدها على قلبها ...
آيا : مين اللي معي في هاللحظة ؟؟
اندو بدهشة يناظرها ...
آيا بصوت عالي : ليه ما تحاول تقول انا ؟؟!! انت يا اندو .... هو هذا الشخص ...
والتفتت من الجهة الثانيه وهي ما تعرف شلون قالت كذا ....
اندو : انـــــا ....
وتلتفت آيا عليه بدهشة ....
اندو : اذا كنت انا .... فهل لي مكان في قلبك ؟؟
آيا تناظره بتعجب ..
آيا : اكتشف هالشيء من نفسك ......
وتمشي شوي ... وهي معطيته ظهرها ....
آيا : انا قلت كل اللي عندي ... لا تتبعني اكثر وارتاح مني ... اندو .. شكرا وآسفة على كل شيء ...
وتركض وتروح تركب سيارتها ..... اندو يناظرها لين اختفت عن انظاره ...
اندو يبتسم بسة حزن : انا اللي اشكرك اكثر ..
ويلتفت على جهة النهر ...
اندو تنزل منه دموع .. ثم يمسح على خده ويشوف الدمع في يده
اندو : طلعتي من حرارة قلبي ؟؟ مالك نصيب يا اندو .... المفروض انك عارف هالشيء من زمااااان .......
آيا في السيارة حاطة يدها على فمها وهي تبكي ...
آيا : اندو.... آسفــــــــه .... آسفه على انانيتي ...... آسفه اني حبيتك ...
وبعد مرور الوقت يتصل اندو على ماري ويقولها عن روحة آيا ..
المكالمة :.
اندو : ... وراحت للسكن ..
ماري : زين .. وانا بعد تأكدت من ابوي والخطوبة ...
اندو : كيف ؟؟
ماري : انتهى كل شيء ... وابوي ما بحث عن آيا ولا فكر فيها ....
اندو : يكون احسن ...
ماري : مثل ما قلت .. احسن .....
وآيا جالسة في الليل تطل من الدريشة وهي تناظر السماء ..
تدخل عليها يوكي ..
يوكي : آيــــــا ~ ..
تلتف آيا عليها وعيونها مليانه دموع : يوكي .. ما جاء يقابلني ... عشانه يحبني ..
يوكي : آيـــــا .. حصل شيء .. صح ؟
آيا تخم يوكي وتصيح ...
آيا : جسمي كله ما يستجيب لي ... وحتى عيوني .. ما قدرت حتى اني احط عيني بعينه اكثر .... تركته بكل انانية ...
يوكي : آيـــا اهدي ....
آيا : ليـــه كل هذا يحصل معي ؟؟
تنتهي الاحداث في هذي الفتره ... لتعود بعد مرور سنة .....
0 التعليقات:
إرسال تعليق