(( الفصل السادس – الجزء 4 ))

كيف يكون ليس لها أي معلومات ؟؟! ...(( الفصل السادس – الجزء 4 ))

في الطلعة :.
يونا تودع آيا : انا ماشية الحين لا تنسين الموعد اليوم ...
آيا بابتسامة : اكيد ...
أكيرا مبسوط يتركى على كتف آيا : اجل اليوم دوريتكم ؟؟
آيا بحيويه : يس ..
أكيرا : كم انتم ؟؟
آيا تفكر : اممم  طبعا انا ويونا و راي وبعض بنات الفصل و بعضهم اللي كانو معي في المتوسط ما اشوفهم الا في هالدورية ..... مجموعنا 11 ...
أكيرا يشيل تده عن كتفها : ما شاء الله .. زين عددكم .... طيب وين ؟؟
آيا : في الكاريوكي ...( عباره عن غرفه فيها تلفزيون و مايكرفونات للي يبغى يغني و جلسه بسيطه و هناك متوفر الشراب و الأكل) 
اكيرا : الساعة كم ؟؟
آيا مبسوطه : لانها ليلة اجازة نروح من الساعة 8 ونرجع آخر اليوم ....
أكيرا مبسوط لها : حلو ... اتمنى لك قضاء امتع الاوقات .....
آيا تزم فمها من الحيا  : اريجاتو ( شكرا ) .... وانتم مو راحين لشيء ؟؟
اكيرا : الا اكيد بنطلع عطله و نجلس ما يصير ..
آيا بابتسامه : وين بتروحون يا اهل الدوران ..
اكيرا ضحك على كلمتها الاخيره : ههه حلوه اهل الدوران طول الله عمرك ( و القارئين ) باطلع انا وسوما ... مسوين تحدي في كره السله ...
آيا بفرحه: ياي حلو تعرف تلعبها ؟؟
اكيرا يعدل لبسه من التفيخر: احم انا اعرف  لكل الالعاب الرياضيه ....
آيا تضربه مع جنبه بكوعها : واو يا حركات انت ..اجل لازم تفوز على سوما ....
اكيرا بحماس : اكيد ...
آيا بتقهره : ترا سوما مو هين ... لا تستخف به ... الحين يفوز عليك ..
اكيرا بتحدي : ههه اعرف ... انا قدها و قدود..
آيا : طيب نشوف.. يالله انا رايحه ..
اكيرا بابتسامة : مع السلامه .. انتبهي لنفسك ..
آيا تبادله نفس الابتسامه  : اوكي مع السلامه ..
تفرقو الاتنين .. ويمر الوقت ..
في غرفة آيا ..
واقفه عند المرايه تحط اللمسه الأخيره : ياي يازين لون هالقلس على فمي 
و لما خلصت و قفت قدام المرايه تشوف شكلها النهائي
آيا : يا حبيلي صايره اجنن و ترسل لنفسها قبله وتاخذ شنطتها و تطلع متوجه لمكان جمعتهم ..
وصلت للكاريوكي و دخلت ...
آيا : هاي بنات ؟؟
يونا بدهشه: مرحبا ..
آيا تلتفت : وين الباقي ؟؟
راي : بعد شوي بيجون ....
يونا : اقول آيا وش هالزين صايره كاوايي  ( لطيف ) ..
آيا تدور على نفسها : شكرا يونا قلبو عيونك الحلوة ..
راي تبي تحرجها : وين اكيرا يشوف هالزين ان كان يدوخ..
ايا توقف : بايخه .. اقول ما ودكم اطربكم ...
يونا بحماس : افا عليك فيه احد يعاف صوت آيا ..
ايا و هي تمسك المايك : تسلمين يا حبي ...
وتوها بتبدأ تغني انطق الباب ..
تروح راي وتفتحه ..
راي تلتفت على آيا : آيا فيه وحده تبيك ؟؟
آيا تأشر على نفسها : تبيني انا  ..
راي : يس انتي ..
آيا مستغربه : من هي ؟؟
راي تتكلم بصوت منخفض: وانا وش يدريني ما اعرفها .... لكن تقول انها تبي تقابلك عاجل ...
آيا بتعجب : طيب انا جاية ...
وتطلع آيا وتشوفها ...
آيا : منـ...
البنت تقطع كلامها : ماعرفتيني يا آيا ؟؟
آيا منصدمه : أنتي ؟! مــــاري !!
ماري : أيه هذي انا ....
آيا تغير وجهها : وش تبين ؟؟
ماري بضيق : فيه احد يقول لصديقة عمره وش تبين بعد غياب ؟؟
آيا تعطيها ظهرها : اكيد اقول لان هالشخص ماهو صديق عمري ولا عاد يهمني .....
ماري تتكلم بندم : آيا .. انا جايتك ابي منكـ .. انك تسامحيني ...
آيا تتحجر الدموع في عيونها وتحاول تكون قويه : وجاية بكل بساطة بعد سنتين تقولين سامحيني ؟؟ شلون تبيني اسامحك بعد اللي سويتيه فيني ... شلون ؟؟
ماري تحط يدها على كتف آيا : كان طيش
آيا تبعد يدها بقوة و تلتفت عليها : اجل تحملي طيشك وارجعي من المكان اللي جيتي منه ولا ابي اشوفك ....
ماري تنزل الدموع منها  : آيا انا مالي احد غيرك الحين يا آيا ...
آيا تدعي القوة : آسفة لكن ما اسامحك .. تعطيها ظهرها و تطلع برا للشارع وتركض الى الاّ مكان مسكره اذانيها و بصراخ حزين : ليه يا ماري ؟؟ .... ليه رجعتي .. ليــــه ؟؟
في غرفه الكاريوكي ::
راي تناظر ساعتها : اقول يونا ..
يونا تلتفت عليها : هلا ..
راي : ما كأن آيا طولت ...
يونا تناظر الساعه : الا والله خلينا نروح نشوف وين  راحت ..
راي : انتي خليك انا بروح ..
يونا : لكن ..
راي : يابنتي لازم وحده تروح ماينفع كلنا بعدين باقي البنات بيلاحظون انا ما ابيهم ينتبهون ..
يونا : معاك حق .. اوكي انتي روحي و انا بجلس ..
وتطلع راي وتشوف ماري ... وهي بتمشي راجعه...
راي بصوت عالي : لو سمحتي ؟
ماري تلتفت : نعم ..
راي : وين آيا ؟؟
ماري : انتي صديقتها ؟؟
راي : ايه ....
ماري بحزن : حاولي انك ما تخسرين آيا مثل غيرك والحين نادم على اللي سواه ...
راي : من انتي ؟؟
ماري: انا ماري ...
راي بتعجب: ماري ؟؟
وتروح ماري بكل صمت ....
راي ترجع : من هذي ووش هالكلام اللي تقوله ؟؟
يونا تناظر راي داخله وتكلم نفسها : راي ؟؟ وين آيا ؟؟
راي تضرب على جبهتها  : يوووه نسيتها ..
يونا : يا الله .....
راي بتساؤل متعجبه : يونا تعرفين من هي ماري .....
يونا بتفكير : امم لا ...
وحده من البنات اللي كانت تدرس مع آيا في المتوسط .. جالسه وانتبهت لكلامهم
البنت التفتت عليهم : انتم قلتو ماري ؟؟
يونا : ايه ..
البنت : وينها ؟؟
يونا : راحت .... انتي تعرفينها ؟؟
البنت : ايه ..... هي صديقة آيا الروح بالروح في المتوسط والابتدائي ....
يونا : وش سالفتها ؟؟
وتعلمهم البنت وش تصير لآيا ......
آيا تدخل للبيت وهي تصيح وتروح لغرفتها وتقفل الباب .... تقعد على السرير ...
في غرفه الكاريوكي ::
يونا : صديقتها الحميمة ؟؟
البنت : ايه .. لكن بعد ما دخلت للثانوي تغيرت كثير .... آيا ما كانت كذا شخصيتها من قبل ..
راي : طيب شلون افترقو ؟؟
البنت : ما ادري لكن هذا كان في آخر يوم في الدراسة (( ثالث متوسط ))....
يونا تناظر راي : تتوقعين اش اللي حصل بينها وبين آيا ؟؟
راي : مدري بس لازم  نعرف .....
آيا جالسه في غرفتها وتحكي مع نفسها ::
آيا : وش اللي رجعك ..... ؟؟ انا كنت مستانسه اني نسيتك ؟؟ ليه ترجعين ..... وترجـّعين جروحي معك ؟؟
أكيرا يدق على آيا ..
أكيرا : وراها ما ترد ....
ويدق مره ثانية ...
يونا تسمع صوت جوال آيا
يونا : آيا نست شنطتها هنا ؟؟
راي : مين اللي يكلمها ؟؟
يونا : هذا اكيرا ؟؟
راي : يمكن عنده خبر ... ردي عليه واسألي عن آيا وماري ....
يونا : الوه
اكيرا : الو آيا ؟؟
يونا : لا انا يونا ......
اكيرا : ليه وين آيا عن الجوال ؟؟
يونا : آيا ... وبعدها حكتله عن كل اللي حصل ..
اكيرا باستغراب : ماري ؟؟
يونا : ايه اسمها ماري .... ما تعرف عنها شيء ؟؟
اكيرا : لا ....
يونا : آآآآآه
اكيرا : يونا انا جاي عطيني شنطتها ....
يونا : طيب ...
بعد ربع ساعه وصل اكيرا ..
دق على الجوال و طلعت له يونا و معها شنطة آيا ..
اكيرا وهو ياخذ الشنطه : شكرا يونا...
يونا : العفو..
طلع اكيرا و ركب سيارته..
اكيرا بتفكير: ماري ؟؟ ... احس ان آيا قد حكت عنها .....
ويقعد يتذكر ...
(( الفصل الثالث – الجزء 2 ))
آيا تنزل منها الدموع: انا كان لي صديقة عمر حبيتها من قلبي ... درست معها الابتدائي وبعد المتوسط ...
لكن في ثالث متوسط  .. تخلت عني ... ويا ليتها تخلت عني بهدوء لكن ..  قالت لي اقوى كلمة ....
وجرحتني ... وعشان ايش .. لقت لها رفيق ..... ولا.. تقول .. انتي ما قد حسيت انك بنت كأنك ولد بحركاتك وتصرفاتك ....
انا اصلاً ما قد حبيتك ..... لا انا اكرهك ..... و ما شفتها بعد ذاك اليوم .....
بعدها كرهت نفسي .. وكرهت الدنيا بكبرها .. هي سافرت لكيوتو ...ولا حتى اتصلت ....
 و تبيني اقعد على ذيك الشخصية ؟؟ ... خلاص انا فاض بي الكيل ... الكل من حولي يتخلى عني ..
((الفصل السادس – الجزء 3 ))
ايا : من قبل سمعت هالشيء ... هو انا صدق كذا ؟؟
اكيرا : آيا هي ما كانت تعرفك صح ...
آيا : اسمعها منها عادي .... لكن هذي الكلمة سمعتها من " ماري " عشان كذا اشتعل غضبي ...
.............................
اكيرا : إلا هي ..... هي ماري اللي تخلت عنها ..... ليش رجعت ووش كانت تبي من آيا ؟؟
ويروح أكيرا لبيت آيا .. تفتح له جولي ..
اكيرا : آيا موجوده ...
جولي : هلا اكيرا ... ايه موجوده .....
اكيرا : ممكن اقابلها ؟؟
جولي : لكن هي جت ودخلت غرفتها وقفلت على نفسها ... وقالت انها ما تبي تشوف احد ...
أكيرا : كذا .. طيب جولي ممكن اسألك سؤال ؟؟
جولي : تفضل ..
أكيرا : انتي تعرفين كل صديقات آيا ... القديمات والجدد ؟؟
جولي : مو كلهم لكن اللي تعزهم آيا وتتكلم عنهم ....
أكيرا : طيب تعرفين ماري ؟؟
جولي متفاجأه : ماري ؟! وانت شلون عرفتها ؟؟
أكيرا : جاوبيني ....
جولي : اعرفها اكثر من كل صديقاتها ..
أكيرا : طيب ... تعالي معي ..
جولي : وين ؟؟
أكيرا : نتمشى شوي في حديقة الحي ..... وابي اسألك بعض الاسئله ...
جولي : اوكي .. بروح البس جيكيتي واجي ....
آكيرا في نفسه : كذا يمكن اعرف كل شيء عنها .... وليش رجعت .....
وتطلع جولي مع اكيرا ويمشون متجهين للحديقه ...
جولي : وش اللي تبيه ؟؟
أكيرا : وين ماري الحين ؟؟ انا مع آيا من سنتين لكن ما قد شفتها ...
جولي : ما ادري ... لكن الظاهر انها سافرت بعد المتوسط ....
أكيرا : قوليلي وش سالفتها من الاول ....
جولي : ماري اعز صديقة عند آيا وهي تكون صديقتها من الابتدائي نعرفها زين ودائما تجي عندنا .... انا احبها لانها تعاملني مثل اختها ... كانت حنونة مره واخلاقها عالية ... دخلت هي وآيا للمتوسط سوا وعاشو كل سنينها مع بعض ... لكن في آخر يوم رجعت آيا للبيت تصيح ... لا يمكن انسى صياحها ... صياحها كأن احد مات ..... قفلت على نفسها الغرفة وجلست آيا على حالتها وصارت ما تاكل ولا تشرب شيء ... سألتها ... وش فيك ؟؟ ... ردت ... قالت الم الفراق .... قلت فارقتي مين ؟؟ ... قالت واحد كان بالنسبة لي اغلى الناس .. تركني وراح ... ولا سمعني كلمة طيبة ..
أكيرا : طيب شلون كانت شخصية آيا من قبل ؟؟
جولي : قبل ما تروح ماري كانت آيا بنت مرحة وانوثية كثير وكنت اغار منها لاني كنت عربجية عندها ... لكن بعد ما دخلت للثانوي تغيرت كثير ما صارت ذيك البنت اللي اعرفها ...
أكيرا : طيب في ثالث متوسط ..
جولي : آيا كانت كثير عربجية وكأنها ولد .... لكن كانت قوية شخصية وكانت تحب ماري وبس ..
أكيرا : ماري وش اسمها الكامل ؟؟
جولي : ماري ساسون ..... هذا اسمها الكامل .
أكيرا : طيب عندك لها صورة ؟؟
جولي : كان لكن آيا حرقت كل الصور اللي فيها ماري .....
أكيرا : آيا كانت في أي مدرسة يوم كانت في المتوسط ؟؟
جولي : مدرستي اللي فيها الحين .... اسمها " مانومي " ....
أكيرا : شكرا لك جولي .. ما قصرتي معي ...
جولي : جاء دوري في الاسئله .....
أكيرا : وشو ؟؟
جولي : وش تبغى من ماري ؟؟
أكيرا : بأعلمك بس عشان تساعديني .... بس ما يطلع ... فهمتي ؟؟
جولي : شايفني بزر عندك ....
أكيرا : اسمعي اجل ....
ويقول لها ان ماري رجعت وان اللي في آيا الحين بسبب رجعتها وكذا ..
جولي : بسببها ؟؟
أكيرا : ايه .... وانا ابي اعرف وش قالت لآيا .... عشان كذا انا بدور عليها ....
جولي : اوكي انا معك ..
أكيرا : كل اللي علمتكياه لا يطلع لأحد ...
جولي : اوكي .....
اكيرا : يالله لازم نرجع الحين ..
لما وصلو للبيت ..
اكيرا : شكرا جولي على جيتك معي و مساعدتك في الاجابه على اسألتي ..
جولي بابتسامه : العفو و كل هذا عشان اختي شكرا لاهتمامك بها ..
اكيرا : تسلمين انا استأذن ..
جولي : مع السلامة ..
اكيرا توجه لسيارته وشاف شنطة آيا فألتفت على جولي : جولي استني ..
جولي توها بتدخل بيتهم سمعت اكيرا يستوقفها التفتت عليه : هلا ..
اكيرا يقرب و بابتسامه : بغيت انسى..
ويمد الشنطه :  خذي هذي شنطت آيا اللي تركتها في الكاريوكي .. كان ودي انا اللي اعطيها لها لكن ما حصل .. اعطيها ايها وسلميلي عليها ..
جولي بامتنان تاخذ منه الشنطه : يوصل ان شاء الله و مشكور ماتقصر .. ....
وراح أكيرا لبيته .. دخل البيت و توجه لغرفته وعلى المكتب جلس .. فتح النت ... ويدخل على عنوان المدرسة ...
يدور اسماء خريجين دفعة آيا ....
أكيرا : ماري ساسون ... ماري ساسون ..... هذا هو ؟؟
ويدخل على ملفها الشخصي ...
أكيرا : ممنوع الاطلاع ؟؟ راح تشوفون من اللي بيقرا ....
ويخترق أكيرا الصفحة ويفتح ملفها ...
أكيرا متفاجئ : مو معقوله ... شلون صار كذا ... ماري شلون مالها أي معلومات ؟؟
ويدقق اكيرا في صورة ماري ... وينصدم
اكيرا : ماري .. ماري تكون ... ؟؟ لا لامستحيل ... البنت اللي معي في الصور هي ماري ؟؟
تذكير :: (( الفصل الخامس – الجزء 1 ))
تلتفت آيا وتشوف صور اكيرا وهو صغير ومعه بنت .....
آيا : من صوره هذي ؟؟؟
......
اكيرا : لا لا اصلا هذي بنت عمي .... انا شلون راحت عن بالي .... بنت عمي اكبر مني بسنه وست شهور ...
ويلتفت اكيرا على الشاشة ويشوف صورة ماري وهي في ثالث متوسط ..
يقوم وياخذ وحده من الصور ويحطها جنب الشاشة ....
أكيرا : نفس العيون ... نفس لون الشعر ..... نفس الفم .. هذي نسخة من الصورة لكن بعد ما كبرت .... هذي البنت تشبهني كثير .. نفس العيون والفم ...
أكيرا يمسك راسه : وش اللي قاعد يصير ... هالبنت من تكون ؟؟
في الصباح الباكر::
صحى اكيرا بنشاط غير .. عنده مهمه .. راح غسل وجهه و غير ملابسه و توجه لبيت اهله ... يدخل اكيرا على امه وهي جالسه في الصاله ....
اكيرا يتوجه لامه يسلم عليها : كيفك يمه ..
الام : اكيرا ..... من زمان عنك يا حبيبي ....انا بخير الحمد الله..
أكيرا يجلس : آسف لكن الدراسة اشغلتني ....
الام بتساؤل : ما اشوف معك آيا ..... وينها ؟؟
أكيرا : مريضة شوي ؟؟
الام : وش فيها ؟؟
أكيرا بابتسامه: لا تخافين شوية زكام ... انتي تعرفين احنا في الشتاء والكل يجيه انفلونزا ....
الام بارتياح: الحمد لله ...
أكيرا صار جدي: يماه ...
الام : هلا ..
اكيرا متردد: امم ودي اسألك سؤال ؟؟ بس ابيك تجاوبيني بصدق وبكل صراحة ...
الام : تفضل يا حبيبي عساني اقدر اجواب عليك ....
أكيرا : يوم كنت صغير كنت اصور مع بنت .... من هذي البنت ؟؟
الام مرتبكه : هذي بنت عمك ؟؟
أكيرا حس ان فيه شي : يماه قلت قولي الصدق ... وبعدين بنت عمي اكبر مني .... لكن اللي معي في الصورة كبري تقريبا وتشبهني ..
الام تصرّف : هذا اللي عندي ؟؟ اكيرا لا تهتم في هالشيء ....
أكيرا في نفسه : احس ان عندي ذاكره مشوشه ماهي صافيه .. اعرف انكم تخبون عني شيء ... بس راح اعرفه سوا الحين او بعد حين ..
اكيرا : اخوي ما بعد رجع من شهر عسله ...؟؟
الام : لا بس راح يجي عن قريب ان شاء الله ...
أكيرا : أييه .... طيب يماه انا بروح ..
الام : توك جاي ..
أكيرا : خليها في زيارة ثانية مع آيا ...
الام : مع السلامة ...
يطلع اكيرا ويوقف في الشارع ...
أكيرا في نفسه : مالي إلا هو .... هو اللي يعرف كل شيء في الماضي ...
ويروح اكيرا لأكبر الخدم <~~ كبير في السن  وهو يشتغل عندهم من قبل ما ينولد أكيرا واخوه ....
يوقف اكيرا ويأشر بيده يعني السلام ... يجي له الخادم
أكيرا : تقدر تعطيني شوي من وقتك ؟؟
الخادم : اكيد يا سيد اكيرا ..
ويروحون ويجلسون في مكان بعيد شوي في حديقه البيت...
أكيرا : انا ابي أسألك وابيك تجاوبني بكل صدق ولا تكذب ...
الخادم : انا بين يديك ..
أكيرا يطلع الصورة ....
أكيرا : من هذي ؟؟
الخادم ارتبك : يعني ما تعرف ؟؟
أكيرا : قول لي ....
الخادم : مع انهم مانعيني اني اقول لك ... لكن اعتقد أني لازم اعلمك ....
أكيرا : مانعينك ؟؟
الخادم : البنت اللي معك في الصورة ......اختك التوأم ... " مارينو ساسو "
أكيرا متفاجئ : اختي التوأم ؟؟
الخادم : هذا الصدق ..
أكيرا : طيب وين اختي الحين ؟؟
الخادم : ماتت وعمرها 3 سنوات ..
أكيرا : شلون ماتت ؟؟
الخادم : اختك كانت مريضة ... وبعد ماطلعت من المستشفى قررو انهم يرحون ويتمشون في كيوتو ... وفي محطة القطار عمك فجأة هون لان عنده شغل .. لكن البنت كانت قريبة من باب القطار وركبت فيه ... وبعدها راحو ودوروها في كيوتو ثم ما لقوها وقالو انها ماتت ...
أكيرا : وليش قالو انها ماتت .... هم ما لقوها بس .. صح ؟؟
الخادم : لكن الحين مر على غيابها 14 سنه هي مختفيه تتوقع انها عايشة ؟؟
أكيرا : وليه لا ...
وينزل راسه : المهم اني عرفت الحين الحقيقة ....
الخادم : ما سألتني ليش ما كانوا يبغون يعلمونك ؟؟
أكيرا : ليه ؟؟
الخادم : خافو انك تروح تدور عليها .....
أكيرا : وهذا فيه كلام ... اكيد بأدور على اختي ..... لو طول عمري لكن ما اخليها تعيش حياة مظلمه بدون عائلة ...
ويقوم اكيرا ...
الخادم : سيد اكيرا ..~
أكيرا : مشكور على كل شيء ... ولا تخاف ما راح اعلمهم انك انت اللي علمتني ...
ويروح اكيرا ويركب سيارته ....
أكيرا : ما فيه غيرها ... ماري هي اختي ...  ماري واختي اسمها مارينو ... الاسماء تتشابه ... حتى اسماء الاباء ساسون ..... وساسو ...
هالمره انا ما ادورها عشان اعرف وش تبي من آيا ... انا الحين ادور اختي اللي فقدتها ...... من 14 سنه ....


أحداث الفصل السابع ::

تنزل راسها ثم ترفعه وتشوف اكيرا : اعتني بآيا احسن اعتناء ولا تغلط وتتخلى عنها ...
أكيرا : أكيد ..
.............
ماري واقفة .. وتناظر المكان من حولها ....
ماري : وداعاَ طوكيو ... انا بغيب عنك ....
.............
ماري واقفة عند الباب وتناظر آيا ...
ماري : وش الاحساس اللي جاني ... حسيت بنغزة في قلبي .... وش السبب ؟؟
.............
راي : ماري ؟!
آيا : انتي تعرفين ماري ؟؟