(( الفصل الخامس – الجزء 4 ))

 يجيء منكِ اكثر ... (( الفصل الخامس – الجزء 4 ))
 
تقوم آيا وتروح للمدرسة ... متشيكة ومتكشخة غير كل الايام ...
وتمر من عند الطلاب والكل يبارك لها ....
راي تلمها وهي مبسوطه : آيا مبروووووووووووووووووك يا عمري ....
آيا بابتسامه: مشكوره يا قلبي ..
توما غاير: محنا ناقصين نفاق اجتماعي .. عمري , حياتي , روحي .... كل كلامكم نفاق
راي تدلع لسانها تغايض توما : بلاك غاير .... آيا اكيد عمري .....
آيا بضحكه : ههه الله يخليك يا الحلا كله ..
ويوقف سوما .....
سوما بابتسامه : مبروك لك ولاكيرا ......
آيا : الله يبارك فيك ..و انت مبرووووووووووووووووووووووووووك عليك يونا  ....اسعدها تراها تستاهل تعطيها قلبك ..
سوما : الله يساعدني و اسعدها ..
مورا يصفق : مبروك للكل ....و عقبالي ..
سوما : يالله يا مورا ما بقى غيرك ..... عجل علينا .....
مورا : ايه و الله كني حسيت بالغيره ..
و بابتسامه كمل :. ان شاء الله بلحقكم عن قريب ....
توما بلقافه : واو مورا حركات تخبي علينا  .. قلنا منهي تعيسة الحظ ....
مورا يناظر راي بشفقه : و الله محد تعيس الا راي انها صارت لك ...
سوما تحمس: اخلص علينا .... يالله من هي ؟؟
مورا يناظرهم بتعجب : وش فيكم ؟؟ ما بعد اخترت ....
توما يتميلح : علينا يا الدب وش خايف و الله ماراح نخطفها منك .. بس قلنا منهي ..
سوما : هي معنا في المدرسه ؟؟
راي : وش شكلها ؟؟ بليز اوصفها لنا ..
يونا : مورا بتتكلم و لا نزاعلك <~~ تسوي حركات البزارين ..
مورا طلعت عيونه : خيييير وش صابكم منتو صاحين و الله مابعد اخترتها و ما فيه احد في بالي حتي و لو باختار ما اخذت وحده من المدرسه ..
آيا بدفاع: وراه وش فيهم بنات مدرستنا مو عاجبينك ..
راي تحط يدينها على خصرها : اي و الله آيا صادقه بنات مدرستنا مافيه احلى منهم ..
مورا يهديهم : انتو وراكم كلتوني بقشوري انا ما قلت ان بنات مدرستنا شينات بس قلت ما ابي آخذ منهم ..
توما واقف بصف راي : اجل ليش ما تبيهم ..
مورا : لان و بكل بساطه ما ابي وحده تعرفني و دارسه معي ..
سوما: مالت عليك نحسب عندك خبر..
اكيرا دخل عليهم : السلام يا شباب ....
مورا لقى من يحط حيله فيه : هذي تحية واحد توه لاقي له رفيقة .....؟؟
اكيرا مستغرب : وش فيها ؟!
سوما : الظاهر يحسب نفسه لازال في ايامه الخوالي ...
اكيرا يتمسخر : هاها ها ضحكتني وانا ما ابي اضحك ..
توما : وراكم على صديقي الغالي ..
راي تستغل الفرصه : الله من زين النفاق الاجتماعي و تقلده ( صديقي الغالي ) اقول بلا نفاق اجتماعي ..
توما ناظرها و ابتسم : انتي ما تضيعين ولا تنسين ..
آيا : لوسمحت قل ماشاء الله لا توديها في داهيه من عيونك ..
اكيرا يضحك : لا توما عيونه بارده ..
توما يقرب لاكيرا : تسلم يا الحبيب .. ويغمز لراي ..
ابتسمت راي له ..
اكيرا يناظر الشباب و يسوي نفسه زعلان : الحين انا من جيت محد فكر انه  يباركلي بس طقاق و مناقر كأني ما هميتكم ....
سوما يبي يقهره : ما يكفي اننا باركنا لايا ....
اكيرا ميل فمه : لا مايكفي .. اجل خلاص ماني مبارك لك .. تكفي يونا عنك ..
سوما بحالميه : عادي انا و يونا واحد ..
مورا بهبال: يصفر واو يا حركات ..وينك يا يونا تسمعين حبيبك..
سوما بتهديد: انت ورى ماتسكت ماتلاحط انه طلع لك لسان ..
مورا يسوي نفسه خايف يحط يده على فمه يعني خلاص سكتنا ..
ضحك الكل على حركاتهم و جلسو يسولفون شوي الى ان تصفر ....جات يونا وجلست معهم ..وبعد ربع ساعه صفرت ..
اكيرا وقف : يالله صفرت بروح للفصل ..
وقف الجميع : كلنا بنروح لفصولنا  .
آيا : انتظرني بجي معك ..
اكيرا : اوكي ..
راي مسكت يد آيا و بهمس قالت :آيا متى بتروحين للمدير ؟؟
آيا : وقت الفسحة ..
راي : تبيني اصير معك ؟؟
آيا : لا مشكورة .. انا ابي اسوي كل شيء لحالي ..
راي : على راحتك ..
آيا : ياالله انا بروح اكيرا ينتظرني ما ابغى أتأخرعليه و ابي اروح  للفصل قبل لايجينا المدرس.....
راي : اوكي باي ...
راحت آيا هي و اكيرا للفصل
مر الوقت وجا وقت الفسحة .....
اكيرا : يووه لك ساعة وانتي تكتبين الملخص يا آيا .... بتقضى الفسحة
آيا : آسفة اكيرا .... لكن ما راح اتفسح معك اليوم ...
اكيرا : ليه ؟.
آيا : احس اني مطوله انت روح اسبقني و انا اذا خلصت جيت ..
اكيرا : اوكي على راحتك ....
لما طلع اكير من الفصل قامت آيا وطلعت للمدير ..
وصلت لغرفته طقت الباب:.
المدير : تفضل ..
آيا دخلت: السلام عليكم ....
المدير : وعليكم السلام ...
آيا : هو انت طالبني ؟؟
المدير : لا
آيا : اجل استأذن ...
المدير : آيا ؟؟
آيا : نعم
المدير : ما قال لك ابوك شيء ... ؟؟
آيا : عن ايش ؟؟
المدير : اني كلمته ؟؟
آيا : لا ...... وليش كلمته ؟؟
قربت آيا له ووقفت قدام مكتبه ...
المدير : آيا انا اعرفك من سنتين ... لكن ما قد وصلني عنك شيء سيء ...
آيا : وليش تبي يجي عني شيء شين ؟؟
المدير : لا ما اقصد كذا ..... اقصد
آيا : وشو ؟؟
المدير : امس وصلتي رسالة ... او اسميه بلاغ عنك ....
آيا : ووش هالبلاغ ؟؟
المدير : آيا انتي ليه تدعين البنات كل يوم ؟؟
آيا : ادعوهم ؟؟ لوين ؟؟
المدير : للملاهي الليليه ...
آيا انهبلت : انا ادعوهم للملاهي الليلية ؟؟
المدير : هذا اللي وصلني وكثير من الطلاب والاهالي متأذين من هذا الشيء ..
آيا تهز راسها بالنفي : انا عمري ما سويت هالشيء ... وبعدين حتى انا وصديقاتي ما نروح لها .....
المدير : آيا لا تبرئين نفسك .... لان البنات نفسهم قالوا لي هالشيء وانك انتي اللي داعيتهم ...
آيا بدت الدموع تتحجر في عيونها : مستحيل اسوي كذا ومن هذولا البنات ووش اسماءهم... ؟؟
المدير : هم قالو لي اني ما اقولك من هم لانهم يقولون انهم يخافون تسوين لهم شيء ....
آيا بتنجن: يا استاذ انت تعرفني زين ... معقوله تتوقع مني هالشيء ؟؟
المدير : انا متعجب لاني اعرفك .... آيا ما ابي اسمع شيء ثاني عنك ... وهالمره باسامحك ...
آيا تحاول تضيع دموعها عشان ما تنزل : مع اني عارفة ان هذي اشاعة ..... لكن تكفى حط في بالك اني بريئة كذا بارتاح ......
وتطلع آيا والدموع في عيونها ...... راي كانت تنتظرها برا ...
راي : آيا وش صار ... ؟؟
آيا : راي الظاهر اني بعيش دائما مظلومة .....
راي : تعالي لفصلك و قولي لي وش اللي صار ؟؟
راحو للفصل و جلست آيا و الدموع تنزل بلا توقف و قالت لراي كل شيء حصل ..
آيا : وهذا اللي صار ..
راي : ليه كذا .... من هالغاير اللي يسوي فيك كذا ..؟؟
آيا : انا ما توقعت ان القصة كذا .... ودي اعرف من هالبنات على الاقل ....
راي : جتني فكره .... اسمعي ...
وتقول راي لايا ...
ويمر الوقت ..
وآيا كل حصة تستأذن من المعلم للخروج لدورة المياه ... وتروح عند باب المدير  ... وفي الحصة السادسة ...
آيا توقف عند مكان بعيد شوي عن غرفة المدير وتشوف ثلاث بنات متوجهين لغرفة المدير ..... تسمع حديثهم قبل ما يدخلون عليه ....
الطالبة1 : اكيد الحين راحت له ..
الطالبة 2 : احنا جايين الحصة الثالثة ولا شفناها تروح له .....
الطالبة 3 : اكيد الحين تصيح ومتحسفة انها خذت اكيرا ..
آيا في نفسها : اكيرا .. السبب اكيرا ؟! يعني هذولا البنات اللي ورطوني في هالمشكلة ؟.... خليني انتظر واشوف ...
ويدخلون على المدير وتروح آيا وتوقف عند الباب تتسمع ....
الطالبة 2 :  استاذ ما جت لك ؟؟
المدير : البنت صارت متفاهمة وقالت انها ما راح تسويها مره ثانية ....
الطالبة 1 : يعني اعترفت بخطأها على طول ؟؟
المدير : ايه ... وانا من جهتي سامحتها
الطالبة 3 : طيب اذا كانت تكذب عليك وترجع لعادتها الاولة .. ؟؟
المدير : لكل حادث حديث ..... يله روحو وارجعو لفصولكم ..
الطالبة 1 : طيب انت علمتها اننا احنا اللي اشتكينا عليها ..... ؟؟
المدير : طبعا لا .... وحتى هي ما سألت لانها اكيد عارفة من اللي خذتهم للملهى ....
الطالبة 3 : هي تخلي كل بنات المدرسة مو وحده او ثنتين ....
المدير : خلاص انتهينا من الموضوع ويله على فصولكم ...
وتبعد آيا من الباب وتروح تتخبا ...
ويطلعون البنات ...
الطالبة 1 : شلون كذا ؟؟
الطالبة 3 : هي ذكية ومو بسيطه ...
الطالبة 2 : شلون سامحها ..... هذي اكيد ساحرة ... سحرت اكيرا وبعد المدير ....
الطالبة 1 : يله خلينا نروح للفصل لا نتأخر ...
آيا في نفسها : المدير هو اللي ساعدني هالمرة ... الله يستر وش بيسوون بعد ... انا لازم انتبه اكثر لتصرفاتي عشان ما يطلعون شيء علي بعد ..
وترجع آيا للفصل وتجلس وتحط راسها على الطاولة .... اكيرا يناظرها باستغراب ....
وتجي الحصة السابعة .... يجي طالب لآيا ويعطيها ورقة آيا تفتح الرسالة ...
آيا : من مين ؟؟
الطالب : وحده ما اعرفها عطتني اياها ....
آيا : طيب شكرا ....
آيا تقرا الرسالة ....
((" بعد نهاية الدوام روحي للمسبح بدون ما يكون معك احد " ))
وينتهي الدوام ...
اكيرا : آيا وش فيك اليوم مو على بعضك .... ؟؟
آيا : لا ما فيه شيء لكن فيني نوم شوي .....
اكيرا : يله خلينا نروح ...
آيا : آسفة اكيرا بس وعدت راي اننا نرجع سوا .....
اكيرا : طيب اوكي خلاص ... باي .
آيا : باااي
وتجلس آيا في الفصل وتجي راي لها .....
راي : آيا وش صار ؟؟
آيا : ما صار شيء جديد ..
راي : يعني ما عرفتيهم ...؟؟
آيا : مع الاسف ...
راي : اشوفك ما رحتي مع اكيرا ....
آيا : كان عندي شوية ملخصات ناقصتني وقلت له يروح ....
راي : اساعدك فيها ؟؟
آيا : مشكورة يا قلبي الحين اخلص ...
راي : اجل استعجلي عشان نروح ...
آيا : راي انتي روحي وانا بروح لحالي ..
راي : ليه ....
آيا : مكلفني المعلم بشيء وبطول ما خلصته .....
راي : طيب ... اجل مع السلامة ....
آيا : مع السلامة ....
وتمر دقيقتين ....
آيا : اضن اني لازم الحين اروح لنادي السباحة ...
آيا تاخذ شنطتها وتروح للنادي تشوف باب النادي مفتوح وتدخل ....
آيا : فيه احد بغاني هنا ..
وتشوف واحد يأشر لها من بعيد ..
آيا في نفسها : ولد ؟! توقعت اني بقابل البنات ...
وتروح آيا له ...
آيا : انت اللي طالبني ؟؟
الطالب : ايه .... انا واصحابي هذولا ..
ويأشر عليهم ..
آيا : وش تبون مني ؟؟
الطالب 1 : احنا من نادي السباحة .... وانتي بنت معروفة في المدرسة شهرتك وصلت هنا .....
آيا : والمطلوب ؟؟
الطالب 2 : نبيك تشاركين معنا في النادي ....
آيا : بس انا ما اعرف اسبح ....
الطالب 2 : راح تتعلمين مع الممارسة ...
آيا : اسفة لكن ما راح اشارك ....
الطالب 1 : وليه ؟؟
آيا : انا ما احب السباحة ...
الطالب 3 : راح تحبينها ..... وبعد لازم كل واحد يعرف يسبح ....
آيا : لكن التسجيل في النوادي يكون من اول السنه مو الحين .....
الطالب 1 : نقدر نتوسط لك ...
آيا : طيب راح افكر في الموضوع ....
الطالب 1 : ودنا نعرف قرارك الحين لانهم مهلونا يوم ...
آيا : لكن انا ما اعرف اقرر بسرعة ...
الطالب 2 : طيب خلاص خذي جوالي واذا قررتي دقي علي ....
آيا : اوكي .... ومشكورين على الدعوة ..
ويمر اليوم وآيا تفكر ....
آيا : ما ادري بس احسني ما ارتحت لهم ابد ... والصراحة انا ما ودي اشترك في ناديهم .... خلاص قررت اني منب مشاركة وافك روحي من هالنادي .....
وتدق آيا على الطالب ....
آيا : الوه ...
الطالب : اوه ... هلا ايا ..
آيا : انا آسفة ... لكن قررت اني ما اشارك ...
الطالب : وليه ؟؟
آيا : ما ادري لكن ما ودي ...
الطالب : طيب ممكن اشوفك ؟؟
آيا : ليه ...
الطالب : ودي اقنعك بالموضوع ... لكن التلفون ما ينفع .....
آيا : هالوقت ؟؟
الطالب : ايه
آيا : بس انا خلاص ما راح اتراجع ...
الطالب : ابي السبب ..
آيا : من دون سبب ...
الطالب : يله عاد .... تكفين خليني اكلمك طيب ...
آيا : اوكي ... وين تبيني اشوفك ...
الطالب : في الممشى ...
آيا : خلاص اوكي .....
الطالب : مع السلامة ..
آيا تروح وتلبس .... وتطلع في الشارع .. يدق جوالها ....
آيا : الوه ...
اكيرا : هلا ايا ....
آيا : هلا بك ...
اكيرا : تطلعين معي الحين ؟؟
آيا : وين ؟؟
اكيرا : نتمشى ...
آيا : طيب خلاص بس انا بروح الحين اقابل واحد في الممشى وانت تعال هناك وخذني ...
اكيرا : من بتقابلين ؟؟
آيا : واحد من نادي السباحة ..
اكيرا : وش عندك معه ؟؟
آيا : يبوني اشترك معهم في النادي ....
اكيرا : هالوقت .... الناس تسجل من اول السنة ....
آيا : قالو انهم يقدرون ..
اكيرا : وانتي تبين تشاركين ؟؟
آيا : انا رفضت .... لكن هو قال انه يبي يقنعني ..... واصر اني اقابله ...
اكيرا : لهادرجة يبونك ؟؟
آيا : يقولون اني مشهورة .... واكيد انشهرت زياده يوم صرت رفيقتك هههه ... يله مع السلامة اشوفك في الممشى .....
وتسكر آيا السماعة ...
اكيرا : مشهورة اجل ... ولا بعد انشهرتي زياده يوم صرتي رفيقتي ...
آيا تروح للممشى .... وتشوف الطالب ...
آيا : السلام ..
الطالب : وعليكم السلام ...
وتجلس آيا ويقعد يحاكيها وهو يقنعها ..
اكيرا وهو في الطريق ...
اكيرا : طلاب نادي السباحة ما يحبون الطلاب المشهورين في المدرسة .... توما كان في هالنادي وكان يقول انهم ما يحبونهم ....
في الممشى :.
آيا : طيب ودي اسألك سؤال ؟؟
الطالب : وشو ؟؟
آيا : ليش ما جيتو من انفسكم ودعيتوني .... ليش ارسلتو لي رسالة .....؟؟
الطالب : كنا خايفين انك ترفضين ..... ثم نتفشل ....
آيا : طيب ليش قلتو في الرسالة .... محد يجي معي ... يعني لحالي ؟؟
الطالب : كنا خايفين تنحرجين من اللي معك وترفضين ....
آيا : اها ..... طيب في النهاية .... انا رافضة ...
الطالب : راسك يابس ...
آيا : آسفة ...
وتوقف آيا ...
الطالب : وين ؟؟
آيا : بروح مابيني و بينك كلام ..
الطالب : لايكون زعلتي ؟..
ايا : مازعلت بس اتركني في حالي انا رايحه ..
الطالب : يمسكها مع يدها  :
آيا انتظري ..
آيا ارتاعت من جرأته ابعدت يده عنها : لوسمحت لاتلمسني ..
الطالب يسوي نفسه متأسف : آسفه ما كان قصدي بس كنت بأقولك خليني اوصلك ..
آيا بقرف تعطيه ظهرها : مشكور ماتقصر بيجي اكيرا ياخذني من هنا ...
في هاللحظه جاء اكيرا ..
الطالب انتبه لاكيرا ... اسرع لآيا وضمها له من ظهرها ...
آيا تحاول تبعده: ابعد عني يا وقح وش تبي مني ؟؟
وفي نفس الوقت ينزل اكيرا ويشوفهم ..
آيا بكل قوتها : قلتلك ابعد عني..
الطالب لما تأكد ان اكيرا شافه بعد عنها ...
آيا شافت اكيرا وكان وجه متغير : اكيرا انت جيت ؟؟
اكيرا وجه تغير من الصدمه: وليش متفاجئة ... الظاهر انك ما تبيني اجي ..... ؟؟
آيا الدموع في عيونها مرتاعه تهز راسها : لا مو كذا قصدي ....
اكيرا بدأ يتنفس بسرعه من شدة المنظر : ما توقعت منك يا آيا ...... لكن يجي منك اكثر .....
اسرع اكيرا لسيارته وركب فيها وطار بسرعه جنونية ..
آيا تلتفت على الطالب ولا تلقاه موجود ...
آيا بصرخة مظلوم : لااااااا ...خدعتوني ياحقيرين ..... ليييييييييييييييييييه ؟؟!!
وتقعد آيا في الأرض وتصيح صياح يقطع القلب ....
آيا وهي منهاره : كله منكم يا كذابين ..... كله منكم شككتو اكيرا فيني .... ؟؟
جلست على حالها ساعة بعدها وقفت ورجعت لبيتهم تتسحب مافيها طاقه كل قوتها راحت مع الصياح .. دخلت للبيت توجهت لغرفتها راحت لسريرها و نامت مكسورة القلب  ....
في الصبح :.
الام : آيا يله روحي للمدرسة ...
آيا : ما ابي اروح اليوم ...
الام : لكن هالسنة كثرتي غياب ...
آيا : انا ما ابي اروح للمدرسة ابد ...
الام : طيب ... خلاص على راحتك ...
في المدرسة :.
يونا : صباح الخير راي
راي : صباح النور ....
ويمر اكيرا من عندهم ...
يونا : وش فيه حتى ما سلم علينا ...
راي : الا وين آيا ؟؟
يونا : ما ادري عنها ... ما بعد جت ....
توما : شفتو اكيرا ؟؟
يونا : تو مر من عندنا ... لكن اليوم مو على بعضه ...
توما : وش فيه ؟؟
راي : ما ندري ..... روح اسأله وعلمنا ...
توما : طيب ... يونا ما جاء سوما ؟؟
يونا : قال لي امس انه بيتأخر عشان مباراة نادي السلة يبي يستعد لها ...
توما : ايه والله كنت ناسي ...
ويروح توما لاكيرا ويشوفة جالس على الكرسي وحاط راسه على الطاولة .....
توما : صباح الخير ..
واكيرا ساكت ..
توما : اكيرا ... وش فيك يا اخوي ؟؟
اكيرا : توما خلني لحالي .... تكفى
توما : ما اشوف آيا هي جت ؟؟
اكيرا في نفسه : ولها وجه بعد تقابلني .....
توما : اكيرا .... ياخي قلي وش فيك ؟؟
اكيرا : راح اقول لك لكن تكفى بعدين ....
توما : اوكي ... يله انا بروح الحين قبل ما يجي المعلم ..... اشوفك بعدين وبحالة احسن من كذا ..
راي : متغلق ؟؟
توما : لكن لما اعرف وش فيه راح اقولكم ..
راي في نفسها : آيا لا يكون اللي ورطوك امس بعد مسوين لك شيء اليوم ..... بس وش اللي صار آيا شكلها غايبة ... آآه لو اعرف من هالبنات.
ويمر اليوم واكيرا ساكت وما قال شيء لتوما .....
يقوم اكيرا من كرسيه بيطلع من الفصل ... ويقابله سوما ومورا وتوما ....
توما : مر اليوم كله .... وانت ما حكيت ولا بحرف ....
سوما : اكيرا ....هذا الوجه مو وجهك اللي نعرفه ..
اكيرا : توما ~
توما : نعم
اكيرا : انت كنت في نادي السباحه صح ؟؟
توما : ايه ...
اكيرا : تعرفهم كلهم ؟؟
توما : اممم ما اقدر اقولك اني اعرفهم كلهم لان اكيد فيه ناس سجلو من بعدي ....
اكيرا تغير وجهه ولا يدري وش يسوي ...
توما : اكيرا ؟؟ حصل شيء بينك وبين آيا ؟؟
يمشي اكيرا ويخليهم ... يناظرون بعض باستفهام ويمشون وراه .... يروحون لنادي السباحه ويدخل اكيرا وهو يتلفت على كل الطلاب .....
توما : تدور على مين ؟؟
اكيرا : وين المدرب ؟؟
توما : اعتقد طلع ... لكن فيه " كي " هو يعرف كل اللي هنا ؟
اكيرا : وينه ؟؟
توما يتلفت ويشوفه من بعيد .....
توما بنداء : كيييي ~~
يلتفت " كي " ويبتسم يوم شاف توما ويجي لهم .....
يسلم توما عليه .....
كي : وين من زمان عنك يا المتقاعد ...
توما : خلاص هالنادي صار من الماضي ....
كي : على هالسنتين تكبرت علينا ....
توما : ايه وسع صدرك خلاص انا مليت .... اهم شيء اني اعرف الاساسيات ....
كي : ما راح اكثر معك عارفك راسك يابس ...
توما : صديقي اكيرا يبي منك معروف ..
ويسلم اكيرا عليه : آسفه اننا جينا لك وانت مشغول ....
كي : لا عادي لا مشغول ولا شيء .. تفضل اطلب اللي تبي ...
اكيرا : الله يعافيك .... بس بس بغيت اشوف ملف المسجلين في النادي ..
كي : عندك عضو هنا تبي تقابله ؟؟ طيب عطني اسمه وانا اطلعه لك ..
اكيرا : مع الاسف انا ما اعرف اسمه لكن اعرف شكله ....
كي : وش يصير لك قريب ؟؟
اكيرا : لا معرفه بس ... وبغيت اعرف اسمه ...
كي : على راحتك .. تعال معي واعطيك الملف لكن تبي أي مرحله ؟
اكيرا : ثالث ثانوي ...
كي : اوكي تعال معي ...
يروح اكيرا معه ويبقى توما مع الباقي ...
سوما : غريبه وش عند اكيرا ؟؟ من هالشخص اللي يبي يعرف اسمه ..
توما : والله حتى انا مستغرب ... تصرفاته غريبه ....
مورا : انا مو مرتاح من هالتصرف ...
سوما : اذا كان فيه شيء حصل بين اكيرا وآيا اكيد واصل لراي ... توما اسألها ...
توما : اوكي بحاول اليوم اتصل واعرف كل شيء ... وعسى عندها الاخبار ....
اكيرا قاعد يتصفح الملفات ويشوف صور المسجلين ولا لقا الشخص اللي كان مع آيا ...
اكيرا : هذولا كلهم ؟؟
كي : ايه ....
اكيرا في نفسه : وكنتي تكذبين علي انه من نادي السباحه يا آيا ...
اكيرا : شكرا لك ..
كي : ما لقيت الشخص ؟؟
اكيرا يحاول يصرف يفتح واحد من الملفات ويأشر على واحد ....
كي : هذا ؟؟
اكيرا : كنت احسبه انه هنا لانه يشبه هذا العضو .... آسف ازعجتك بطلبي ....
كي : لا عادي لا ازعجتني ولا شيء ...
يسلم اكيرا عليه ويطلع ويروح لربيعه ....
توما : وش عندك ؟؟
اكيرا : كنت مشبه ... ما فيه شيء ....
يرجع الكل من الدوامات ....
الابو يدخل البيت يصارخ : آيــــــــا ........ آيــــــــــــــــــــــــــــا ... ؟؟
آيا تقوم مفزوعة : وش السالفة ؟؟
الام : هد بالك ...... وش اللي صار ؟؟
الابو : وينها ..... وين آيا ؟؟
آيا : انا هنا وش فيك يا ابوي ....
الابو يحاول يمسك اعصابه ويروح لآيا
الابو : فضحتيني وسودتي وجهي ... مو هذي تربيتي فيك ....
آيا ما تفهم وش يبي يوصل له: ابوي ؟؟
الابو : يا قليلة الحياء ....
آيا : وش سويت ؟؟
الابو : تفشليني عند المدير وعند الناس والعالم ......
آيا : وش سويت علمني ؟؟
الابو : قولي لي قبل امس وين كنتي بالضبط ....
آيا : قلت لكم اني كنت عند زميلتي مريضه ...
الابو : وينها ؟؟
آيا : معي في المدرسه ... زميله بس
الابو : وين بيتهم ابي اروح لهم ..
آيا بخوف : ليه تبي تشوفها ؟؟
الابو : وينها ؟؟
آيا : بيتها مره بعيد خلاص انا اخليها تجي لنا ...
الابو : واذا كان بيتها بعيد ليه تصير معك في مدرستك ليه ما تكون في مدرسه قريبه منها ؟؟
آيا حست انها تورطت مع هالكذبه ....
آيا تعض على شفتها : آسفه .... ما كنت عند زميلتي ..
الابو حمقان : وتكذبين علي بعد ...
آيا : مو هذا المهم ... انت وش فيك علي ؟؟
الابو : فضحتيني ... ما توصل ان بنتي بهالشكل ....
آيا حمقانه : لا تحاكيني بالالغاز ووضح لي ؟!!
الابو ما قدر يمسك نفسه وصفق آيا مع وجهها ...
الام وجولي شهقو ..
آيا تحط يدها على خدها : وتضربني حتى بدون ما اعرف السبب ... هذا ظلم
الابو : اطلعي برا لا انا ابوك ولا اعرفك ... ولا ترجعين لهالبيت مره ثانية .... برا
آيا : تطردني يا ابوي من بيتك ...... تطرد بنتك ... ؟؟!
الاب : اطردك و اطرد كل من يمشي ممشاك ...
آيا تقعد على الارض عند رجول ابوها وهي تصيح : احب رجولك لا تتبرأ مني .... تكفى يا ابوي ..
الابو : اذا رجعت وشفتك في هالبيت بتشوفين الموت ..
طلع وخلاها في دوامه جديدة..
آياتناظرامها و دموعها تسيل: يمه ابوي تبرامني تبرأ مني .لا ما ابي الشارع ابي اهلي يمه ابيكم و الله انا مظلومه .. جولي انا مظلومه لاتصدقين كلام احد و الله انا مظلومه.. يمه انا تربية يدينك والله عمري ماسويت شي مايرضيك .. جوليا انا اختك نقيه و ما ارضى على نفسي الفساد تراني مظلومه ..وصارت تضيح بهستيريا ..
الأم تصيح مع بنتها و هي ضامتها : مصدقتك يا بنتي يا قلبي انتي انا اعرفك و اعرف تربايتي فيك انتي آيا بنت بطني من لحمي و دمي ..
جوليا موقفه مكانها و تصيح على حال اختها وهي حاطه يدها على فمها تكتم شهقاتها ..
حال البيت ما يسر .. فجأه
قامت آيا وهي تصيح وطلعت برا البيت ...
الام تلحقها : آيـــــا ~
توقف آيا وتلتفت على امها
آيا : ما ابي ابوي يقتلني ياايمه ...
الام : وين بتروحين ....؟؟
آيا : اي مكان اي مكان ...
وتروح آيا وهي تركض .....
الام : آياااااااااااااااااااااااااااااااا ..... ارجعي يا بنتي ....
رجع الابو ودخل البيت ..
الام : حرام عليك في اللي تسويه في بنتك .....
الابو : خليها تروح ..... روحه بلا رده ...
وجولي من هول المنظر طلعت لغرفتها راحت تبكي اختها الوحيده المظلومه اللي ماتعرف وش سبب تبري ابوها منها قعدت تصيح على تغير حالهم ...

أحداث الجزء الاول – الفصل السادس ::
ماذا ستفعل آيا ؟؟
وهل ستظهر برائتها ؟؟
وهل سيندم أكيرا ؟؟